വാക്​സിനില്ലാത്തവർക്ക്​ വാക്​സിനായി ഖത്തർ

ദോഹ: ലോകരാജ്യങ്ങളിലേക്ക്​ ഖത്തർ നീട്ടുന്ന കാരുണ്യത്തിൻെറ കരങ്ങൾക്ക്​​ അറ്റമില്ല. കോവിഡ്​ കാലത്ത്​ ദരിദ്ര രാജ്യങ്ങൾക്ക്​ മരുന്നും വാക്​സിനും ഭക്ഷണവും ആശുപത്രി സംവിധാനങ്ങളും കൊണ്ട്​ രക്ഷകരാവുന്ന ഖത്തർ, ഇപ്പോഴിതാ ടോക്യോ ഒളിമ്പിക്​സിന്​ പുറപ്പെടുന്ന അത്​ലറ്റുകൾക്ക്​ തങ്ങളുടെ ചിറകുകൾ വിരിച്ചിരിക്കുന്നു. സ്വന്തം രാജ്യങ്ങളിൽ കോവിഡ്​ വാക്​സിൻ ലഭ്യമല്ലാത്തത്​ കാരണം ഒളിമ്പിക്​സ്​ പങ്കാളിത്തം ഭീഷണിയിലായ അത്​ലറ്റുക​ൾക്കും നാട്ടിൽനിന്ന്​ നേരത്തേ പുറപ്പെട്ടതു കാരണം വാക്​സിൽ ലഭ്യമല്ലാത്തവർക്കും ​ പ്രതിരോധ മരുന്നുകൾ നൽകിയാണ്​ ഖത്തർ ഒളിമ്പിക്​ കമ്മിറ്റി ഇക്കുറി ഞെട്ടിച്ചത്​.

രാജ്യാന്തര ഒളിമ്പിക്​ കമ്മിറ്റിയുമായി (ഐ.ഒ.സി) സഹകരിച്ച്, റുവാണ്ടയിലും ഖത്തറിലുമായാണ്​ വാക്​സിനേഷൻ സെൻററുകൾ ആരംഭിച്ചത്​. ഒളിമ്പിക്​സിനും പാരാലിമ്പിക്​സിനുമുള്ള വിവിധ രാജ്യങ്ങളിലെ അത്​ലറ്റുകൾ ഇവിടങ്ങളിലെ സെൻററുകളിൽ നിന്നും രണ്ട്​ ഡോസും സ്വീകരിച്ചു കഴിഞ്ഞു. ലോകശ്രദ്ധ നേടിയ ഖത്തറിൻെറ ഇടപെടൽ, കഴിഞ്ഞ ദിവസത്തോടെ വിജയകരമായി പര്യവസാനിക്കുകയും ചെയ്​തു.

ആഫ്രിക്ക, തെക്കൻ അമേരിക്ക ഉൾപ്പെടെ വിവിധ രാജ്യങ്ങളിൽ നിന്നുള്ള അത്​ലറ്റുകളാണ്​ ഖത്തറിലും റുവാണ്ടയിലുമെത്തി വാക്​സിനേഷൻ സ്വീകരിച്ചത്​. ഖത്തർ ഒളിമ്പിക്​ കമ്മിറ്റിയും ഐ.ഒ.സിയും കൈകോർത്ത പരിപാടിയി​േലക്ക്​ പിന്നീട്​ വിവിധ രാജ്യങ്ങളും സഹകരിച്ചു. ഫൈസർ വാക്​സിനുകളാണ്​ അത്​ലറ്റുകൾക്ക്​ നൽകിയത്​. സൗജന്യ സേവനവുമായി ഖത്തർ എയർവേസും പങ്കാളിയായി. ഖത്തർ ആഭ്യന്തര മന്ത്രാലയം, ആരോഗ്യ മന്ത്രാലയം, ഹമദ്​ ഇൻറർ നാഷനൽ എയർപോർട്ട്​ എന്നിവരുമായി സഹകരിച്ചാണ്​ ദോഹയിൽ വാക്​സിനേഷൻ നടന്നത്​. നേരത്തേ അഭയാർഥി ഒളിമ്പിക്​ ടീമിന്​ പരിശീലനത്തിനുള്ള അവസരമൊരുക്കിയും ഖത്തർ ഒളിമ്പിക്​ കമ്മിറ്റി.

വിയറ്റ്നാമിലേക്ക് 20 ലക്ഷം ഡോസ്​ വാക്സിനെത്തിച്ച് ഖത്തർ എയർവേസ്​

ദോഹ: കോവിഡ് കേസുകൾ വർധിച്ച സാഹചര്യത്തിൽ വിയറ്റ്നാമിലേക്ക് കോവിഡ് വാക്സിനുകളെത്തിച്ച് ഖത്തർ എയർവേസ്​ കാർഗോ. ഇതുവരെ 20 ലക്ഷത്തിലധികം കോവിഡ് വാക്സിൻ വിയറ്റ്നാമിലെത്തിച്ചതായി കമ്പനി അറിയിച്ചു. കോവിഡ് വ്യാപനം തടയുന്നതിനായി അമേരിക്ക വിയറ്റ്നാമിന് സംഭാവനയായി നൽകിയ മോഡേണ വാക്സിനാണ് ഖത്തർ എയർവേസ്​ കാർഗോ എത്തിച്ചത്. ഇതിന് മുമ്പും ഖത്തർ എയർവേസ്​ കാർഗോ വാക്സിൻ ഷിപ്മെൻറ് വിയറ്റ്നാമിലെത്തിച്ചിരുന്നതായും ലോകത്തുടനീളം വാക്സിനെത്തിക്കുന്നതിലും രോഗപ്രതിരോധം ഉൗർജിതമാക്കുന്നതിലും കമ്പനി വഹിക്കുന്ന പങ്ക് വലുതാണെന്ന് ഖത്തർ എയർവേസ്​ കാർഗോ വ്യക്തമാക്കി. വിയറ്റ്നാമിൽ ഈയിടെയായി കോവിഡ് കേസുകൾ വർധിച്ചിട്ടുണ്ട്. നിരവധി പുതിയ രോഗികളും മരണങ്ങളുമാണ് പ്രതിദിനം റിപ്പോർട്ട് ചെയ്യപ്പെടുന്നത്. കോവിഡ് പ്രതിരോധ പ്രവർത്തനം ശക്തിപ്പെടുത്തുന്നതിൻെറ ഭാഗമായാണ് ഖത്തർ എയർവേസ്​ കാർഗോയുടെ പ്രവർത്തനം.

