ഖത്തറിൽ നിരവധി ഒഴിവുകൾ,​ അധ്യാപകരെ വിളിച്ച്​ വിദ്യാഭ്യാസ മന്ത്രാലയം

ദോഹ: രാജ്യത്തെ സർക്കാർ സ്​കൂളുകളിൽ അധ്യാപകരുടെ നിരവധി ഒഴിവുകൾ. 2020-2021 അധ്യയന വർഷത്തേക്ക്  സർക്കാർ സ്​കൂളുകളിലെ (ൈപ്രമറി, പ്രിപ്പറേറ്ററി, സെക്കൻഡറി തലങ്ങളിൽ) അധ്യാപക ഒഴിവുകൾ സംബന്ധിച്ച്​ വിദ്യാഭ്യാസ-ഉന്നത വിദ്യാഭ്യാസ മന്ത്രാലയമാണ്​ അറിയിപ്പ്​ പുറത്തിറക്കിയത്​.
അറബി അധ്യാപകർ (സ്​ത്രീ/പുരുഷൻ), കോളജ് ഓഫ് എജുക്കേഷൻ, മാത്തമാറ്റിക്സ്​ (സ്​ത്രീ/പുരുഷൻ), കോളജ് ഓഫ്  എജുക്കേഷൻ, സോഷ്യോളജി (പുരുഷന്മാർ), കോളജ് ഓഫ് എജുക്കേഷൻ, കമ്പ്യൂട്ടർ (സ്​ത്രീ/പുരുഷൻ), വിഷ്വൽ ആർട്​സ്​​ (സ്​ത്രീകൾ) എന്നീ തസ്​തികകളിലേക്കാണ് അധ്യാപകരെ നിയമിക്കുന്നത്.സ്​പെഷലൈസ്​ഡ് വിഷയങ്ങളിൽ ഖത്തർ യൂനിവേഴ്സിറ്റിയിൽനിന്നോ ഖത്തറിലെ മറ്റു സർവകലാശാലകളിൽനിന്നോ മികച്ച വിജയം നേടിയ ബിരുദദാരികൾക്കാണ് അപേക്ഷിക്കാൻ അവസരം.

അപേക്ഷകർ 50 വയസ്സിന് മുകളിലാകരുത്, ഖത്തരി ഐഡി ഉള്ളവരാകണം. കമ്പ്യൂട്ടർ പരിജ്ഞാനം  വേണം. പരീക്ഷയിലും ഇൻറർവ്യൂവിലും ജയിക്കണം.മതിയായ യോഗ്യതയുള്ള ഉദ്യോഗാർഥികൾ http://tawtheef.edu.gov.qa/ എന്ന ലിങ്കിലേക്ക് രേഖകളും ബയോ​േഡറ്റയും അയക്കണം. 
അവസരങ്ങൾ പ്രസിദ്ധീകരിച്ച ശേഷമുള്ള രണ്ടാഴ്ചയാണ് അപേക്ഷിക്കാനുള്ള സമയം. അപേക്ഷയോടൊപ്പം പാസ്​പോർട്ട്, ഐഡി കാർഡ്, ബിരുദ സർട്ടിഫിക്കറ്റ്, എജുക്കേഷൻ ഡിപ്ലോമ, പരിചയ സാക്ഷ്യപത്രം എന്നിവയുടെ കോപ്പിയും അയക്കണം.