ഇന്നലെ രോഗികൾ 494, രോഗമുക്​തർ 531

ദോഹ: രാജ്യത്ത്​ വെള്ളിയാഴ്​ച 494 പേർക്ക്​ പുതുതായി കോവിഡ്​ രോഗം സ്​ഥിരീകരിച്ചു. 531 പേർക്ക്​ രോഗം മാറുകയും ചെയ്​തു. നിലവിലുള്ള ആകെ രോഗികൾ 3157 ആണ്​. ഇതുവരെ ​ആകെ 4,30,661 പേർക്ക്​ പരിശോധന നടത്തിയപ്പോൾ 1,05,477 പേർക്കാണ്​ വൈറസ്​ബാധ സ്​ഥിരീകരിച്ചത്​. രോഗം ഭേദമായവരും മരിച്ചവരും ഉൾപ്പെടെയാണിത്​.

വെള്ളിയാഴ്​ച 5803 പേർക്കാണ്​ പരിശോധന നടത്തിയത്​. ആകെ 1,02,168 പേരാണ്​ ഇതുവരെ രോഗമുക്​തി നേടിയിരിക്കുന്നത്​. വെള്ളിയാഴ്​ച ഒരാൾ കൂടി മരിച്ചതോടെ ആകെ മരണം 152 ആയി. ആശുപത്രിയിൽ ചികിൽസയിലുള്ളത്​ 564 പേരാണ്​. ഇതിൽ 45 പേരെ വെള്ളിയാഴ്​ച പ്രവേശിപ്പിച്ചതാണ്​. 135 പേരാണ്​ തീവ്രപരിചരണ വിഭാഗത്തിലുള്ളത്​. ഇതിൽ ഒമ്പതുപേരെ ഇന്നലെ പ്രവേശിപ്പിച്ചതാണ്​. നിലവിലുള്ള രോഗികളിൽ ബാക്കിയുള്ളവർ വിവിധ സമ്പർക്കവിലക്ക്​ കേന്ദ്രങ്ങളിലാണ്​.