സി​റി​യ​യി​ൽ പോ​ളി​യോ വാ​ക്സി​ൻ വി​ത​ര​ണ​വു​മാ​യി ഖ​ത്ത​ർ റെ​ഡ്ക്ര​സ​ൻ​റ്​

ദോ​ഹ: സി​റി​യ​യി​ൽ ഖ​ത്ത​ർ റെ​ഡ്ക്ര​സ​ൻ​റ് സൊ​സൈ​റ്റി​യു​ടെ മേ​ൽ​നോ​ട്ട​ത്തി​ൽ കു​ഞ്ഞു​ങ്ങ​ൾ​ക്കാ​യു​ള്ള പോ​ളി​യോ വാ​ക്സി​ൻ വി​ത​ര​ണം ന​ട​ത്തി.കോ​വി​ഡ്-19 പ്ര​തി​കൂ​ല സാ​ഹ​ച​ര്യം നി​ല​നി​ൽ​ക്കു​ന്ന​തി​നാ​ൽ ക​ർ​ശ​ന സു​ര​ക്ഷ മു​ൻ​ക​രു​ത​ലു​ക​ൾ​ക്കി​ട​യി​ൽ സി​റി​യ​യു​ടെ വ​ട​ക്കെ മേ​ഖ​ല​യി​ലാ​ണ് വാ​ക്സി​നേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്. ലോ​കാ​രോ​ഗ്യ സം​ഘ​ട​ന, യു​നി​സെ​ഫ് (യു​നൈ​റ്റ​ഡ് നാ​ഷ​ൻ​സ്​ ചി​ൽ​ഡ്ര​ൻ​സ്​ ഫ​ണ്ട്) എ​ന്നീ സം​ഘ​ട​ന​ക​ളു​ടെ സ​ഹ​ക​ര​ണ​ത്തോ​ടെ ന​ട​ത്തി​യ വാ​ക്സി​നേ​ഷ​ൻ കാ​മ്പ​യി​നി​ൽ അ​ഞ്ച് വ​യ​സ്സി​ന് താ​ഴെ​യു​ള്ള 815,000 കു​ട്ടി​ക​ൾ​ക്കാ​ണ് പ്ര​തി​രോ​ധ മ​രു​ന്ന് ന​ൽ​കി​യ​ത്.

നേ​ര​ത്തെ വാ​ക്സി​നേ​ഷ​ൻ കാ​മ്പ​യി​നി​ൽ പ​ങ്കെ​ടു​ക്കാ​ത്ത കു​ട്ടി​ക​ളെ കൂ​ടി ഉ​ൾ​പ്പെ​ടു​ത്തി​യാ​ണ് പോ​ളി​യോ തു​ള്ളി​മ​രു​ന്ന് വി​ത​ര​ണം ന​ട​ത്തി​യ​ത്. നോ​ർ​തേ​ൺ സി​റി​യ​യി​ൽ സീ​റോ പോ​ളി​യോ ട്രാ​ൻ​സ്​​മി​ഷ​നാ​ണ് കാ​മ്പ​യി​നി​ലൂ​ടെ പ്ര​ധാ​ന​മാ​യും ല​ക്ഷ്യ​മി​ടു​ന്ന​ത്. അ​ന്താ​രാ​ഷ്​​ട്ര നി​ല​വാ​ര​ങ്ങ​ൾ​ക്കും മാ​ന​ദ​ണ്ഡ​ങ്ങ​ൾ​ക്കും അ​നു​സ​രി​ച്ചാ​ണ് വാ​ക്സി​ൻ വി​ത​ര​ണ​മെ​ന്ന് ഖ​ത്ത​ർ റെ​ഡ്ക്ര​സ​ൻ​റ് സൊ​സൈ​റ്റി ഉ​റ​പ്പു​വ​രു​ത്തി. ഇ​ദ്​​ലി​ബ്, അ​ല​പ്പോ, തെ​ൽ അ​ബെ​യ്ഡ്, റാ​സ്​ അ​ൽ ഐ​ൻ തു​ട​ങ്ങി​യ മേ​ഖ​ല​ക​ളി​ലാ​ണ് വാ​ക്സി​നേ​ഷ​ൻ കാ​മ്പ​യി​ൻ ന​ട​ത്തി​യ​ത്.