വിസ നിയമലംഘകർക്ക്​ ഗ്രേസ്​ പിരീഡുമായി ഖത്തർ; നാളെ മുതൽ മൂന്നു മാസം

ദോഹ: വിസ ചട്ടങ്ങൾ ലംഘിച്ച്​ അനധികൃതമായി താമസിക്കുന്നവർന്ന്​ രാജ്യം വിടാൻ ഇളവ്​ നൽകുന്ന ഗ്രേസ്​ പിരീഡ്​ പ്രഖ്യാപിച്ച്​ ഖത്തർ. ഫെബ്രുവരി ഒമ്പത്​ ഞായാറാഴ്​ച ​പ്രാബല്യത്തിൽ വരുന്ന ഗ്രേസ്​ പരീഡ്​ മൂന്നു മാസം വരെ തുടരുമെന്ന്​ ഖത്തർ ആഭ്യന്തര മന്ത്രാലയം അറിയിച്ചു. മതിയായ താമസരേഖകളില്ലാതെ അനധികൃതമായി ഖത്തറിൽ കഴിയുന്നവർക്ക്​ പിഴയോ ശിക്ഷയോ ഇല്ലാതെ തങ്ങളുടെ രാജ്യങ്ങളിലേക്ക്​ മടങ്ങാൻ അവസരം ഒരുക്കുന്നതാണ്​ ഫെബ്രുവരി ഒമ്പത്​ മുതൽ മാർച്ച്​ ഒമ്പത്​ വരെ നീണ്ടു നിൽക്കുന്ന ഗ്രേസ്​ പിരീഡ്​.

ഖത്തറിലെ പ്രവാസികളുടെ എൻ​ട്രി, എക്​സിറ്റ്​, റെസിഡൻസ്​ എന്നിവ നിയന്ത്രിക്കുന്ന 2015 ലെ നിയമം (21) ലംഘിക്കുന്നവർക്ക് രാജ്യം വിടാൻ ഇളവ്​ നൽകുകയാണ്​ ഇതുവഴി. നിയമ ലംഘകർക്ക്​ ഹമദ്​ വിമാനത്താവളത്തിൽ നേരി​ട്ടെത്തിയോ സൽവ റോഡിലെ സെർച്ച്​ ആൻറ്​ ഫോളോഅപ്പ്​ വിഭാഗത്തിലെത്തിയോ ഗ്രേസ്​ പിരീഡ്​ ഉപയോഗപ്പെടുത്തി രാജ്യം വിടാം. ഉച്ചക്ക് ഒരു മണി മുതൽ രാത്രി ഒമ്പത്​ വരെയാണ്​ സെർച്ച്​ ആൻറ്​ ഫോളോഅപ്​ വിഭാഗം ഓഫിസ്​ പ്രവർത്തന സമയം.