‘എറിക്’​ പറന്ന്​ ഇറങ്ങി; സുരക്ഷിതനായി

ദോഹ: എറിക്​ പറന്നിറങ്ങി, പുതിയ വീട്ടിലേക്ക്​. സുരക്ഷിതനായും സന്തോഷവാനുമായാണ്​ എറിക്​ പുതിയ താമസ സ്ഥലത്തേക്ക്​ എത്തിയത്​. അമേരിക്കയിലെ കാലിഫോർണിയയിലെ സാൻ ഡീഗോ സൂവിൽ നിന്ന്​ ടാൻസാനിയിലേക്കുള്ള സുന്ദര യാത്ര എറിക്​ എന്ന റൈനോക്ക്​ ഒരുക്കിയത്​ ഖത്തർ എയർവേസ്​ കാർഗോയാണ്​. നിരവധി ജീവികൾക്ക്​ സുരക്ഷിത യാത്ര ഒരുക്കിയിട്ടുള്ള ഖത്തർ എയർവേസ്​ കാർഗോയിലാണ്​ 16000 കിലോമീറ്ററിൽ അധികം പറന്ന്​ സുരക്ഷിതനായി ഇറങ്ങിയത്​. അതീവ വംശനാശ ഭീഷണി നേരിടുന്ന ബ്ലാക്ക്​ റൈനോകളിൽ ഉൾപ്പെടുന്ന എറികിനെ ടാൻസാനയിക്ക്​ അമേരിക്ക സമ്മാനിക്കുകയായിരുന്നു.

ബ്ലാക്ക്​ റൈനോകളുടെ എണ്ണം ഉയർത്തുകയും ഗ്രേറ്റർ സെരെൻഗെറ്റി ഇക്കോ സിസ്​റ്റം ശക്​തമാക്കുകയും ​െചയ്യുകയെന്ന ലക്ഷ്യത്തോടെയായിരുന്നു കൈമാറൽ. സിംഗിത ഗ്രുമെറ്റി ഫണ്ട്​ എന്ന എൻ.ജി.ഒക്ക്​ കൈമാറിയ എറിക്​ ഇപ്പോൾ ടാൻസാനിയൻ വനാന്തരങ്ങളിൽ സുരക്ഷിതനാണ്​. ലോസ്​ ഏഞ്ചൽസിൽ നിന്ന്​ ഖത്തർ എയർവേസി​​​െൻറ ബോയിങ്​ 777 ചരക്ക്​ വിമാനത്തിലാണ്​ ബ്ലാക്ക്​ റൈനോ യാത്ര ആരംഭിച്ചത്​. ടാൻസാനിയയിലേക്കുള്ള വഴിമധ്യേ ആദ്യം ബെൽജിയത്തിലെ ലിയേഷിലും തുടർന്ന്​ ദോഹയിലും ഇറങ്ങി. ദോഹയിൽ ​വെച്ച്​ എയർബസ്​ എ 330 എന്ന ചരക്കുവിമാനത്തിലേക്ക്​ യാത്ര മാറി. ടാൻസാനിയയിലെ എൻടബ്ബെ വരെ ഇതിലായിരുന്നു യാത്ര.

തുടർന്ന്​ സെരെൻഗെറ്റിയിലേക്ക്​ അ​​േൻറാണോവ്​ 74 വിമാനം ചാർട്ട്​ ചെയ്​താണ്​ എത്തിച്ചത്​. റൈനോയുടെ ജീവിത സാഹചര്യങ്ങൾക്ക്​ അനുസരിച്ചാണ്​ ചരക്കു വിമാനങ്ങളിൽ എല്ലാം താപനില ക്രമീകരിച്ചിരുന്നത്​. എറികി​​​െൻറ യാത്ര എളുപ്പവും സുഖവും ആക്കുന്നതിനുള്ള നടപടികളാണ്​ ചെയ്​തത്​. എറികി​​​െൻറ പ്രത്യേക കമ്പാർട്ട്​മ​​െൻറിൽ ആവശ്യത്തിന്​ ഭക്ഷണവും വെള്ളവും ഒരുക്കിയിരുന്നു. ​േലാസ്​ ഏഞ്ചൽസ്​ മുതൽ ടാൻസാനിയ വരെ നാലംഗ വിദഗ്​ധ സംഘവും അനുഗമിച്ചിരുന്നു. വന്യജീവി സംരക്ഷണത്തിനുള്ള ഇൗ പദ്ധതിയിൽ പങ്കാളിയാകാൻ സാധിച്ചതിൽ ഏറെ ആഹ്ലാദമുണ്ടെന്ന്​ ഖത്തർ എയർവേസ്​ കാർഗോ ചീഫ്​ ഒാഫിസർ ഗ്വില്ലൗമെ ഹാല്യൂക്​സ്​ പറഞ്ഞു. അയാട്ടയുടെ ലൈവ്​ അനിമൽസ്​ റെഗുലേഷൻസ്​, ഖത്തർ എയർവേസി​​​െൻറ ട്രാൻസ്​പോർ​േട്ടഷൻ ഒാഫ്​ വൈൽഡ്​ ലൈഫ്​ ആൻറ്​ അനിമൽ വെൽഫെയർ പദ്ധതികൾ അനുസരിച്ചാണ്​ പ്രവർത്തനം.

ജീവികളെ കയറ്റുന്നതിനും ഇറക്കുന്നതിനും സൂക്ഷിക്കുന്നതിനും താപനിലയും ഹ്യുമിഡിറ്റിയും നിയന്ത്രിക്കുന്നതിനും എല്ലാമുള്ള പരിശീലനം ജീവനക്കാർക്ക്​ നൽകിയിട്ടുണ്ടെന്നും അദ്ദേഹം വ്യക്​തമാക്കി. ​ൈറനോയെ ഏറ്റവും സുരക്ഷിതമായാണ്​ ഖത്തർ എയർവേസ്​ കാർഗോ എത്തിച്ചുനൽകിയതെന്ന്​ സിംഗിത ഗ്രുമെറ്റി ഫണ്ട്​ എക്​സിക്യൂട്ടീവ്​ ഡയറക്​ടർ സ്​റ്റീഫൻ കുൺലി​െഫ വ്യക്​തമാക്കി. കുതിരകൾ, പക്ഷികൾ, വളർത്തുജീവികൾ, കന്നുകാലികൾ, മത്സ്യങ്ങൾ, കാഴ്​ച ബംഗ്ലാവുകളിൽ നിന്നുള്ള വന്യജീവികൾ തുടങ്ങിയവയെ എല്ലാം ഖത്തർ എയർവേസ്​ കാർഗോ സുരക്ഷിതമായി ലക്ഷ്യസ്ഥാനങ്ങളിൽ എത്തിച്ചിട്ടുണ്ട്​.