മലപ്പുറത്തിെൻറ 50ാം വാർഷികം ആഘോഷിച്ചു
text_fieldsദോഹ: മലപ്പുറം ജില്ലാ മുസ്ലിം വെൽഫെയർ അസോസിയേഷൻ (മംവാഖ്) നേതൃത്വത്തിൽ മലപ്പുറം ജില്ലയുടെ 50ാം വാർഷികം ആഘോഷിച്ചു. ജില്ലാ പിറവിയാഘോഷം എന്ന പേരിൽ നടന്ന പരിപാടിയിൽ മലപ്പുറത്തിെൻറ ചരിത്രം, സംസ്കാരം, സൗഹാർദം, വിവിധ മേഖലകളിലെ വളർച്ച, സാമ്പത്തിക മുന്നേറ്റം എന്നീ വിഷയങ്ങളിലുള്ള പ്രശ്നോത്തരിയും സെമിനാറും നടന്നു.
ജില്ലയുടെ കലാസാംസ്കാരിക മുേനറ്റം, പ്രവാസം, പരിസ്ഥിതി, വനിതാതൊഴിലവസരങ്ങൾ തുടങ്ങിയ വിഷയങ്ങളിൽ എം.ടി. നിലമ്പൂർ, അബ്ദുൽ റഉൗഫ് കൊണ്ടോട്ടി, നസീഹ മജീദ്, കോയ കൊണ്ടോട്ടി എന്നിവർ പ്രബന്ധങ്ങൾ അവതരിപ്പിച്ചു. സെക്രട്ടറി മൂസക്കുട്ടി ഒളകര, പി.എം. അസ്ഹറലി, ഹൈദരലി കവരോഡി എന്നിവർ അടങ്ങിയ പ്രസീഡിയം സെമിനാർ നിയന്ത്രിച്ചു. ആക്ടിങ്ങ് ജനറൽ സെക്രട്ടറി ഹുസൈൻ കടന്നമണ്ണ മോഡറേറ്ററായിരുന്നു. പ്രശ്നോത്തരി സുഹൈൽ ശാന്തപുരവും അക്ബർ വേങ്ങശ്ശേരിയും നയിച്ചു. വാഴക്കാട് അസോസിയേഷൻ, നിലമ്പൂർ കൂട്ടം, കൾച്ചറൽ ഫോറം മലപ്പുറം എന്നിവ ഒന്ന്, രണ്ട്, മൂന്ന് സ്ഥാനങ്ങൾ നേടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.