Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightകോവിഡ്​: മരിച്ച...

കോവിഡ്​: മരിച്ച പ്രവാസികളുടെ കുടുംബങ്ങൾക്ക് പുനരധിവാസ പദ്ധതിയുമായി സി.ഐ.സി

text_fields
bookmark_border
കോവിഡ്​: മരിച്ച പ്രവാസികളുടെ കുടുംബങ്ങൾക്ക് പുനരധിവാസ പദ്ധതിയുമായി സി.ഐ.സി
cancel

ദോഹ : ഗൾഫിൽ കോവിഡ് മൂലം മരണപ്പെട്ട പ്രവാസികളുടെ നിരാലംബ കുടുംബങ്ങൾക്ക് വേണ്ടി പുനരധിവാസ പദ്ധതി നടപ്പാക്കുമെന്ന് സ​െൻറർ ഫോർ ഇന്ത്യൻ കമ്യൂണിറ്റി (സി. ഐ. സി.) ഭാരവാഹികൾ അറിയിച്ചു. ഇന്ത്യയിൽ നിരവധി സാമൂഹ്യ സേവന പ്രവർത്തനങ്ങൾക്ക് നേതൃത്വം നൽകുന്ന പീപ്പ്​ൾസ് ഫൗണ്ടേഷനുമായി ചേർന്നാണ് പദ്ധതി നടപ്പാക്കുന്നത്. കോവിഡ് ബാധിച്ച് മരിച്ച നൂറ് കണക്കിന് പ്രവാസികളിൽ മഹാ ഭൂരിപക്ഷവും താഴ്ന്ന വരുമാനക്കാരായ സാധാരണ പ്രവാസികളാണ്. മരണത്തോടെ അവരുടെ കുടുംബങ്ങൾ തീരാദുരിതത്തിലായിരിക്കുകയാണ്​. ആകെയുള്ള വരുമാനമാർഗമാണ്​ നഷ്​ടമായത്​. നാട്ടിലെ കുടുംബങ്ങളിൽ പലരും ജീവിതത്തെ പകച്ചു നോക്കുന്ന സ്ഥിതിയിലാണ്. ഇവർക്ക്​ മെച്ചപ്പെട്ട ജീവിതം നൽകുകയാണ്​ പദ്ധതിയുടെ ലക്ഷ്യമെന്ന് ഭാരവാഹികൾ പറഞ്ഞു. വീടെന്ന പ്രാഥമിക സ്വപ്നം നിറവേറ്റാൻ കഴിയാതെ മരിച്ച്​ പോയവരുടെ നിരാലംബ കുടുംബങ്ങൾക്ക് തണലൊരുക്കുന്ന ഭവന പദ്ധതിയാണ് പുനരധിവാസ പദ്ധതികളിൽ പ്രധാനമായത്. 

ഒപ്പം വീട് വെക്കാൻ ഭൂമിയില്ലെങ്കിൽ അഞ്ച് സ​െൻറ്​ ഭൂമി, വരുമാന മാർഗം തീരെയില്ലാത്ത കുടുംബങ്ങളിലെ ആശ്രിതർക്ക് സ്വയം തൊഴിൽ കണ്ടെത്താനുള്ള ധനസഹായം, അർഹരായവരുടെ മക്കൾക്ക് വിദ്യാഭ്യാസ സ്കോളർഷിപ് എന്നിവയും നടപ്പാക്കും. പദ്ധതിയുടെ പ്രഖ്യാപനം സൂം പ്ലാറ്റ്ഫോമിൽ നടന്ന ചടങ്ങിൽ പീപ്പ്​ൾസ് ഫൗണ്ടേഷൻ ചെയർമാൻ എം.കെ. മുഹമ്മദലി നിർവഹിച്ചു. സി.ഐ സി. പ്രസിഡൻറ്​ കെ.ടി. അബ്​ദുറഹ്മാൻ അധ്യക്ഷത വഹിച്ചു. ജനറൽ സെക്രട്ടറി ആർ.എസ്. അബ്​ദുൽ ജലീൽ പദ്ധതി വിശദീകരിച്ചു. വിമൻ ഇന്ത്യ പ്രസിഡൻറ്​ നഹ്​യ നസീർ, യൂത്ത് ഫോറം ആക്ടിങ്​ പ്രസിഡൻറ്​ ഉസ്മാൻ പുലാപ്പറ്റ, പ്രോജക്ട് കമ്മിറ്റി അഡ്വൈസർ നിസാർ അഹ്മദ് എന്നിവർ സംസാരിച്ചു. വൈസ് പ്രസിഡൻറ്​ ഹബീബുറഹ്മാൻ കീഴിശ്ശേരി സമാപന പ്രഭാഷണം നടത്തി.  പ്രൊജക്ട് കോഓഡിനേറ്ററും സി.ഐ.സി ജനസേവന വിഭാഗം കൺവീനറുമായ അൻവർഷ സ്വാഗതം പറഞ്ഞു.

Show Full Article
TAGS:2465 5928 11152 
Next Story