വിസയില്ലാതെ വരവ്​ : പ്രഖ്യാപനത്തിന്​ വൻ സ്വീകാര്യത; കൂടുതൽ ഉപാധികളെന്ന പ്രചരണം അടിസ്​ഥാനരഹിതം

ദോഹ: ഇ​ന്ത്യ​യു​ള്‍പ്പെ​ടെ 80 രാ​ജ്യ​ങ്ങ​ളി​ല്‍ നി​ന്നു​ള്ള സ​ന്ദ​ര്‍ശ​ക​ര്‍ക്ക്  വി​സ​യി​ല്ലാ​തെ ഖ​ത്ത​റി​ലേ​ക്ക് വ​രാ​മെ​ന്ന പ്ര​ഖ്യാ​പ​ന​ത്തി​ന് വി​വി​ധ രാ​ജ്യ​ങ്ങ​ളി​ലെ പൗ​ര​ന്‍മാർക്കും  ഖ​ത്ത​റി​ലെ പ്ര​വാ​സി​ക​ൾക്കുമിടയിൽ വ​ന്‍ സ്വീ​കാ​ര്യ​ത​. അ​തേ​സ​മ​യം വി​സര​ഹി​ത വരവിന്​ കൂ​ടു​ത​ല്‍ ഉ​പാ​ധി​ക​ള്‍ ഉ​ള്ള​താ​യ തെ​റ്റായ വാർത്തകളും സാ​മൂ​ഹി​ക മാ​ധ്യ​മ​ങ്ങ​ൾ വഴി പ്ര​ച​രി​ക്കു​ന്നു​ണ്ട്.

നേരത്തേ നിലവിലുള്ള ടൂറിസ്​റ്റ്​ വി​സ സം​വി​ധാ​ന​ത്തി​​​െൻറ  ഉ​പാ​ധി​ക​ളാ​ണ് തെ​റ്റി​ദ്ധാ​ര​ണ​ക്ക് ഇ​ട​യാ​ക്കുംവിധം പ്രചരിക്കുന്നത്​. ലോ​ക​രാ​ജ്യ​ങ്ങ​ള്‍ക്കു മു​മ്പി​ല്‍ ത​ങ്ങ​ളു​ടെ വാ​താ​യ​ന​ങ്ങ​ള്‍  തു​റ​ന്നി​ട്ട ഖ​ത്ത​റി​​​െൻറ നി​ല​പാ​ടി​ല്‍ സ്വ​ദേ​ശി​ക​ള്‍ പൊ​തു​വെ  സം​തൃ​പ്ത​രാ​ണ്. രാ​ജ്യ​ത്തെ ഹോ​ട്ട​ലു​ക​ള്‍ക്കും ഭ​ക്ഷ​ണ​ശാ​ല​ക​ള്‍ക്കും ടൂ​റി​സം മേഖലയിലും വ​ന്‍  സാ​ധ്യ​ത​ക​ളാ​ണ് പു​തി​യ സം​വി​ധാ​നം തു​റ​ന്നി​ടു​ക​യെ​ന്നാ​ണ്  പ്ര​തീ​ക്ഷ. കൂ​ടു​ത​ല്‍ സ​ഞ്ചാ​രി​ക​ളും സ​ന്ദ​ര്‍ശ​ക​രും  ഖ​ത്ത​റി​ലേ​ക്കെ​ത്തു​ന്ന​ത് രാ​ജ്യ​ത്തെ എ​ല്ലാ സം​വി​ധാ​ന​ങ്ങ​ള്‍ക്കും ഗു​ണ​ക​ര​മാ​വു​മെ​ന്ന് പ്ര​വാ​സി​ക​ളും പ്ര​തീ​ക്ഷി​ക്കു​ന്നു​ണ്ട്. 

എ​ന്നാ​ല്‍ ഇ​ന്ത്യയു​ള്‍പ്പെ​ടെ​യു​ള്ള 80 രാ​ജ്യ​ക്കാ​ര്‍ക്ക് വി​സ​യി​ല്ലാ​തെ  രാ​ജ്യ​ത്തേ​ക്കെ​ത്താം എ​ന്ന വാ​ര്‍ത്ത​യെ സാ​മൂ​ഹി​ക  മാ​ധ്യ​മ​ങ്ങ​ളി​ല്‍ ആ​ഘോ​ഷി​ച്ച പ്ര​വാ​സി​ക​ള്‍ ത​ന്നെ പു​തി​യ  ആ​ശ​യ​കു​ഴ​പ്പം പ​ങ്കു​വെ​ക്കു​ന്നു​ണ്ട്. ഗ​വ​ണ്‍മ​െൻറ്​ വെ​ബ്സൈ​റ്റി​ല്‍ നേ​ര​ത്തെ ത​ന്നെ​യു​ള്ള  ടൂ​റി​സ്​റ്റ്​ വി​സ  ഉ​പാ​ധി​ക​ളാ​ണ് ഇ​പ്പോ​ൾ വി​സര​ഹി​ത സം​വി​ധാ​ന​ത്തി​​​െൻറ  ഉ​പാ​ധി​ക​ൾ എന്ന നിലയിൽ സാ​മൂ​ഹി​ക മാ​ധ്യ​മ​ങ്ങ​ളി​ല്‍ പ്ര​ച​രി​ക്കു​ന്ന​ത്. അ​തേ​സ​മ​യം സ​ന്ദ​ര്‍ശ​ക വി​സ​യി​ലെ​ത്തി  തൊ​ഴി​ലെ​ടു​ക്കാ​നാ​വി​ല്ലെ​ന്ന മു​ന്ന​റി​യി​പ്പ് അ​ധി​കൃ​ത​ര്‍ ത​ന്നെ  ന​ൽകി​യി​ട്ടു​മു​ണ്ട്. അ​വ​സ​ര​ങ്ങ​ള്‍ ദു​രു​പ​യോ​ഗം ചെ​യ്യു​ന്ന​തി​ന്  ത​ട​യി​ടാ​നു​ള്ള വി​പു​ല​മാ​യ സം​വി​ധാ​ന​ങ്ങ​ള്‍ രാജ്യത്തെ  ആ​ഭ്യ​ന്ത​ര മ​ന്ത്രാ​ല​യ​ത്തി​ന് കീ​ഴി​ല്‍ നി​ല​വി​ലു​ണ്ട്.