ശ​സ്ത്ര​ക്രി​യ​ കഴിഞ്ഞ്​ പ​ഞ്ഞി വ​യ​റ്റി​ല്‍; ഡോക്​ടർക്ക്​ പ​ത്തു​ല​ക്ഷം റി​യാ​ല്‍ പിഴ

ദോ​ഹ: ശ​സ്ത്ര​ക്രി​യ​ക്കു​ശേ​ഷം രോഗിയുടെ വയറ്റിൽ പ​ഞ്ഞി കണ്ടെത്തിയ സം​ഭ​വ​ത്തി​ൽ ചി​കി​ത്സി​ച്ച ഡോ​ക്ട​ര്‍ക്കും ആ​ശുപ​ത്രി​ക്കു​മെ​തി​രെ കോ​ട​തി​വി​ധി. ഖ​ത്ത​ര്‍ പ്രാ​ഥ​മി​ക കോ​ട​തി​യാ​ണ് ഇരുവർക്കും പിഴ ശി​ക്ഷ വി​ധി​ച്ച​ത്്. ശ​സ്ത്ര​ക്രി​യ​യി​ലെ പി​ഴ​വി​ന് ഉ​ത്ത​ര​വാ​ദി​യാ​യ ഡോ​ക്​ട​റും ആ​ശുപ​ത്രി​യും പ​രാ​തി​ക്കാ​രി​യാ​യ സ്വ​ദേ​ശി വ​നി​ത​ക്ക് പ​ത്തു​ല​ക്ഷം റി​യാ​ല്‍ ന​ഷ്​ട​പ​രി​ഹാ​രം ന​ല്‍ക​ണ​മെ​ന്നാ​ണ് കോ​ട​തി ഉ​ത്ത​ര​വ്. ശ​സ്ത്ര​ക്രി​യ​ക്ക് വി​ധേ​യ​യാ​യ പ​രാ​തി​ക്കാ​രി​യു​ടെ ആ​​േരാ​ഗ്യാ​വ​സ്ഥ​യി​ല്‍ മാ​റ്റ​മു​ണ്ടാ​വു​ക​യും അ​സ്വ​സ്ഥ​ത വ​ര്‍ധി​ക്കു​ക​യും ചെ​യ്ത​ിരുന്നു. തുടർന്ന്​ നടത്തിയ വി​ശ​ദ​മാ​യ പ​രി​ശോ​ധ​ന​യി​ലാ​ണ് ആ​മാ​ശ​യ​ത്തി​ല്‍ അ​സാ​ധാ​ര​ണ വ​സ്തു​വി​​​​െൻറ സാ​ന്നി​ധ്യം ക​ണ്ടെ​ത്തി​യ​ത്. വി​ശ​ദ​മാ​യ പ​രി​ശോ​ധ​ന​യി​ല്‍ ശ​സ്ത്ര​ക്രി​യാ​സ​മ​യ​ത്തെ പ​ഞ്ഞി​യു​ടെ അ​വ​ശി​ഷ്​ടംഅ​ബ​ദ്ധ​ത്തി​ല്‍ വ​യ​റ്റി​ല്‍ അ​ക​പ്പെ​ട്ട​താ​യി ക​ണ്ടെ​ത്തുകയായിരുന്നു.

വാ​ദി​ഭാ​ഗ​ത്തി​നാ​യി അ​ഡ്വ. അ​ബ്ദു​ല്ല അ​ല്‍സ​അ​ദി​യാ​ണ് കോ​ട​തി​യി​ല്‍ ഹാ​ജ​രാ​യ​ത്. ഡോ​ക്ട​റു​ടെ ഭാ​ഗ​ത്തു​നി​ന്നും ഗു​രു​ത​ര​മാ​യ പി​ഴ​വ്​ സം​ഭ​വി​ച്ച​താ​യി അ​ദ്ദേ​ഹം വാ​ദി​ച്ചു. ശ​സ്ത്ര​ക്രി​യ​യി​ല്‍ ഡോ​ക്ട​ര്‍ ആ​വ​ശ്യ​മാ​യ ജാ​ഗ്ര​ത​യോ ശ്ര​ദ്ധ​യോ പു​ല​ര്‍ത്തി​യി​ല്ലെ​ന്നും പ​രി​ച​യ​സ​മ്പ​ത്തി​ല്ലാ​ത്ത ഡോ​ക്ട​റെ​യാ​ണ് ഇ​തി​നാ​യി നി​യോ​ഗി​ച്ച​തെ​ന്നും അ​ല്‍സ​അ​ദി കോ​ട​തി​യി​ല്‍ വാ​ദി​ച്ചു. ഡോ​ക്ട​റു​ടെ പി​ഴ​വി​നെ​ത്തു​ട​ര്‍ന്ന്​ മ​റ്റൊ​രു ശ​സ്ത്ര​ക്രി​യ​ക്ക്​ കൂ​ടി വി​ധേ​യ​മാ​കേണ്ട സാ​ഹ​ച​ര്യം രോ​ഗി​ക്കു​ണ്ടാ​യി. വ​യ​റ്റി​ല്‍ പ​ഞ്ഞി ഉണ്ടായതിനെ തുടർന്ന്​ രോഗിയുടെ ശാ​രീ​രി​കാ​വ​സ്ഥ തന്നെ മോ​ശ​മാ​വു​ക​യും ചെ​യ്തു. വി​ദ​ഗ്ധ ചി​കി​ത്സ​യും പ​രി​ച​ര​ണ​വും തേ​ടേ​ണ്ട​ി വ​ന്നു. ഈ ​സാ​ഹ​ച​ര്യ​ത്തി​ല്‍ രോ​ഗി​ക്ക് നേ​രി​ടേ​ണ്ടി​വ​ന്ന ശാ​രീ​രി​ക സാ​മ്പ​ത്തി​ക, മാ​ന​സി​ക പ്ര​യാ​സ​ങ്ങ​ള്‍ക്ക് ന​ഷ്​ട​പ​രി​ഹാ​രം ല​ഭി​ക്ക​ണ​മെ​ന്നാ​യി​രു​ന്നു വാ​ദി​ഭാ​ഗത്തി​​​െൻറആ​വ​ശ്യം. മെ​ഡി​ക്ക​ല്‍ രേ​ഖ​ക​ളും സാ​ക്ഷി​മൊ​ഴി​ക​ളും പ​രി​ശോ​ധി​ച്ചാ​ണ് ആ​ശുപ​ത്രി​ക്കും ഡോ​ക്ട​ര്‍ക്കു​മെ​തി​രെ കോ​ട​തി വി​ധി​യു​ണ്ടാ​യ​തെന്ന്​ പ്രാ​ദേ​ശി​ക അ​റ​ബി​പ​ത്രം റി​പ്പോ​ര്‍ട്ട് ചെ​യ്ത​ു.