ഇ​റാ​ഖി​ന്റെ വ്യാ​പാ​ര ഇ​ട​നാ​ഴി; ക​രാ​റി​ൽ ഒ​പ്പു​വെ​ച്ച്​ ഖ​ത്ത​ർ

ദോ​ഹ: ഇ​റാ​ഖി​ലെ തു​റ​മു​ഖ ന​ഗ​ര​മാ​യ അ​ൽ​ഫാ​വി​നെ​ യൂ​റോ​പ്പും ​ഏ​ഷ്യ​യു​മാ​യി ബ​ന്ധി​പ്പി​ക്കു​ന്ന റോ​ഡ്​ നി​ർ​മാ​ണ ക​രാ​റി​ൽ ഒ​പ്പു​വെ​ച്ച്​ ഖ​ത്ത​ർ. യു.​എ.​ഇ, തു​ർ​ക്കി​യ, ഖ​ത്ത​ർ രാ​ജ്യ​ങ്ങ​ളു​ടെ പ​ങ്കാ​ളി​ത്ത​ത്തോ​ടെ​യാ​ണ്​ 1700 കോ​ടി ഡോ​ള​ർ ചെ​ല​വു പ്ര​തീ​ക്ഷി​ക്കു​ന്ന പ​ദ്ധ​തി​യു​ടെ ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ച​ത്. കു​വൈ​ത്തി​നും ഇ​റാ​നു​മി​ട​യി​ലാ​യി അ​റേ​ബ്യ​ൻ ഉ​ൾ​ക്ക​ട​ലി​ലേ​ക്ക്​ ഇ​റ​ങ്ങി​നി​ൽ​ക്കു​ന്ന അ​ൽ​ഫാ​വ്​ തു​റ​മു​ഖ​ത്തി​ന്റെ വാ​ണി​ജ്യ സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്തു​ന്ന​തി​ന്റെ ഭാ​ഗ​മാ​യ വ​ൻ ന​വീ​ക​ര​ണ പ​ദ്ധ​തി​ക​ൾ​ക്കാ​ണ്​ ഇ​റാ​ഖ്​ തു​ട​ക്കം കു​റി​ച്ച​ത്. മേ​ഖ​ല​യി​ലെ ത​ന്ത്ര​പ്ര​ധാ​ന​മാ​യ തു​റ​മു​ഖ​ത്തു​നി​ന്ന് ച​ര​ക്കു​ക​ൾ ഏ​ഷ്യ​യി​ലെ വി​വി​ധ രാ​ജ്യ​ങ്ങ​ളി​ലേ​ക്കും യൂ​റോ​പ്പി​ലേ​ക്കും റോ​ഡു​മാ​ർ​ഗം എ​ത്തി​ക്കു​ക​യാ​ണ്​ ‘അ​ൽ​ഫാ​വ്​ ​ റോ​ഡ്​ പ്രോ​ജ​ക്​​ട്​ ല​ക്ഷ്യ​മി​ടു​ന്ന​ത്. ഇ​റാ​ഖി​ന​ക​ത്ത് മാ​ത്ര​മാ​യി ​1200 കി​ലോ​മീ​റ്റ​ർ​ ദൈ​ർ​ഘ്യ​മേ​റി​യ റോ​ഡ്​ റെ​യി​ൽ നി​ർ​മാ​ണ​മാ​ണ്​ ഇ​തു​വ​ഴി പൂ​ർ​ത്തി​യാ​ക്കു​ന്ന​ത്. ഇ​റാ​ഖി​ൽ​നി​ന്ന് തു​ർ​ക്കി​യ​യി​ലേ​ക്കാ​ണ്​ റോ​ഡ്​ നീ​ണ്ടു​കി​ട​ക്കു​ന്ന​ത്.

