ഖത്തർ-സൗദി: കരഅതിർത്തി വഴി ചരക്കുനീക്കം ഞായർ​ മുതൽ, ചരക്കുകൾ ഖത്തർ ട്രക്കുകളിൽ മാറ്റിക്കയറ്റണം

ദോഹ: മൂന്നരവർഷത്തെ ഉപരോധത്തിന്​ ശേഷം ഇതാദ്യമായി ഖത്തറും സൗദിയുമായി കര അതിർത്തി വഴിയുള്ള ചരക്കുനീക്കം ഞായറാഴ്​ച മുതൽ പുനരാരംഭിക്കുന്നു. അബൂസംറ അതിർത്തി വഴിയുള്ള വാണിജ്യചരക്കുഗതാഗതം ഫെബ്രുവരി 14 മുതൽ ആരംഭിക്കുമെന്ന്​ ജനറൽ അതോറിറ്റി ഓഫ്​ കസ്​റ്റംസ്​ കഴിഞ്ഞ ദിവസം അറിയിച്ചിരുന്നു. സൗദിയുമായുള്ള ഖത്തറിൻെറ അതിർത്തിയും ഖത്തറിൻെറ ഏക കര അതിർത്തിയുമാണ്​ അബൂസംറ.

മൂന്നര വർഷത്തെ ഖത്തർ ഉപരോധം നീക്കി കഴിഞ്ഞ ജി.സി.സി ഉച്ചകോടിയിൽ അൽഉല കരാറിൽ ഒപ്പുവെച്ചതോടെയാണ്​ അതിർത്തി തുറന്നത്​. ഇതിന്​ ശേഷം അബൂസംറ വഴി ഇരുരാജ്യങ്ങളിലേക്കും യാത്രക്കാർ പോക്കുവരവ്​ തുടങ്ങിയിരുന്നു.

അതേസമയം അബൂസംറ കരഅതിർത്തി വഴിയുള്ള ചരക്കുനീക്കം സംബന്ധിച്ച മാനദണ്ഡങ്ങൾ എല്ലാവരും പാലിക്കണമെന്ന്​ ഖത്തർ ജനറൽ അതോറിറ്റി ഓഫ്​ കസ്​റ്റംസ്​ അറിയിച്ചു. സൗദിയിൽ നിന്നുള്ള ചരക്കുകൾ നേരിട്ട്​ ഖത്തറിലേക്ക്​ പ്രവേശിപ്പിക്കില്ല. തുറമുഖത്ത്​ ചരക്കുകൾ ഇറക്കി ഖത്തറിലെ ​ട്രക്കുകളിൽ കയറ്റി മാത്രമേ രാജ്യത്തേക്ക്​ പ്രവേശിപ്പിക്കൂ. തുറമുഖം അധികൃതരുടെ മുൻകൂട്ടിയുള്ള അനുമതിക്ക്​ ശേഷം ഇറക്കുമതി ചെയ്യുന്നയാളോ അദ്ദേഹത്തിൻെറ പ്രതിനിധിയോ ആയിരിക്കണം തുറമുഖത്ത്​ നിന്ന്​ ഇക്കാര്യങ്ങൾ നിർവഹിക്കേണ്ടത്​.

ട്രക്ക്​ ​ൈഡ്രവർമാർ അതിർത്തി വഴി രാജ്യത്തേക്ക്​ എത്തു​േമ്പാഴും പുറത്തേക്ക്​ കടക്കു​േമ്പാഴും എല്ലാവിധ കോവിഡ്​ മാനദണ്ഡങ്ങളും ചട്ടങ്ങളും പാലിക്കണം. സൗദിയിൽ നിന്ന്​ അബൂസംറ അതിർത്തി വഴി വരുന്ന ട്രക്ക്​ ഡ്രൈവർമാർ സൗദി ആരോഗ്യമന്ത്രാലയം നൽകുന്ന ​േകാവിഡ്​ നെഗറ്റീവ്​ സർട്ടിഫിക്കറ്റ്​ ഹാജരാക്കണം. ഇത്​ 72 മണിക്കൂറിനുള്ളിലുള്ളതാകണം. അബൂസംറ പോർട്ടിൽ ചരക്കുകൾ ഇറക്കുന്ന നടപടികൾ പൂർത്തീകരിച്ച ശേഷം എത്രയും പെ​ട്ടെന്ന്​ ട്രക്കുകളും ​ൈഡ്രവർമാരും സൗദിയുടെ സൽവ തുറമുഖത്തേക്ക്​ തിരിച്ചുപോകണം. ചരക്കുകൾ ഇറക്കുമതി ചെയ്യുന്നവർ ത​ന്നെ അതിർത്തിയിൽ നിന്ന്​ ഖത്തറിലേക്ക് ചരക്കുകൾ കൊണ്ടുപോകാനുള്ള ​ട്രക്കുകൾ ഏർപ്പാടാക്കണം. ഈ ട്രക്കുകളുടെ നമ്പർ, വരുന്ന തീയതി എന്നിവ മുൻകുട്ടി തന്നെ അബൂസംറ അതിർത്തി അധികൃതരെ വിവരം അറിയിക്കണം. എല്ലാ നടപടികളും ഖത്തർ കസ്​റ്റംസ്​ നിയമങ്ങൾക്ക്​ അനുസരിച്ചായിരിക്കണം. ഉപരോധം മൂലം ഏറെക്കാലം അതിർത്തി ചെക്ക്​ പോസ്​റ്റ്​ അടച്ചിട്ടതിനാൽ ചരക്കുകൾ പരിശോധിക്കാനുള്ള വിവിധ ലബോറട്ടറി സംവിധാനങ്ങൾ രാജ്യത്തിൻെറ മറ്റിടങ്ങളിലേക്ക്​ മാറ്റിസ്​ഥാപിച്ചിരുന്നു. ഇതിനാൽ അതിർത്തി വഴി വരുന്ന ചരക്കുകളുടെ സാംപിളുകൾ എടുത്ത്​ പരിശോധന നടത്തി ഫലം ലഭിക്കാൻ കാലതാമസം എടുക്കും. ഫലം വന്നിട്ട്​ മാത്രമേ ചില ചരക്കുകളുടെ നീക്കം നടത്താനാകൂ. സൗദി കസ്​റ്റംസി​െൻറ നിർദേശവും ചട്ടങ്ങളും പ്രകാരമുള്ള രേഖകളു​െട അടിസ്​ഥാനത്തിലാണ്​ ചര​ക്കുകൾ അബൂസംറ അതിർത്തി വഴി ഖത്തറിലേക്ക്​ എത്തിക്കാൻ കഴിയൂ. കന്നുകാലികളെ അതിർത്തി വഴി എത്തിക്കു​േമ്പാഴും ഈ നടപടികൾ പാലിച്ചിരിക്കണമെന്നും കസ്​റ്റംസ്​ അറിയിച്ചിട്ടുണ്ട്​.