ഫലസ്​തീൻ: പിന്തുണ ആവർത്തിച്ച് ഖത്തർ

ദോഹ: ഫലസ്​തീൻ വിഷയത്തിൽ ഖത്തറി​െൻറ നിലപാടിൽ മാറ്റമില്ലെന്നും ഫലസ്​തീൻ ജനതക്കുള്ള പിന്തുണ തുടരുമെന്നും ആവർത്തിച്ച് ഖത്തർ. ഫലസ്​തീൻ നേരിടുന്ന വെല്ലുവിളികളെ ഐക്യത്തോടെ അഭിമുഖീകരിക്കുക, ഇസ്രായേൽ അധിനിവേശം അവസാനിപ്പിക്കുക, 1967ലെ അതിർത്തി പ്രകാരം സ്വതന്ത്ര പരമാധികാര ഫലസ്​തീൻ രാഷ്​ട്രത്തിന് അംഗീകാരം നൽകുക, ഫലസ്​തീൻ ജനതയുടെ എല്ലാ നിയമ അവകാശങ്ങളും പുനഃസ്​ഥാപിക്കുക എന്നീ ആവശ്യങ്ങളും ഖത്തർ ആവർത്തിച്ചു.

ജനീവയിലെ യു.എൻ ഓഫിസിലെ ഖത്തർ സ്​ഥിരം പ്രതിനിധി അംബാസഡർ അലി ഖൽഫാൻ അൽ മൻസൂരിയാണ് നിലപാട് ആവർത്തിച്ചത്. 1967 മുതൽ ഫലസ്​തീനിലെ മനുഷ്യാവകാശ സാഹചര്യങ്ങൾ സംബന്ധിച്ച് യു.എൻ സ്​പെഷൽ റാപ്പോർട്ടറുമായി സംസാരിക്കുകയായിരുന്നു അദ്ദേഹം. അധികാരം ഉപയോഗിച്ച് ഫലസ്​തീനികൾക്ക് നേരെയുള്ള ഇസ്രായേൽ അതിക്രമങ്ങളെ അപലപിച്ച അദ്ദേഹം, ഗസ്സക്കെതിരായ കൂട്ടായ ആക്രമണങ്ങളെയും ഫലസ്​തീനികളുടെ ഭവനങ്ങൾ തകർത്തുള്ള ഇസ്രായേലി​െൻറ കുടിയേറ്റവും കോവിഡ്-19 പ്രതിരോധ പ്രവർത്തനങ്ങൾ തടയുന്നതും പ്രത്യേകം ചൂണ്ടിക്കാട്ടി.

വെസ്​റ്റ് ബാങ്കിലെയും ജോർഡൻ താഴ്വരയിലെയും മറ്റു സ്​ഥലങ്ങളിലെയും കുടിയേറ്റം ഫലസ്​തീൻ ജനതക്ക് നേരെയുള്ള പുതിയ അതിക്രമങ്ങളാണെന്നും അന്താരാഷ്​ട്ര നിയമങ്ങൾക്കും കൺവെൻഷനുകൾക്കും വിരുദ്ധമായ നടപടിയാണെന്നും സമാധാനം പുനഃസ്​ഥാപിക്കുന്നതിനുള്ള ദ്വിരാഷ്​ട്ര സിദ്ധാന്തത്തെ തുരങ്കംവെക്കുന്ന നടപടിയാണെന്നും ഖത്തർ പ്രതിനിധി വ്യക്തമാക്കി. ഇസ്രായേലി​െൻറ നടപടികൾ ഫലസ്​തീനിൽ പ്രശ്നങ്ങൾ സൃഷ്​ടിക്കുന്നതോടൊപ്പം മേഖലയുടെ അരക്ഷിതാവസ്​ഥക്കും കാരണമാകുകയാണെന്നും അദ്ദേഹം പറഞ്ഞു.