വായനയിലൂടെ ആശ്വാസം, അറിവ്
text_fieldsദോഹ: വിഭിന്നശേഷിക്കാർക്ക് വായനയുടെ വിസ്മയ ലോകം തുറന്ന് ഖത്തർ റെഡ്ക്രസൻറ് സൊസൈറ്റി. സൊസൈറ്റിയുടെ പേ ഷ്യൻറ് ബെനഫിറ്റ് ഫണ്ടാണ് വ്യത്യസ്ത മേഖലകളിലേക്ക് കൂടി സഹായകരമായി മാറുന്നത്. ചികിൽസാകേന്ദ്രങ്ങളിലും സ ്ഥാപനങ്ങളിലും ഉള്ള ലൈബ്രറികളുടെ ആവശ്യങ്ങൾക്ക് കൂടി ഇത്തരം ഫണ്ട് വിനിയോഗിച്ച് വൈകല്യവും വിഭിന്നശേഷിയുമ ുള്ളവർക്ക് വയനയിലൂടെ ആശ്വാസം കൂടി പകരുകയാണ് ലക്ഷ്യം. ഹമദ് മെഡിക്കൽ കോർപറേഷെൻറ വിവിധ വിഭാഗങ്ങളിലേക്കായി രണ്ട് വായനാശാലകൾ നൽകിയതാണ് ഇൗ യിനത്തിൽ അടുത്ത് കൈവരിച്ച നേട്ടം. ഇതിൽ ഒന്ന് ഇലക്ട്രോണിക്സ് ൈലബ്രറിയും മറ്റൊന്ന് സാധാരണ ലൈബ്രറിയുമാണ്. സാധാരണ ലൈബ്രറിയിൽ 700 പുസ്തകങ്ങൾ ആണുള്ളത്. ഇവ ആശുപത്രിയിലെ ഏഴ് വ്യത്യസ്ത ചികിൽസാവിഭാഗങ്ങളിലായാണ് വിതരണം ചെയ്യുന്നത്.
മുെഎദറിലുള്ള വിഭിന്നശേഷിക്കാർക്കായുള്ള ഡേ കെയർ ഹോമിലാണ് ഇലക്ട്രോണിക് വായനാശാലയുടെ സേവനം ലഭ്യമാകുന്നത്. 10 ടാബ്ലെറ്റുകൾ അടങ്ങിയ ഇ ലൈബ്രറിയുടെ സേവനം ഇവിടങ്ങളിലുള്ള രോഗികൾക്ക് ഏെറ ആശ്വാസകരമാണ്. പുതിയ വിദ്യാഭ്യാസ പദ്ധതികൾ കൂടി വായനാശാല പരിപാടികളിൽ ഉൾപ്പെടുത്തുമെന്ന് എച്ച്.എം.സി കമ്മ്യൂണിറ്റി മെഡിസിൻ വകുപ്പിലെ സീനിയർ കൺസൾട്ടൻറ് ഡോ. മുഹമ്മദ് സിദ്ദിഖി പറഞ്ഞു. പതിവിൽ നിന്ന് വ്യത്യസ്തമായുള്ള റെഡ്ക്രസൻറ് സൊസൈറ്റിയുടെ പ്രവർത്തനമാണ് ഇതെന്നും അദ്ദേഹം കൂട്ടിച്ചേർത്തു. ഇൻറർനെറ്റിലെയും മറ്റും അറിവുകൾ നൂതന മാർഗങ്ങളിലൂടെ രോഗികൾക്ക് നൽകുക വഴി മരുന്നിനപ്പുറമുള്ള ആശ്വാസമാണ് രോഗികൾക്ക്കിട്ടുന്നതെന്നും കൂടുതൽ വിഷയങ്ങളിലുള്ള വിദ്യാഭ്യാസ കാര്യങ്ങൾ കൂടി വരും കാലം ഉൾപ്പെടുത്തുമെന്നും റെഡ്ക്രസൻറ് സൊസൈറ്റി ലോക്കൽ ഡെവലപ്മെൻറ് മേധാവി മോന ഫാദിൽ അൽസുലൈത്തി പറഞ്ഞു. രാജ്യത്തെ വിവിധ ആരോഗ്യസ്ഥാപനങ്ങളിലായി ആകെ ആറ് ഇലക്ട്രോണിക് ലൈബ്രറികളാണ് ഒരുക്കിയിരിക്കുന്നത്.
42 കമ്പ്യൂട്ടറുകൾ വിവിധ മെഡിക്കൽ കേന്ദ്രങ്ങൾ, വകുപ്പുകൾ എന്നിവക്കായി ഇതിനകം വിതരണം ചെയ്തുകഴിഞ്ഞു. ഫഹദ് ബിൻ ജാസിം കിഡ്നി-മാനസികാരോഗ്യ കേന്ദ്രത്തിലെ കുട്ടികളുടെ അത്യാഹിത വിഭാഗത്തിൽ അടക്കമാണിത്. ചികിൽസയോടുള്ള രോഗികളുെട പ്രതികരണത്തിൽ വായനകൊണ്ട് മികച്ച മാറ്റങ്ങൾ ഉണ്ടാക്കാനാകും. രോഗികൾക്ക് മാനസികാരോഗ്യത്തിൽ കൂടുതൽ പിന്തുണയും തണലും നൽകുക എന്ന ലക്ഷ്യത്തിലൂന്നിയാണ് ഇൗ മേഖലയിൽ റെഡ്ക്രസൻറ് സൊസൈറ്റി മുന്നേറുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.