ഇന്ത്യയുടെ യോഗ്യത മത്സരത്തിൽ ഇരച്ചെത്തിയത്​ ആയിരങ്ങൾ

ദോ​ഹ: 2022 ലോ​ക​ക​പ്പ് യോഗ്യതാ മത്സരത്തിലെ ഇന്ത്യയുടെ രണ്ടാം അങ്കം 2019 സെപ്​റ്റംബറിൽ ഖത്തറിലായിരുന്നു നടന്നത്​. അതും ഖത്തറിനെതിരെ. അന്ന്​ അൽസദ്ദ്​ സ്​​േറ്റഡിയത്തിൽ ഇരച്ചെത്തിയത്​പതിനായിരക്കണക്കിന്​ ഇന്ത്യൻ ഫുട്​ബാൾ ആരാധകരായിരുന്നു. ഏഷ്യൻചാമ്പ്യൻമാരെന്ന തലക്കനവുമായെത്തിയ ഖത്തറിനെ ഗോൾ രഹിത സമനിലയിൽ ഇന്ത്യ പൂട്ടി. കളിക്കളവും ഗാലറിയും അക്ഷരാർഥത്തിൽ ഇന്ത്യ കൈയടക്കിയ കാഴ്​ചയായിരുന്നു അന്ന്​. ഫിഫയുടെ ഒരു അന്താരാഷ്​ട്ര മത്സരം അടുത്ത ലോകകപ്പ്​ നടക്കുന്ന നാട്ടിൽ​െവച്ചുത​ന്നെ നേരിട്ട്​ കണ്ട ആവേശത്തിലായിരുന്നു​ എല്ലാവരും. ഇന്ത്യൻ കാണികൾക്കായി അനുവദിച്ച ടിക്കറ്റുകൾ എല്ലാം നേരത്തേ തന്നെ അന്ന്​ വിറ്റുതീർന്നിരുന്നു. 

നൂറുകണക്കിനാളുകൾക്ക്​ ടിക്കറ്റ്​ കിട്ടാതെ മടങ്ങേണ്ടിയും വന്നു. ടിക്കറ്റുകൾ സ്വന്തമാക്കാൻ മുന്നിലുണ്ടായിരുന്നത്​ കൂടുതലും മലയാളിക്കൂട്ടമായിരുന്നു. വി.ഐ. പി ​ടി​ക്ക​റ്റി​ന് 50 റി​യാ​ലും മെ​യി​ൻ സ്​​റ്റാ​ൻ​ഡി​ന് എ​തി​ർ ​വ​ശ​ത്തു​ള്ള ഗാ​ല​റി (കാ​റ്റ​ഗ​റി ര​ണ്ട്)​ക്ക് 20 റി​യാ​ലും കാ​റ്റ​ഗ​റി മൂ​ന്ന് (സ്​​റ്റാ​ൻ​ഡി​ന് പി​റ​ക് വ​ശം) 10 റി​യാ​ലു​മാ​യിരുന്നു ടി​ക്ക​റ്റ് നി​ര​ക്ക്. സ്​റ്റേഡിയത്തിൽ നിന്ന്​ കൊടുക്കാവുന്ന എല്ലാ ആവേശപ്രോത്സാഹനങ്ങളും നൽകിയാണ്​ അന്ന്​ ഇന്ത്യക്കാർ സ്വന്തം ടീമിനെ യാത്രയാക്കിയത്​.