ഖത്തർ ചാരിറ്റി കാമ്പയിൻ:  ബലിമാംസം ലഭിച്ചത്​ 50,000 പേ​ര്‍ക്ക്

ദോ​ഹ: ‘ഉ​ദ്ഹി​യ വാ​ഗ്ദാ​നം ചെ​യ്യൂ, ആ​ഹ്ലാ​ദം പ​ങ്കു​വെക്കൂ’ എ​ന്ന പ്ര​മേ​യ​ത്തി​ൽ ഖത്തർ ചാരിറ്റി നടത്തിയ ഇ​ത്ത​വ​ണ​ത്തെ കാ​മ്പ​യി​ന്‍ വൻവിജയം. ഏ​ഷ്യ, ആ​ഫ്രി​ക്ക, യൂ​റോ​പ്പ് മേ​ഖ​ല​ക​ളി​ലെ വി​വി​ധ രാ​ജ്യ​ങ്ങ​ളി​ലു​ള്ള അ​ര്‍ഹ​രാ​യ​വ​ര്‍ക്ക് ബ​ലി​മാം​സം ല​ഭ്യ​മാ​ക്കി. അ​ര്‍ഹ​ത​യു​ള്ള കു​ട്ടി​ക​ള്‍ക്ക് പെരുന്നാൾ വ​സ്ത്ര​ങ്ങ​ളും നൽകിയിരുന്നു. ഖ​ത്ത​ര്‍ ചാ​രി​റ്റി​യു​ടെ ബ​ലി​മാം​സ വി​ത​ര​ണ​ത്തി​​​​െൻറ പ്ര​യോ​ജ​നം ഖ​ത്ത​റി​ലെ 50,000 പേ​ര്‍ക്ക് ല​ഭി​ച്ചു. ഈ​ദി​​​​െൻറ മൂ​ന്നും നാ​ലും ദി​ന​ങ്ങ​ളാ​യ വ്യാ​ഴം, വെ​ള്ളി ദി​വ​സ​ങ്ങ​ളി​ലാ​​യി​രു​ന്നു മാം​സ​വി​ത​ര​ണം.​ കു​റ​ഞ്ഞ വ​രു​മാ​ന​ക്കാ​രാ​യ കു​ടും​ബ​ങ്ങ​ള്‍, വി​ധ​വ​ക​ള്‍, ഖ​ത്ത​ര്‍ ചാ​രി​റ്റി​യി​ല്‍ ര​ജി​സ്​റ്റ​ര്‍ ചെ​യ്തി​രി​ക്കു​ന്ന അ​നാ​ഥ​രു​ടെ കു​ടും​ബ​ങ്ങ​ള്‍, വി​വി​ധ രാ​ജ്യ​ക്കാ​രാ​യ പ്ര​വാ​സി​ക​ള്‍ എ​ന്നി​വ​രാ​യി​രു​ന്നു ഗു​ണ​ഭോ​ക്താ​ക്ക​ള്‍. എ​ഴ്​ ഏ​ഷ്യ​ന്‍ രാ​ജ്യ​ങ്ങ​ളി​ലെ​യും അ​ഞ്ച്​ അ​റ​ബ് രാ​ജ്യ​ങ്ങ​ളി​ലെ​യും ക​മ്മ്യൂ​ണി​റ്റി​ക​ള്‍ക്കാ​ണ് ബ​ലി​മാം​സം ല​ഭ്യ​മാ​ക്കി​യ​ത്. 

വി​വി​ധ ലേ​ബ​ര്‍ ക്യാ​മ്പു​ക​ളി​ലും ബാ​ച്ച​ില​ര്‍ അ​ക്കോ​മ​ഡേ​ഷ​നു​ക​ളി​ലും ബ​ലി​മാം​സം ല​ഭ്യ​മാ​ക്കി. കു​റ​ഞ്ഞ വ​രു​മാ​ന​ക്കാ​രാ​യ കു​ടും​ബ​ങ്ങ​ളി​ലെ 600 കു​ട്ടി​ക​ള്‍ക്കും 324 അ​നാ​ഥ കു​ട്ടി​ക​ള്‍ക്കും പെ​രു​ന്നാ​ള്‍ വ​സ്ത്ര​വും ഖ​ത്ത​ര്‍ ചാ​രി​റ്റി വി​ത​ര​ണം ചെ​യ്തി​രു​ന്നു. ഖ​ത്ത​ര്‍ ചാ​രി​റ്റി​യു​ടെ ഉ​ദ്ഹി​യ കാ​മ്പ​യി​​​​െൻറ പ്ര​യോ​ജ​നം ഖ​ത്ത​ര്‍ ഉ​ള്‍പ്പ​ടെ 29 രാ​ജ്യ​ങ്ങ​ളി​ലെ ഒ​മ്പ​ത് ല​ക്ഷം പേ​ര്‍ക്ക് ല​ഭ്യ​മാ​ക്കാ​നാ​​ണ് ല​ക്ഷ്യ​മി​ട്ടി​രു​ന്ന​ത്.  ഇ​തി​​​​െൻറ ഭാ​ഗ​മാ​യി 39854 ബ​ലി​മൃ​ഗ​ങ്ങ​ളെ വി​ത​ര​ണം ചെ​യ്യു​മെ​ന്ന് ഖ​ത്ത​ര്‍ ചാ​രി​റ്റി അ​റി​യി​ച്ചി​രു​ന്നു. സെ​ന്‍ട്ര​ല്‍ മാ​ര്‍ക്ക​റ്റി​ലെ അ​റ​വ് കേ​ന്ദ്ര​ത്തി​ല്‍ നി​ന്നും മാം​സം ശേ​ഖ​രി​ച്ച് ഫ്രീ​സ​ര്‍ വാ​നു​ക​ള്‍ ഉ​പ​യോ​ഗി​ച്ച് സി​മൈ​സി​മ, അ​ല്‍ഗാ​രി​യ, അ​ബൂ ന​ഖ്​ല, ശ​ഹാ​നി​യ, അ​ല്‍ഖ​രൈ​ബ്, വ​ഖ്റ, അ​ല്‍ഖോ​ര്‍, അ​ല്‍ജു​മൈ​ലി​യ തു​ട​ങ്ങി​യ സ്ഥ​ല​ങ്ങ​ളി​ലാ​യി​രു​ന്നു വി​ത​ര​ണം. വ​ള​ൻറി​യ​ര്‍മാ​ര്‍ ഇ​തു​സം​ബ​ന്ധ​മാ​യ പ്ര​വ​ര്‍ത്ത​ന​ങ്ങ​ള്‍ക്ക് നേ​തൃ​ത്വം ന​ല്‍കി. വി​ദൂ​ര​സ്ഥ​ല​ങ്ങ​ളി​ല്‍ വി​ത​ര​ണ​ത്തി​നും സൗ​ക​ര്യ​മൊ​രു​ക്കി​യി​രു​ന്നു. വി​വി​ധ സാ​മൂ​ഹി​ക സ​ന്ന​ദ്ധ സം​ഘ​ട​ന​ക​ളു​ടെ പ​ങ്കാ​ളി​ത്ത​വു​മു​ണ്ടാ​യി.