ദോഹ മെ​േട്രാ പദ്ധതിക്ക് അന്താരാഷ്​ട്ര അംഗീകാരം

ദോഹ: ഖത്തർ റെയിലി​​െൻറ അഭിമാന പദ്ധതിയായ ദോഹ മെ​േട്രാക്ക് അന്താരാഷ്​ട്ര അംഗീകാരം. ചാർട്ടേഡ് ഇൻസ്​റ്റിറ്റ്യൂട്ട്  ഓഫ് ഹൈവേസ്​ ആൻഡ് ട്രാൻസ്​പോർട്ടേഷ​​െൻറ (സി.എച്ച്.ഐ.ടി) ഈ വർഷത്തെ അന്താരാഷ്​ട്ര പുരസ്​കാരമാണ് ദോഹ മെ​​േട്രായെ തേടിയെത്തിയത്. അമേരിക്ക, ആഫ്രിക്ക, ഏഷ്യ, ബാൽക്കൺ രാജ്യങ്ങളിലെ ഭീമൻ പദ്ധതികളെ പിന്തള്ളിയാണ് ഖത്തറിലെ ദോഹ മെ​േട്രാ മുന്നിലെത്തിയത്. ഹൈവേ, ഗതാഗത അടിസ്​ഥാനസൗകര്യം, സേവനരംഗങ്ങളിലെ ദോഹ മെ​േട്രായുടെ മികവിനുള്ള അംഗീകാരമാണ് പുരസ്​കാരം. അന്താരാഷ്​ട്ര പദ്ധതികൾക്കായി സി.ഐ.എച്ച്.ടി കഴിഞ്ഞവർഷമാണ് അവാർഡ് നൽകിത്തുടങ്ങിയത്. മേഖലയിൽ തന്നെ ഗതാഗതമേഖലയിലെ പദ്ധതികൾക്കുള്ള ഉന്നത പുരസ്​കാരം നേടിയ പ്രഥമപദ്ധതി കൂടിയാണ് ദോഹ മെ​േട്രാ. നേരത്തേ ബ്രിട്ടനിലെയും അയർലൻറിലെയും പദ്ധതികൾക്ക് മാത്രമായിരുന്നു സി.ഐ.എച്ച്.ടി പുരസ്​കാരങ്ങൾ നൽകിയിരുന്നത്.

പദ്ധതിയുടെ തുടക്കം മുതൽ നിർമാണം, അതി​​െൻറ നടത്തിപ്പ് വരെയുള്ള രംഗങ്ങളിലെ മികവ് പരിഗണിച്ചാണ് ഖത്തർ റെയിലി​​െൻറ മെ​​േട്രാ പദ്ധതിക്ക് അംഗീകാരം നൽകിയത്. ഖത്തറി​​െൻറ സമഗ്ര പൊതുഗതാഗത സംവിധാനത്തി​െൻറ നട്ടെല്ലാണ് ദോഹ മെ​​േട്രാ പദ്ധതി. പൊതു ഗതാഗതസൗകര്യം ഉപയോഗപ്പെടുത്താൻ പൊതുജനങ്ങളെ േപ്രരിപ്പിക്കുന്നതിലും േപ്രാത്സാഹിപ്പിക്കുന്നതിലും ദോഹ മെ​​േട്രാ പദ്ധതിയുടെ പങ്ക് നിസ്​തുലമാണ്. ദോഹക്കും പരിസര പ്രദേശങ്ങളിലും കുറഞ്ഞ ചെലവിൽ, സുരക്ഷിതമായി സഞ്ചരിക്കാനുള്ള വിപ്ലവകരമായ ചുവടുവെപ്പായാണ് ദോഹ മെ​​േട്രാ അറിയപ്പെടുന്നത്. പദ്ധതി നിർമാണ കാലയളവിൽ ജി.എസ്​.ഐ.എസി​​െൻറ പഞ്ചനക്ഷത്ര പദവിയും ലീഡ് ഗോൾഡ് പുരസ്​കാരങ്ങളും ദോഹ മെ​​േട്രായെ തേടിയെത്തിയിട്ടുണ്ട്.