കോവിഡ്​ ഭീഷണി കുറഞ്ഞ രാജ്യങ്ങളുടെ പട്ടികയിൽ ഇല്ലെങ്കിലും ഇന്ത്യക്കാർക്ക്​ ഖത്തറിലേക്ക്​ മടങ്ങാം

ദോഹ: ആഗസ്​റ്റ്​ ഒന്നുമുതൽ ഖത്തറിലേക്ക്​ വിമാനങ്ങൾ അനുവദിക്കാനിരിക്കെ കോവിഡ്​ഭീഷണി കുറവുള്ള രാജ്യങ്ങളുടെ  പട്ടിക ഖത്തർ പുറത്തുവിട്ടു. എന്നാൽ ഇതിൽ ഇന്ത്യ ഇല്ല. ഓരോ രണ്ടാഴ്ച കൂടുമ്പോഴും വിവിധ രാജ്യങ്ങളിലെ കാര്യങ്ങൾ  വിലയിരുത്തി ഈ പട്ടിക പുതുക്കുമെന്നും ആരോഗ്യ മന്ത്രാലയം അറിയിച്ചിട്ടുണ്ട്. നിലവിലെ പട്ടികയിൽ ഇന്ത്യ ഇല്ലെങ്കിലും  ഇന്ത്യക്കാർക്ക്​ ഖത്തറിലേക്ക്​ മടങ്ങിയെത്തുന്നതിന്​ തടസമില്ല. 

ഇന്ത്യക്കാർ ചെയ്യേണ്ടത്​:
1. അക്രഡിറ്റഡ്​ കോവിഡ്​ പരിശോധനാകേന്ദ്രങ്ങളിൽ നിന്നുള്ള കോവിഡ്​ നെഗറ്റീവ്​ സർട്ടിഫിക്കറ്റ്​ വേണം. ഇത്​ യാത്രയുടെ​  48 മണിക്കൂറിനുള്ളിലുള്ളതാകണം
2. മൊബൈലിൽ ഇഹ്​തിറാസ്​ ആപ്പ്​ വേണം. ഇതിൽ ആദ്യം മഞ്ഞ നിറം​ കാണിക്കും
3. ഖത്തറിലെത്തിയാൽ ഒരാഴ്​ച ഹോം ക്വാറൻറീൻ
4. ആറാം ദിനം കോവിഡ്​ പരിശോധന. പോസിറ്റീവ്​ ആണെങ്കിൽ ഐസോലേഷനിലേക്ക്​. നെഗറ്റീവ്​ ആണെങ്കിൽ ഇഹ്​ തിറാസ്​ ആപ്പിൽ പച്ച നിറം തെളിയും.
5. അക്രഡിറ്റഡ്​ കോവിഡ്​ പരിശോധനകേന്ദ്രങ്ങൾ ഇല്ലെങ്കിൽ യാത്ര പുറപ്പെടുന്നതിന്​ മുമ്പ്​ Discover Qatar വെബ്​ സൈറ്റിലൂടെ ക്വാറൻറീൻ ഹോട്ടൽ ബുക്ക്​ ചെയ്യണം
6. ഖത്തറിലെത്തി സ്വന്തം ചെലവിൽ ഒരാഴ്​ച ഹോട്ടൽ ക്വാറ​ൻറീനിൽ കഴിയണം. ആറാംദിനം ​കോവിഡ്​ പരിശോധന.  പോസിറ്റീവ്​ ആണെങ്കിൽ ഐസൊലേഷനിലേക്ക്​. നെഗറ്റീവ്​ ആണെങ്കിൽ ഒരാഴ്​ച വീണ്ടും ഹോം ക്വാറൻറീൻ. ഈ  കാലാവധിയും കഴിഞ്ഞാൽ ഇഹ്​തിറാസ്​ ആപ്പിൽ പച്ച നിറം തെളിയും

ആദ്യപട്ടികയിലുള്ള രാജ്യങ്ങൾ

ബ്രൂണെ ദാറുസ്സലാം, വിയറ്റ്നാം, ചൈന, തായ്​ലൻഡ്, മലേഷ്യ, ന്യൂസിലാൻഡ്, മാൾട്ട, ഫിൻലൻഡ്, ഹങ്കറി, ദക്ഷിണ  കൊറിയ, എസ്​തോണിയ, നോർവേ, ലിത്വാനിയ, ലാത്വിയ, ജപ്പാൻ, സൈപ്രസ്​, ഇറ്റലി, ഗ്രീസ്​, അയർലൻഡ്, സ്ലോവാക്യ,  ഡെൻമാർക്ക്, നെതർലാൻഡ്സ്​, ജർമനി, മൊറോക്കോ, പോളണ്ട്, ഫ്രാൻസ്​, ആസ്​േത്രലിയ, കാനഡ, സ്ലോവേനിയ,  ബെൽജിയം, ബ്രിട്ടൻ, ചെക്ക് റിപ്പബ്ലിക്, ആസ്​ട്രിയ, സ്വിറ്റ്സർലൻഡ്, അൾജീരിയ, തുർക്കി, ഐസ്​ലൻഡ്, സ്​പെയിൻ,  െക്രായേഷ്യ, അൻഡോറ  എന്നീ നാൽപത് രാജ്യങ്ങളാണ്​ ഖത്തർ പുറത്തുവിട്ട ആദ്യരാജ്യങ്ങളു​െട പട്ടികയിലുള്ളത്​.

പ്രവാസികൾ മടങ്ങി​െയത്താൻ റി​ട്ടേൺ പെർമിറ്റ്​ എടുക്കണം

ആഗസ്​റ്റ്​  ഒന്ന്​ മുതൽ ഖത്തറിലേക്ക്​ പ്രവാസികൾക്ക്​ മടങ്ങിയെത്താൻ കഴിയും. എന്നാൽ ഇത്​ നിബന്ധനകൾക്ക്​  വിധേയമായിരിക്കും. ഇവർ Qatar Portal വെബ്​സൈറ്റ്​ വഴി റി​ട്ടേൺ പെർമിറ്റ്​ എടുക്കണം. വിവിധ സർക്കാർ, അർധസർക്കാർ  മേഖലയിലുള്ളവർ, മാനുഷിക പരിഗണനയുള്ള മറ്റ്​ വിഭാഗക്കാർ എന്നിവർക്കായിരിക്കും ആദ്യം മുൻതൂക്കം ലഭിക്കുക.  സ്വകാര്യമേഖലയിലെ വിദഗ്​ധ അവിദഗ്​ധ തൊഴിലാളികളുടെ ക്വാറൻറീൻ ചെലവ്​ തൊഴിലുടമ വഹിക്കണം.  ഗാർഹികതൊഴിലാളികളുടെ കാര്യത്തിലും ഇതേ വ്യവസ്​ഥ ബാധകമാണ്​. ഇത്​ വലിയ തുക ആയിരിക്കില്ല. എൻട്രി പെർമിറ്റ്​  കിട്ടിയതിന്​ ശേഷമായിരിക്കും ഇത്​.