ഈയിടെ ഫാർമ ഡോട്ട് എയ്​റോയിൽ ഖത്തർ എയർവേസ്​ കാർഗോ അംഗത്വം നേടിയത് വാർത്തയായിരുന്നു. ആഗോളാടിസ്​ഥാനത്തിൽ ഫാർമസ്യൂട്ടിക്കൽ ഉൽപന്നങ്ങളുടെ സുഗമമായ ഗതാഗതം സാധ്യമാക്കുകയെന്ന ഫാർമ ഡോട്ട് എയറോയുടെ ലക്ഷ്യം സാക്ഷാത്കരിക്കുന്നതിൽ അംഗത്വം നേടിയതോടെ ഖത്തർ എയർവേസ്​ വലിയ പങ്കുവഹിക്കും. അംഗത്വം നേടിയതിനു പിന്നാലെ ഫാർമ ഡോട്ട് എയറോയുടെ ബോർഡ് യോഗങ്ങളിലും ഖത്തർ എയർവേസ്​ കാർഗോ പങ്കെടുക്കുകയും ഈ മേഖലയിലെ തങ്ങളുടെ പരിചയ സമ്പത്ത് വ്യക്തമാക്കുകയും ചെയ്യും.ദോഹ: കോവിഡ് കേസുകൾ വർധിച്ച സാഹചര്യത്തിൽ വിയറ്റ്നാമിലേക്ക് കോവിഡ് വാക്സിനുകളെത്തിച്ച് ഖത്തർ എയർവേസ്​ കാർഗോ. ഇതുവരെ 20 ലക്ഷത്തിലധികം കോവിഡ് വാക്സിൻ വിയറ്റ്നാമിലെത്തിച്ചതായി കമ്പനി അറിയിച്ചു.

കോവിഡ് വ്യാപനം തടയുന്നതിനായി അമേരിക്ക വിയറ്റ്നാമിന് സംഭാവനയായി നൽകിയ മോഡേണ വാക്സിനാണ് ഖത്തർ എയർവേസ്​ കാർഗോ എത്തിച്ചത്. ഇതിന് മുമ്പും ഖത്തർ എയർവേസ്​ കാർഗോ വാക്സിൻ ഷിപ്മെൻറ് വിയറ്റ്നാമിലെത്തിച്ചിരുന്നതായും ലോകത്തുടനീളം വാക്സിനെത്തിക്കുന്നതിലും രോഗപ്രതിരോധം ഉൗർജിതമാക്കുന്നതിലും കമ്പനി വഹിക്കുന്ന പങ്ക് വലുതാണെന്ന് ഖത്തർ എയർവേസ്​ കാർഗോ വ്യക്തമാക്കി. വിയറ്റ്നാമിൽ ഈയിടെയായി കോവിഡ് കേസുകൾ വർധിച്ചിട്ടുണ്ട്. നിരവധി പുതിയ രോഗികളും മരണങ്ങളുമാണ് പ്രതിദിനം റിപ്പോർട്ട് ചെയ്യപ്പെടുന്നത്. കോവിഡ് പ്രതിരോധ പ്രവർത്തനം ശക്തിപ്പെടുത്തുന്നതിൻെറ ഭാഗമായാണ് ഖത്തർ എയർവേസ്​ കാർഗോയുടെ പ്രവർത്തനം.

ഈയിടെ ഫാർമ ഡോട്ട് എയ്​റോയിൽ ഖത്തർ എയർവേസ്​ കാർഗോ അംഗത്വം നേടിയത് വാർത്തയായിരുന്നു. ആഗോളാടിസ്​ഥാനത്തിൽ ഫാർമസ്യൂട്ടിക്കൽ ഉൽപന്നങ്ങളുടെ സുഗമമായ ഗതാഗതം സാധ്യമാക്കുകയെന്ന ഫാർമ ഡോട്ട് എയറോയുടെ ലക്ഷ്യം സാക്ഷാത്കരിക്കുന്നതിൽ അംഗത്വം നേടിയതോടെ ഖത്തർ എയർവേസ്​ വലിയ പങ്കുവഹിക്കും. അംഗത്വം നേടിയതിനു പിന്നാലെ ഫാർമ ഡോട്ട് എയറോയുടെ ബോർഡ് യോഗങ്ങളിലും ഖത്തർ എയർവേസ്​ കാർഗോ പങ്കെടുക്കുകയും ഈ മേഖലയിലെ തങ്ങളുടെ പരിചയ സമ്പത്ത് വ്യക്തമാക്കുകയും ചെയ്യും.