ഖത്തർ: റസ്​റ്റാറൻറുകൾ​ തുറക്കാം; രണ്ടാംഘട്ട ഇളവ്​ നാളെ മുതൽ

ദോഹ: ഖത്തറിൽ കോവിഡ്​ നിയന്ത്രണങ്ങൾ നീക്കുന്നതി​​െൻറ രണ്ടാം ഘട്ടം ജൂലൈ ഒന്നുമുതൽ തുടങ്ങും. ഈ ഘട്ടത്തിൽ പരിമിതമായ ശേഷിയിൽ രാജ്യത്തെ റസ്​റ്റാറൻറുകൾ വീണ്ടും തുറന്നു പ്രവർത്തിക്കാം. ഇത് സംബന്ധിച്ച് കൂടുതൽ മാർഗനിർദേശങ്ങൾ വാണിജ്യ വ്യവസായ മന്ത്രാലയം പുറത്തിറക്കും.

സുപ്രീം കമ്മിറ്റി വ്യക്തമാക്കിയ പ്രധാന നിർദേശങ്ങളും ഇളവുകളും

• കൂടുതൽ പള്ളികൾ അഞ്ച് നേരവും പ്രാർഥനക്കായി തുറക്കും. മതിയായ സുരക്ഷ മുൻകരുതൽ സ്വീകരിച്ച്​ പരിമിതമായ ആൾക്കാരെ മാത്രമേ പ്രവേശിപ്പിക്കൂ.
• പൊതു, സ്വകാര്യ ഇടങ്ങളിലെ ഒത്തുചേരലുകളിൽ അഞ്ച് പേരിൽ കൂടുതൽ പാടില്ല.
• തൊഴിലിടങ്ങളിൽ മതിയായ സുരക്ഷാ മുൻകരുതലുകളോടെ തൊഴിലാളികളുടെ എണ്ണം 50 ശതമാനമാക്കാം.
• 50 ശതമാനം ജീവനക്കാർക്ക്​ ഒാഫിസുകളിൽ എത്തി ജോലി ചെയ്യാം.
• കുടുംബങ്ങൾക്ക് ബോട്ടുകളും നൗകകളും വാടകക്കെടുത്ത് സഞ്ചരിക്കാം. 10 പേരിൽ കൂടുതൽ പേർ പാടില്ല.
• രാജ്യത്തെ എല്ലാ പാർക്കുകളും ബീച്ചുകളും കോർണിഷുകളും പൊതുജനങ്ങൾക്കായി തുറക്കും. എല്ലാ പ്രായക്കാർക്കും പ്രവേശനം.
• കുട്ടികളുടെ കളിസ്​ഥലങ്ങൾ തുറക്കാൻ അനുമതിയില്ല.
• തുറസ്സായ സ്​ഥലങ്ങളിലും വലിയ ഹാളുകളിലും കായിക താരങ്ങൾക്ക് പരിശീലനങ്ങളിലേർപ്പെടാം. പരമാവധി 10 പേർ.
• സ്വകാര്യ ആരോഗ്യ കേന്ദ്രങ്ങളുടെ പ്രവർത്തന ശേഷി 60 ശതമാനമാക്കി ഉയർത്തി.
• പരിമിതമായ സമയത്തിലും ശേഷിയിലും രാജ്യത്തെ മ്യൂസിയങ്ങളും ലൈബ്രറികളും പുനരാരംഭിക്കും.
• പുറത്തിറങ്ങുമ്പോൾ മാസ്​ക്​ ധരിക്കണം.
• സാമൂഹിക അകലം പാലിക്കുക,
• ഇഹ്തിറാസ്​ ആപ്പ് പ്രവർത്തിപ്പിക്കുക

ഖത്തറിൽ ജൂലൈ ഒന്നു മുതൽ അഞ്ചുപേരിൽ കൂടുതൽ ഒത്തുചേരാൻ പാടില്ല

ദോഹ: ഖത്തറിൽ ജൂലൈ ഒന്നുമുതൽ കൂടുതൽ കോവിഡ്–19 നിയന്ത്രണങ്ങൾ നീക്കും. രണ്ടാം ഘട്ടം നിയന്ത്രണം നീക്കുേമ്പാൾ പൊതു, സ്വകാര്യ ഇടങ്ങളിൽ അഞ്ച് പേരിൽ കൂടുതൽ ഒത്തുചേരാൻ പാടില്ലെന്ന്​ ദേശീയ ദുരന്തനിവാരണ ഉന്നതാധികാര സമിതി നിർദേശം നൽകി. നേരത്തേ 10 പേർക്ക്​ വരെ അനുമതി നൽകിയിരുന്നു.

ജൂൺ 15 മുതൽ നിയന്ത്രണം നീക്കുന്നതി​െൻറ ഒന്നാംഘട്ടം ആരംഭിച്ചിരുന്നു. ഈ ഇളവുകൾക്കിടയിൽ പലരും കോവിഡ്​ സുരക്ഷാമുൻകരുതലുകൾ സ്വീകരിക്കുന്നതിൽ വീഴ്​ച വരുത്തിയെന്നാണ്​ അധികൃതർ പറയുന്നത്​.​ സ്വദേശികൾക്കിടയിൽ കുടുംബ സന്ദർശനങ്ങളും മജ്​ലിസ്​ ഒത്തുചേരലുകളും ഏറെ ഉണ്ടായി. പ്രഫഷനലുകൾക്കിടയിൽ മതിയായ സുരക്ഷാ മുൻകരുതലുകളില്ലാതെയുള്ള കൂടിച്ചേരലുകളുമുണ്ടായി. ഇത്​ രോഗവ്യാപനമുണ്ടാക്കിയതായി കണ്ടെത്തിയതിെൻറ അടിസ്​ഥാനത്തിലാണ് അഞ്ചുപേരിൽ കൂടുതൽ ഒത്തുചേരാൻ പാടില്ലെന്ന പുതിയ നിർദേശം വന്നിരിക്കുന്നത്​.

കോവിഡ്–19 സംബന്ധിച്ച് ലഭ്യമായ പുതിയ വിവരങ്ങളനുസരിച്ച് രോഗ വ്യാപനത്തോത് കുറഞ്ഞിട്ടുണ്ട്​. ഉയർന്ന ഘട്ടം പിന്നിട്ടതായാണ്​ ആരോഗ്യവിദഗ്​ധരുടെ കണ്ടെത്തൽ.

ഒ. മുസ്​തഫ