ഖത്തർ^ തുർക്കി സുപ്രീം സ്​ട്രാറ്റജിക്​ കമ്മിറ്റി യോഗം

ദോഹ: ഖത്തർ^ തുർക്കി സുപ്രീം സ്​ട്രാറ്റജിക്​ കമ്മിറ്റി യോഗം തുർക്കി തലസ്ഥാനമായ അങ്കാറയിൽ നടന്നു. വിദേശകാര്യമന്ത്രാലയത്തിലെ​ സെക്രട്ടറി ജനറൽ ഡോ. അഹമ്മദ്​ ബിൻ ഹസൻ അൽ ഹമ്മാദിയുടെ നേതൃത്വത്തിലുള്ള ഖത്തർ സംഘവും വിദേശകാര്യ സഹമന്ത്രി സീദാത്ത്​ ഒനാലി​​​െൻറ നേതൃത്വത്തിലുള്ള തുർക്കി സംഘവുമാണ്​ യോഗത്തിൽ സംബന്ധിച്ചത്​. പൊതു^ സ്വകാര്യ മേഖലകളിലെ പ്രതിനിധികൾ യോഗത്തിൽ സംബന്ധിച്ചു. നാലാമത്​ സ്​ട്രാറ്റജിക്​ കമ്മിറ്റി യോഗത്തി​​​െൻറ ഒരുക്കങ്ങൾ വിലയിരുത്താൻ രണ്ട്​ രാജ്യങ്ങളിലെയും വിദേശകാര്യ മന്ത്രിമാർ അടുത്ത മാസം ദോഹയിൽ കൂടിക്കാഴ്​ച നടത്തുമെന്ന്​ സീദാത്ത്​ ഒനാൽ പറഞ്ഞു. ഇരുരാജ്യങ്ങളും തമ്മിലെ ബന്ധം എല്ലാ മേഖലകളിലും കൂടുതൽ ഉൗഷ്​മളമായിക്കൊണ്ടിരിക്കുകയാണെന്ന്​ ഡോ. അഹമ്മദ്​ ബിൻ ഹസൻ അൽ ഹമ്മാദി വ്യക്​തമാക്കി. 2015ൽ സന്ദർശനങ്ങൾക്ക്​ വിസ ആവശ്യമില്ലെന്ന കരാർ ഒപ്പുവെച്ച ശേഷം ഖത്തർ പൗരൻമാരുടെ ഇഷ്​ടകേന്ദ്രമായി​ തുർക്കി മാറിയതായും അദ്ദേഹം പറഞ്ഞു. പ്രതിസന്ധി ഘട്ടങ്ങളിൽ അടക്കം പരസ്​പരം സഹായിച്ച രാജ്യങ്ങളാണ്​ തുർക്കിയും ഖത്തറുമെന്ന്​ സീദാത്ത്​ ഒനാൽ വ്യക്​തമാക്കി. തുർക്കിയിൽ 2016​ലെ പരാജയ​പ്പെട്ട അട്ടിമറി ശ്രമ സമയത്ത്​ സഹായിച്ച രാജ്യങ്ങളിലൊന്നാണ്​ ഖത്തർ. ഖത്തറിനെതിരായ നീതിയുക്​തമല്ലാത്ത ഉപരോധത്തി​​​െൻറ പ്രയാസങ്ങൾ കുറക്കാൻ തുർക്കി പ്രതിജ്​ഞാബദ്ധമാണെന്നും അദ്ദേഹം പറഞ്ഞു.