തു​റ​മു​ഖ​ത്തു​നി​ന്ന് ച​ര​ക്കു​ക​ൾ ക​ര​മാ​ർ​ഗം വേ​ഗ​ത്തി​ൽ ല​ക്ഷ്യ​സ്ഥാ​ന​ങ്ങ​ളി​ലെ​ത്തി​ക്കു​ന്ന പ​ദ്ധ​തി മേ​ഖ​ല​യു​ടെ​ത​ന്നെ സാ​മ്പ​ത്തി​ക കു​തി​പ്പി​ൽ നി​ർ​ണാ​യ​ക​മാ​കും. മൂ​ന്നു ഘ​ട്ട​ങ്ങ​ളി​ലാ​യി നി​ർ​മാ​ണം പൂ​ർ​ത്തി​യാ​ക്കാ​നാ​ണ്​ പ​ദ്ധ​തി. ആ​ദ്യ​ഘ​ട്ടം 2028ലും ​ര​ണ്ടാം ഘ​ട്ടം 2033ലും 2050​ലു​മാ​യി പൂ​ർ​ത്തി​യാ​ക്കും. ബ​ഗ്​​ദാ​ദി​ൽ ന​ട​ന്ന ക​രാ​ർ ഒ​പ്പു​വെ​ക്ക​ൽ ച​ട​ങ്ങി​ൽ ഇ​റാ​ഖ്​ പ്ര​ധാ​ന​മ​ന്ത്രി മു​ഹ​മ്മ​ദ്​ ഷി​അ അ​ൽ സു​ദാ​നി, തു​ർ​ക്കി​യ പ്ര​സി​ഡ​ൻ​റ്​ റ​ജ​ഫ്​ ത്വ​യി​ബ്​ ഉ​ർ​ദു​ഗാ​ൻ എ​ന്നി​വ​ർ പ​​ങ്കെ​ടു​ത്തു. ഖ​ത്ത​ർ ഗ​താ​ഗ​ത മ​ന്ത്രി ജാ​സിം ബി​ൻ​സൈ​ഫ്​ അ​ൽ സു​ലൈ​തി, യു.​എ.​ഇ ഊ​ർ​ജ-​അ​ടി​സ്ഥാ​ന സൗ​ക​ര്യ​വി​ഭാ​ഗം മ​ന്ത്രി സു​ഹൈ​ൽ ബി​ൻ മു​ഹ​മ്മ​ദ്​ അ​ൽ മ​സ്​​റൂ​ഇ, തു​ർ​ക്കി​യ, ഇ​റാ​ഖ്​ ഗ​താ​ഗ​ത മ​ന്ത്രി​മാ​ർ എ​ന്നി​വ​ർ ഒ​പ്പു​വെ​ച്ചു. നാ​ലു രാ​ജ്യ​ങ്ങ​ളു​ടെ​യും സം​യു​ക്ത പ​ദ്ധ​തി​യാ​യാ​ണ്​ നി​ർ​മാ​ണം ന​ട​ക്കു​ന്ന​ത്.

കി​ഴ​ക്കി​നെ പ​ടി​ഞ്ഞാ​റു​മാ​യി ബ​ന്ധി​പ്പി​ച്ച്, അ​റേ​ബ്യ​ൻ ഉ​ൾ​ക്ക​ട​ൽ​വ​ഴി​യു​ള്ള അ​ന്താ​രാ​ഷ്​​ട്ര ച​ര​ക്കു​നീ​ക്കം വ​ർ​ധി​പ്പി​ക്കു​ക​യും യൂ​റോ​പ്പി​ലേ​ക്കു​ള്ള വാ​ണി​ജ്യ ഇ​ട​നാ​ഴി തു​റ​ക്കു​ക​യു​മാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. അ​ൽ​ഫാ​വ്​ തു​റ​മു​ഖ ഇ​ട​നാ​ഴി യാ​ഥാ​ർ​ഥ്യ​മാ​കു​ന്ന​തോ​ടെ ഇ​റാ​ഖ് പ്ര​ധാ​ന വ്യാ​പാ​ര​കേ​ന്ദ്ര​മാ​യി മാ​റു​ക​യും രാ​ജ്യ​ത്തി​ന് സാ​മ്പ​ത്തി​ക ക​രു​ത്താ​യി മാ​റു​ക​യും ചെ​യ്യും. രാ​ജ്യ​ത്തി​ന്റെ പ്ര​ധാ​ന വ​രു​മാ​ന​മാ​യ എ​ണ്ണ ക​യ​റ്റു​മ​തി​ക്കും പ​ദ്ധ​തി പ്ര​ധാ​ന​മാ​യി മാ​റും. 1950 മു​ത​ൽ ഇ​റാ​ഖ്, തു​ർ​ക്കി​യ, സി​റി​യ രാ​ജ്യ​ങ്ങ​ൾ സ്ഥാ​പി​ച്ച ശ​ക്ത​മാ​യ വ്യാ​പാ​ര​പാ​ത​യാ​യി​രു​ന്നു ഈ ​രാ​ജ്യ​ങ്ങ​ളു​ടെ ക​രു​ത്ത്. എ​ന്നാ​ൽ, 1991 ഗ​ൾ​ഫ് യു​ദ്ധ​ത്തി​ൽ കേ​ടു​പാ​ടു​ക​ൾ സം​ഭ​വി​ക്കു​ക​യും 2003ൽ ​അ​മേ​രി​ക്ക​ൻ അ​ധി​നി​വേ​ശ​ത്തി​ൽ പൂ​ർ​ണ​മാ​യി ന​ശി​ക്കു​ക​യും ചെ​യ്തു.