12 വിദ്യാർഥികൾക്ക്​ ഒര​ു ടീച്ചർ: ഖത്തർ ലോകത്തി​െൻറ മുൻനിരയിൽ

ദോഹ: ലോകത്തിൽ തന്നെ അധ്യാപക^ വിദ്യാർഥി അനുപാതത്തിൽ മുൻനിരയിലുള്ള രാജ്യങ്ങളിലൊന്നായി ഖത്തർ. രാജ്യത്തെ ഒാരോ 12 വിദ്യാർഥികൾക്കും ഒരു ടീച്ചറുണ്ടെന്ന്​ വിദ്യാഭ്യാസ^ ഉന്നത വിദ്യാഭ്യാസ മന്ത്രാലയത്തിലെ അധ്യാപക കാര്യ വിഭാഗം ഡയറക്​ടർ അഹമ്മദ്​ ജുമാ ജസിമനി വ്യക്​തമാക്കി.
ലോക അധ്യാപക ദിനം ആഘോഷിക്കുന്നതിനുള്ള മന്ത്രാലയത്തി​​​െൻറ ഒരുക്കങ്ങൾ വിശദീകരിക്കാൻ വിളിച്ച വാർത്താസമ്മേളനത്തിലാണ്​ ഇക്കാര്യം വ്യക്​തമാക്കിയത്​. വ്യാഴാഴ്​ചയാണ്​ അധ്യാപക ദിനം. ഖത്തറിൽ 56 രാജ്യങ്ങളിൽ നിന്നായി 14,037 പേർ അധ്യാപക വൃത്തിയിൽ ഏർപ്പെടുന്നുണ്ട്​. പബ്ലിക്​ സ്​കൂളിലേക്ക്​ അധ്യാപകരെ ഒരുക്കുന്ന വിവിധ പദ്ധതികളും നടക്ക​ുന്നുണ്ട്​.

ഖത്തറിലെ എല്ലാ സ്​കൂളുകളിലും അധ്യാപക ദിനാഘോഷത്തി​​​െൻറ ഭാഗമായി പരിപാടികൾ സംഘടിപ്പിക്കുന്നുണ്ടെന്നും അദ്ദേഹം പറഞ്ഞു. മികച്ച അധ്യാപകരെ ആദരിക്കുകയും ചെയ്യും. 2017^ 18 അക്കാദമിക വർഷത്തിൽ 422 അധ്യാപകർക്ക്​ പ്രൊഫഷനൽ ലൈസൻസ്​ നൽകിയതായും അ​ദ്ദേഹം പറഞ്ഞു. പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ അബ്​ദുല്ല ബിൻ നാസർ ബിൻ ഖലീഫ ആൽഥാനിയുടെ രക്ഷാകർതൃത്വത്തിലാണ്​ അധ്യാപക ദിനാഘോഷം സംഘടിപ്പിക്കുന്നതെന്ന്​ പബ്ലിക്​ റി​േലഷൻസ്​ ആൻറ്​ കമ്മ്യൂണിക്കേഷൻ ഡിപ്പാർട്ട്​മ​​െൻറ്​ ഡയറക്​ടർ ഹസൻ അബ്​ദുല്ല അൽ മുഹമ്മദി പറഞ്ഞു. 100 മുതിർന്ന അധ്യാപകരെ ആദരിക്കുമെന്ന​ും അദ്ദേഹം പറഞ്ഞു.