ഖത്തർ വേദിയാവുന്നത്​ ഏറ്റവും മികച്ച ലോകകപ്പിന്​ –ഹാമിഷ് റോഡ്രിഗസ്​

ദോഹ: ഫുട്​ബാൾ ലോകകപ്പ്​ ചരിത്രത്തിലെ ഏറ്റവും മികച്ച ലോകകപ്പിനായിരിക്കും ഖത്തർ ആതിഥ്യമരുളുന്നതെന്ന് കൊളംബിയൻ സൂപ്പർ താരമായ ഹാമിഷ് റോഡ്രിഗസ്​. ഖത്തറിലെത്തിയത് മുതൽ മികച്ച അനുഭവങ്ങളാണെന്നും ഇവിടെ വരുന്നവർക്കെല്ലാം അത് അനുഭവിക്കാൻ സാധിക്കുമെന്നും റോഡ്രിഗസ്​ കൂട്ടിച്ചേർത്തു. ഖത്തർ സ്​റ്റാർ​സ്​ ലീഗ്​ വെബ്​സൈറ്റിന്​ അനുവദിച്ച അഭിമുഖത്തിലാണ് റയ്യാൻ സൂപ്പർ താരത്തി​െൻറ പ്രതികരണം. ദേശീയ ടീമിനായും റയൽ മഡ്രിഡ്, ബയേൺ മ്യൂണിക്, എഫ്.സി പോർട്ടോ, എവർട്ടൻ തുടങ്ങിയ പ്രമുഖ ക്ലബുകൾക്കായും ബൂട്ടണിഞ്ഞ റോഡിഗ്രസ്​ ഏതാനും ആഴ്​ച മുമ്പാണ്​ ഖത്തർ ടീമായ അൽ റയ്യാനിലെത്തിയത്. 2014 ലോകകപ്പിൽ ആറ് ഗോൾ നേടി ടോപ് സ്​കോററായ റോഡ്രിഗസ്​, മികച്ച 11 കളിക്കാരിൽ ഉൾപ്പെടുകയും ചെയ്തിരുന്നു. കളിച്ച ക്ലബുകൾക്കായെല്ലാം മികച്ച പ്രകടനം പുറത്തെടുത്ത താരം, നിരവധി കിരീട നേട്ടങ്ങളിലും പങ്കാളിയായി. അഭിമുഖത്തി​െൻറ പ്രസക്ത ഭാഗങ്ങൾ താഴെ:

ഖത്തറിലെ ജീവിതം

ഖത്തറിൽ എത്തിയത് മുതൽ ഓരോ നിമിഷവും ആസ്വദിക്കുകയാണ്​. മികച്ച അനുഭവമാണ് ഉണ്ടായിട്ടുള്ളത്. ഖത്തറി​െൻറ തനിമയും പൈതൃകവും ചേർന്നുള്ള ആതിഥേയത്വം ഏറെ ഇഷ്​ടമായി. ഈ രാജ്യത്തെ ഏറെ സ്​നേഹിക്കുകയാണ്. ഇവിടെ എത്തുന്ന ആർക്കും ഇത് നേരിട്ടനുഭവിച്ചറിയാൻ സാധിക്കും. ഇവിടെ സന്തോഷത്തോടെ കഴിയാൻ ആഗ്രഹിക്കുകയാണ്. സ്​റ്റാർസ്​ ലീഗ്​ മത്സരനിലവാരം എങ്ങനെ വിലയിരുത്തുന്നു. മികവുറ്റതും ആവേശകരവുമാണ് ലീഗ് മത്സരങ്ങൾ. എല്ലാവരും മികച്ച താരങ്ങൾ. ക്ലബിനായി മികച്ച പ്രകടനം പുറത്തെടുക്കാനാകുമെന്നാണ് പ്രതീക്ഷ. വിജയമാണ് പ്രധാനം, കിരീടനേട്ടവും.

റയ്യാൻ ക്ലബിനെ കുറിച്ച്​

അൽ റയ്യാൻ ക്ലബിനെ അറിയാം, ഏറെ പ്രതാപമുള്ള ക്ലബിനെ പ്രതിനിധാനംചെയ്യാനായതിൽ അഭിമാനമുണ്ട്. കിരീടം നേടുമെന്ന് ആത്മവിശ്വാസമുണ്ട്. യൂറോപ്പിൽ വലിയ ക്ലബുകൾക്ക് വേണ്ടി കളിച്ചിട്ടുണ്ട്, അവിടെയുള്ള പരിചയസമ്പത്ത് ഇവിടെ മുതൽക്കൂട്ടാകും. റയ്യാൻ ക്ലബിന് വേണ്ടി മികച്ച പ്രകടനം പുറത്തെടുക്കും. ക്ലബി​െൻറ ലക്ഷ്യം സാക്ഷാത്കരിക്കുന്നതിന് അവരെ സഹായിക്കുകയാണ് എെൻറ ചുമതല.

ഖത്തർ ലോകകപ്പിനെ കുറിച്ച്ഖത്തർ വേദിയാവുന്നത്​ ഏറ്റവും മികച്ച ലോകകപ്പിന്​ –ഹാമിഷ് റോഡ്രിഗസ്​

എല്ലാവർക്കും അറിയുന്ന കാര്യമാണ് ഖത്തർ ലോകകപ്പിനായുള്ള തയാറെടുപ്പിലാണെന്നത്. കേവലം സ്​റ്റേഡിയങ്ങൾ നിർമിക്കുന്നതിൽ മാത്രമല്ല ഖത്തർ ലോകത്തെ അതിശയിപ്പിക്കുന്നത്, മറിച്ച് ടൂർണമെൻറുമായി ബന്ധപ്പെട്ട് ഏറ്റവും പുതിയ സാങ്കേതികവിദ്യകൾ കൂടിയാണ് ഇവിടെ സ്​ഥാപിച്ചുകൊണ്ടിരിക്കുന്നത്. ഇതുവരെ നടന്ന ലോകകപ്പ് ടൂർണമെൻറുകളിൽ ഏറ്റവും മികച്ച ലോകകപ്പിനായിരിക്കും ഖത്തർ ആതിഥ്യം വഹിക്കുകയെന്ന് എനിക്ക് ഉറപ്പിച്ച് പറയാനാകും. ഖത്തർ ലോകത്തെ അമ്പരപ്പിക്കും.