പ്രാദേശിക മെഡിക്കൽ ഫേസ്​ ഷീൽഡുമായി ഖത്തർ സയൻറിഫിക്​ ക്ലബ്​

ദോഹ: കോവിഡ്​ പ്രതിരോധ നടപടികളിൽ മികച്ച മാതൃകയുമായി ഖത്തർ സയൻറിഫിക്​ ക്ലബ്​. ഒറിക്​സ്​ ജി.ടി.എൽ കമ്പനിയുമായി സഹകരിച്ച്​ ക്ലബ്​ ആറായിരം മെഡിക്കൽ ഫേസ്​ മാസ്​ക്കുകൾ നിർമിച്ച്​ ഹമദ്​ മെഡിക്കൽ കോർപറേഷനിലെ ആരോഗ്യ പ്രവർത്തകർക്കും ഒറിക്​സ്​​ ജി.ടി.എൽ ജീവനക്കാർക്കും കൈമാറുകയാണ്​ ചെയ്യുന്നത്​.

ഹമദിൽ 5000 ഫേസ്​ ഷീൽഡുകളും ഒറിക്​സ്​ ജി.ടി.എല്ലിൽ ആയിരം ഷീൽഡുകളുമാണ്​ നൽകുന്നത്​. വൈറസ്​ബാധയിൽനിന്ന്​ രക്ഷ നൽകുന്ന ഷീൽഡുകൾ രണ്ട്​ സ്​ഥാപനത്തിലെയും ആരോഗ്യ​പ്രവർത്തകർക്ക്​ ഏ​െറ അനുഗ്രഹമാകും​.

ഹമദ്​ മെഡിക്കൽ കോർപറേഷ​ൻെറ അംഗീകാരം ലഭിക്കുന്ന മുറക്ക്​ ഖത്തർ സയൻറിഫിക്​ ക്ലബിൻെറ ഡിജിറ്റൽ മാനുഫാക്​ചറിങ്​ ലബോറട്ടറിയിൽ (ഫാബ്​ ലാബ്)​ കൂടുതൽ ഫേസ്​ ഷീൽഡുകൾ നിർമിക്കാനാണ്​ പദ്ധതി.

പ്രാദേശികമായി നിർമിക്കുന്ന ഈ ഷീൽഡുകൾക്ക്​​ ഏ​െറ പ്രത്യേകതകളുണ്ട്​​. ഫേസ്​ഷീൽഡിൽ വെള്ളം ആയാലുണ്ടാകുന്ന പ്രശ്​നങ്ങൾ ഒഴിവാക്കാനാകും. ധരിച്ചുകഴിഞ്ഞാൽ ബാഷ്​പീകരണവും മറ്റുംമൂലം കാഴ്​ച മങ്ങുന്ന അവസ്​ഥയും പരമാവധി കുറക്കുന്ന രീതിയിലാണ്​ ഫേസ്​ ഷീൽഡുകൾ. അണുമുക്​തമാക്കിയതിന്​ ശേഷം വീണ്ടും ഉപയോഗിക്കാൻ കഴിയുന്നതിനാൽ പരിസ്​ഥിതി സൗഹൃദവുമാണ്​.