ഖത്തർ - സൗദി റെയിൽ ഗതാഗതം: ചർച്ചക്ക്​ തുടക്കമിട്ട്​ മന്ത്രിതല സന്ദർശനം

ദോ​ഹ: ഖ​ത്ത​റി​നും സൗ​ദി​ക്കു​മി​ട​യി​ൽ റെ​യി​ൽ ഗ​താ​ഗ​ത സം​വി​ധാ​ന​ത്തി​ന്‍റെ സാ​ധ്യ​ത​ക​ൾ ച​ർ​ച്ച​ചെ​യ്ത്​ ഗ​താ​ഗ​ത മ​ന്ത്രി​മാ​രു​ടെ കൂ​ടി​ക്കാ​ഴ്ച. ഖ​ത്ത​ർ സ​ന്ദ​ർ​ശ​ന​ത്തി​നെ​ത്തി​യ സൗ​ദി ഗ​താ​ഗ​ത, ലോ​ജി​സ്റ്റി​ക്സ്​ സ​ർ​വി​സ്​ മ​ന്ത്രി എ​ൻ​ജി. സാ​ലി​ഹ്​ ബി​ൻ നാ​സ​ർ അ​ൽ ജാ​സി​റും, ഖ​ത്ത​ർ ഗ​താ​ഗ​ത മ​ന്ത്രി ജാ​സിം സൈ​ഫ്​ അ​ഹ​മ്മ​ദ്​ അ​ൽ സു​ലൈ​തി​യും ത​മ്മി​ൽ ന​ട​ന്ന കൂ​ടി​ക്കാ​ഴ്ച​യി​ൽ ഇ​രു രാ​ജ്യ​ങ്ങ​ൾ​ക്കു​മി​ട​യി​ലെ റെ​യി​ൽ ഗ​താ​ഗ​ത സാ​ധ്യ​ത​ക​ളെ കു​റി​ച്ച്​ ച​ർ​ച്ച ചെ​യ്തു.

അ​യ​ൽ​ക്കാ​രും സു​ഹൃ​ദ് രാ​ഷ്ട്ര​വു​മെ​ന്ന നി​ല​യി​ൽ അ​നു​യോ​ജ്യ​മാ​യ റെ​യി​ൽ ഗ​താ​ഗ​ത പ​ദ്ധ​തി സം​ബ​ന്ധി​ച്ച പ​ഠ​ന​ത്തി​ന്​ തു​ട​ക്കം കു​റി​ക്കാ​നും തീ​യ​തി നി​ശ്ച​യി​ക്കാ​നും തീ​രു​മാ​ന​മാ​യി. ദോ​ഹ​യി​ലെ ഗ​താ​ഗ​ത മ​ന്ത്രാ​ല​യം ആ​സ്ഥാ​ന​ത്ത്​ ന​ട​ന്ന കൂ​ടി​ക്കാ​ഴ്ച​യി​ൽ ഖ​ത്ത​റും സൗ​ദി​യും ത​മ്മി​ലെ റോ​ഡ്, വ്യോ​മ, തു​റ​മു​ഖ, റെ​യി​ൽ ഗ​താ​ഗ​ത സം​വി​ധാ​ന​ങ്ങ​ൾ സം​ബ​ന്ധി​ച്ച സ​ഹ​ക​ര​ണ​ങ്ങ​ൾ ച​ർ​ച്ച​ചെ​യ്തു. ഗ​താ​ഗ​ത മ​ന്ത്രാ​ല​യ ഉ​ദ്യോ​ഗ​സ്ഥ​ർ, ഖ​ത്ത​ർ ട്രാ​ൻ​സ്​​പോ​ർ​ടേ​ഷ​ൻ ഇ​ൻ​ഡ​സ്​​ട്രി പ്ര​തി​നി​ധി​ക​ൾ, സൗ​ദി ട്രാ​ൻ​സ്​​പോ​ർ​ട്​ ജ​ന​റ​ൽ അ​തോ​റി​റ്റി ചെ​യ​ർ​മാ​ൻ ഡോ. ​റു​മൈ​ഹ്​ മു​ഹ​മ്മ​ദ്​ അ​ൽ റു​മൈ​ഹ്, ഉ​ദ്യോ​ഗ​സ്ഥ പ്ര​തി​നി​ധി​ക​ൾ എ​ന്നി​വ​ർ പ​​ങ്കെ​ടു​ത്തു. ഇ​രു മ​ന്ത്രി​മാ​രും ദോ​ഹ മെ​ട്രോ സ​ന്ദ​ർ​ശി​ച്ച്​ പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി.