Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightപ്രതിരോധ ശേഷി...

പ്രതിരോധ ശേഷി കുറഞ്ഞവർക്ക്​ ഖത്തറിൽ മൂന്നാം ഡോസിന്​ അനുമതി

text_fields
bookmark_border
vaccination
cancel

ദോഹ: ഗുരുതര രോഗങ്ങൾ കാരണം രോഗ പ്രതിരോധ ശേഷി കുറഞ്ഞ വിഭാഗങ്ങൾക്ക്​ കോവിഡ്​ വാക്​സിൻ മൂന്നാം ഡോസ്​ നൽകാൻ ഖത്തർ ആരോഗ്യ മന്ത്രാലയം അനുമതി. ഫൈസർ, ​മോഡേണ വാക്​സിനുകൾ സ്വീകരിച്ചവരിലാണ്​ മൂന്നാം ഡോസിന്​ അംഗീകാരം നൽകിയത്​. എന്നാൽ, ഇത്​ ബുസ്​റ്റർ ഡോസായി പരിഗണിക്കില്ല. മാറാരോഗങ്ങൾ കാരണം ഗുരുതര ആരോഗ്യ പ്രശ്​നങ്ങൾ നേരിടുന്നവർക്കാണ്​ രണ്ടാം ഡോസ്​ കഴിഞ്ഞ്​ നിശ്​ചിത ദിവസത്തിനു ശേഷം മൂന്നാം ഡോസ്​ നൽകാൻ തീരുമാനിച്ചത്​.

അർബുദ ചികിത്സക്ക്​ വിധേയരായവർ, അവയവമാറ്റ ശസ്​ത്രക്രിയ കഴിഞ്ഞ്​ മരുന്നുകൾ കഴിക്കുന്നത്​ മൂലം രോഗ പ്രതിരോധ ശേഷി കുറഞ്ഞവർ, രണ്ടു വർഷത്തിനുള്ളിൽ മൂലകോശ മാറ്റ ശസ്​ത്രക്രിയക്ക്​ വിധേയരാവുകയും, രോഗ പ്രതിരോധ ശേഷി കുറക്കുന്ന മരുന്നുകൾ ഉപയോഗിക്കുകയും ചെയ്യുന്നവർ, ഡിജോർജ്​ സി​ൻഡ്രോം ഉൾപ്പെടെ ​ജന്മന വൈകല്യങ്ങൾ കൊണ്ട്​ രോഗപ്രതിരേധ ശേഷി കുറയുന്നവർ, എയ്​ഡ്​സ്​ ഉൾപ്പെടെയുള്ള മാറാ രോഗങ്ങൾക്ക്​ ചികിത്സ തേടുന്നവർ, ഗുരുതരമായ കിഡ്​നി രോഗങ്ങൾക്ക്​ ചികിത്സയിൽ കഴിയുന്നവർ തുടങ്ങിയ വിഭാഗങ്ങളാണ്​ മൂന്നാം ഡോസിന്​ അർഹരാവുന്നത്​. ഇത്തരം വിഭാഗങ്ങളിൽ പെടുന്നുവർക്ക്​ ​രാജ്യത്തെ പ്രാഥമിക ആരോഗ്യ കേന്ദ്രങ്ങളിൽ നിന്നോ, ഹമദ്​ മെഡിക്കൽ കോർപ്പറേഷനിൽ സ്​പെഷ്യലൈസ്​ഡ്​ കെയർ ടീമിനെയോ സമീപിച്ച്​ വാക്​സിൻ സ്വീകരിക്കാവുന്നതാണ്​.

രോഗ പ്രതിരോധ​ ശേഷം കുറഞ്ഞവർ മൂന്നാം ഡോസ്​ സ്വീകരിക്കുന്നതിലൂടെ കോവിഡിൽ നിന്നും സുരക്ഷ നേടാൻ കഴിയുമെന്ന്​ ആരോഗ്യ മന്ത്രാലയം അറിയിച്ചു.രോഗപ്രതിരോധ ശേഷം കുറഞ്ഞത്​ മൂലം ആരോഗ്യപ്രശ്​നം നേരിടുന്നവർക്ക്​ മൂന്നാം ഡോസ്​ നൽകാൻ കഴിഞ്ഞയാഴ്​ച അമേരിക്ക തീരുമാനിച്ചിരുന്നു. യു.എസ്​ ഫുഡ്​ ആൻഡ്​ ഡ്രഗ്​ അഡിമിനിസ്​ട്രേഷനാണ്​ ഫൈസർ ബയോഎൻടെക്​, മൊഡേണ വാക്​സിനുകൾ അത്യവശ്യ ഘട്ടത്തിൽ നൽകാൻ​ നൽകിയത്​. രണ്ടാം ഡോസ്​ സ്വീകരിച്ച്​ 28 ദിവസം കഴിഞ്ഞ ശേഷം മാത്രം മൂന്നാം ഡോസ്​ സ്വീകരിക്കാൻ പാടുള്ളൂ എന്നാണ്​ എഫ്​.ഡി.എ അറിയിച്ചത്​.

അവയവദാന പ്രക്രിയയിലൂടെ കടന്ന് പോകുന്ന രോഗികള്‍ക്ക് മൊഡേണയുടെ മൂന്നാം ഡോസ് വാക്‌സിന്‍ സംരക്ഷണം നൽകുമെന്ന്​ അടുത്തിടെ വന്ന പഠനങ്ങൾ വെളിപ്പെടുത്തിയിരുന്നു. ഡെൽറ്റ വകഭേദങ്ങൾ റിപ്പോർട്ട്​ ചെയ്​ത സാഹചര്യത്തിൽ ഖത്തർ ആരോഗ്യ മന്ത്രാലയത്തിൻെറ നീക്കം രാജ്യത്തെ ദുർബല ആരോഗ്യ വിഭാഗങ്ങൾക്ക്​ സംരക്ഷണം നൽകുന്നതാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Qatar Vaccination
News Summary - qatar vaccination updates
Next Story