ലിബിയയിലെ ഗോത്രങ്ങൾ ചർച്ചക്ക് തയ്യാറാകണം ^ഖത്തർ

ദോഹ: ലിബിയയിൽ പരസ്​പരം പോരടിക്കുന്ന ഗോത്രങ്ങൾ ചർച്ചക്ക് തയ്യാറാകണമെന്ന് ഖത്തർ ആവശ്യപ്പെട്ടു. ലിബിയൻ തലസ്​ഥാനമായ ട്രിപ്പോളിയിൽ ഈ ഗോത്രങ്ങൾ ഒരുമിച്ചിരുന്ന് ചർച്ചക്ക് തയ്യറാവുകയാണ് വേണ്ടത്. ലിബിയയിൽ നടക്കുന്ന ആഭ്യന്തര കലാപം എത്രയും വേഗം അവസാനിപ്പിക്കണമെന്ന് ഖത്തർ വിദേശകാര്യ മന്ത്രാലയം പുറത്തിറക്കിയ വാർത്താകുറിപ്പിൽ ആവശ്യപ്പെട്ടു. നിലവിലെ സൈനിക നീക്കം പ്രതിസന്ധി കൂടുതൽ സങ്കീർണമാക്കുകയാണ് ചെയ്യുക. ലിബിയയിൽ പരസ്​പരം രക്തം ചിന്തുന്നത് അവസാനിപ്പിച്ച് ചേരി തിരിഞ്ഞ് നിൽക്കുന്നവരെ ചർച്ചക്ക് സന്നദ്ധമാക്കാൻ രാജ്യാന്തര വേദികൾ സജീവമായി ഇടപെടണമെന്നും ഖത്തർ ആവശ്യപ്പെട്ടു.