െതാഴിലാളി സൗഹൃദത്തിൽ ഖത്തർ ലോകത്തിന്​ മാതൃക

​ദോഹ: ഇന്ത്യക്കാർ ഉൾപ്പെടെ വിദേശ തൊഴിലാളികൾക്ക്​ മാന്യമായ തൊഴിൽ സാഹചര്യമാണ്​ ഖത്തറി​‍െൻറ ലക്ഷ്യമെന്ന്​ പ്രധാനമന്ത്രി ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനി.

ഖത്തർ ​പത്രമാധ്യമ മേധാവികളുമായി നടന്ന ചർച്ചയിലാണ്​ ഇക്കാര്യം വ്യക്തമാക്കിയത്​. വിദേശ തൊഴിലാളികൾക്ക്​ മികച്ച പരിഗണനയും തൊഴിൽസാഹചര്യവും ഒരുക്കുന്നതി​‍െൻറ ​പേരിൽ ഐക്യരാഷ്​ട്ര സഭ ഉൾപ്പെടെയുള്ള ആഗോള സംഘടനകൾ ഖത്തറിനെ പ്രശംസിച്ചിരുന്നു. കഴിഞ്ഞ ഏതാനും വർഷങ്ങളായി തൊഴിൽ നിയമങ്ങൾ ഭേദഗതിവരുത്തി കർക്കശമാക്കുകയും, വിദേശരാജ്യങ്ങളിൽനിന്നുള്ള തൊഴിലാളികളുടെ അവകാശ സംരക്ഷണത്തിനായി നടപടികൾ സ്വീകരിക്കുകയും ചെയ്​തതി​‍െൻറ ഫലമാണിത്​.

ഇസ്​ലാമിക നിയമങ്ങളും ധാർമികതയും പാരമ്പര്യവുമെല്ലാം അതിന്​ കരുത്തായിട്ടുണ്ട്​. തൊഴിലാളികളെ പീഡിപ്പിക്കുന്നതിനും അവകാശങ്ങൾ ധ്വംസിക്കുന്നതിനും ഇസ്​ലാം അനുവദിക്കുന്നില്ല. തൊഴിലാളികളോട്​ നീതികാണിക്കാത്തതും നിയമം ലംഘിക്കുന്നതുമായ സ്​ഥാപനങ്ങൾക്കും കമ്പനികൾക്കും വ്യക്​തികൾക്ക​ുമെതിരെ കർശന നടപടി സ്വീകരിക്കുമെന്നും പ്രധാനമന്ത്രി പറഞ്ഞു. ​

തൊഴിലാളി സൗഹൃദ രാജ്യമെന്ന നിലയിൽ മേഖലയിൽ ഖത്തർ മാതൃകയാണെന്ന്​ ഐക്യരാഷ്​ട്ര സഭയും മനുഷ്യാവകാശ സംഘടനകളും വിലയിരുത്തിയ കാര്യവും പ്രധാനമന്ത്രി സൂചിപ്പിച്ചു.