വാഹനരജിസ്​ട്രേഷൻ പുതുക്കൽ ഒാൺലൈനിൽ മാത്രമാകുന്നു

ഒക്​ടോബർ ഒന്നുമുതൽ ഇസ്​തിമാറ പുതുക്കൽ മെട്രാഷ്​ ടു വഴിയോ ആഭ്യന്തരമന്ത്രാലയത്തി​​​െൻറ ഇ സർവീസ്​ പോർട്ടൽ വഴിയോ മാത്രം
ദോഹ: സ്​ഥാപനങ്ങളു​െടയും കമ്പനികളു​െടയും വാഹനങ്ങളുടെ രജിസ്​ട്രേഷൻ (ഇസ്​തിമാറ) പുതുക്കാനുള്ള നടപടിക്രമങ്ങളിൽ മാറ്റം വരുത്തുന്നു. അടുത്ത മാസം മുതലാണ്​ മാറ്റമെന്ന്​ ഗതാഗത വകുപ്പ്​ ജനറൽ ഡയറക്​ടറേറ്റ്​ അറിയിച്ചു. ഒക്​ടോബർ ഒന്നുമുതൽ വാഹനങ്ങളു​െട രജിസ്​ട്രേഷൻ പുതുക്കൽ മെട്രാഷ്​ ടു വഴിയോ ആഭ്യന്തരമന്ത്രാലയത്തി​​​െൻറ ഇ സർവീസ്​ പോർട്ടൽ വഴിയോ ഒാൺലൈൻ ആയി മാത്രമേ ചെയ്യാൻ കഴിയൂ.

ട്രാഫിക്​ കൗണ്ടറുകളിലെ ഫാഹിസ്​ കേന്ദ്രങ്ങൾ വഴി നേരിട്ട്​ ഇനി രജിസ്​ട്രേഷൻ പുതുക്കാൻ കഴിയില്ല. അതേ സമയം ഫാഹിസ്​ കേന്ദ്രങ്ങളിൽ വാഹനങ്ങൾ നേരിട്ട്​ പരിശോധനക്ക്​ എത്തിക്കുകയും ഇൻഷുറൻസ്​ തുക അടക്കുകയും ചെയ്യണം. ഒാൺലൈൻ വഴി രജിസ്​റ്റർ ചെയ്യുന്നതിന്​ മുമ്പ്​ ഇൗ രണ്ട്​ കാര്യങ്ങളും ചെയ്യണം. ട്രാഫിക്​ ജനറൽ ഡയറക്​ടറേറ്റിലെ ലൈസൻസ്​ വകുപ്പ്​ ഫസ്​റ്റ്​ ലെഫ്​റ്റനൻറ്​ തുർക്കി ഷാദിദ്​ അൽ കഅബി അറിയിച്ചതാണ്​ ഇക്കാര്യം. ഖത്തറിൽ പ്രവർത്തിക്കുന്ന എല്ലാ ഇൻഷുറൻസ്​ കമ്പനികളുമായും ഫാഹിസ്​ കേന്ദ്രത്തിന്​ ഒാൺലൈൻ വഴി ബന്ധമുണ്ട്​. ഗതാഗതവകുപ്പി​​​െൻറ ഡാറ്റകൾ കൈകാര്യം ചെയ്യുന്ന ഖത്തർ സെൻട്രൽ ബാങ്കി​​​െൻറ സഹകരണത്തോടെയാണിത്​.

മെട്രാഷ്​ വഴി വാഹനങ്ങളു​െട വിവരങ്ങൾ ആദ്യം നൽകുകയാണ്​ വേണ്ടത്​. ഫാഹിസി​​​െൻറ പരിശോധനക്കും ഇൻഷുറൻസിനുമുള്ള രണ്ട്​ പച്ച ലൈറ്റുകൾ തെളിയുന്നത്​ അപ്പോൾ കാണാം. രണ്ട്​ ലൈറ്റുകളും കത്തി നിലക്കുന്നത്​ കണ്ടാൽ ഇൻഷുറൻസ്​ തുക അടക്കാം. വ്യക്​തികൾക്ക്​ ഇക്കാര്യങ്ങൾ ചെയ്യാൻ കഴിയും. ക്യു^പോസ്​റ്റ്​ വഴി രജിസ്​ട്രേഷൻ കാർഡ് വീട്ടിലെത്തുകയാണ്​ ചെയ്യുക. കൊണ്ടുനടക്കാൻ എളുപ്പത്തിലുള്ള രീതിയിലാണ്​ ഇൗ കാർഡുകൾ. മൂന്ന്​ വർഷം വരെ പരിശോധന വേണ്ടാത്ത പുതിയ വാഹനങ്ങളുടെ ഉടമകൾക്ക്​ ഇത്​ കൂടുതൽ എളുപ്പകരവുമാകും.