വന്ദേ ഭാരത് മിഷൻ: പുതുക്കിയ വിമാനങ്ങളുടെ പട്ടികയായി

ദോഹ: വന്ദേ ഭാരത് മിഷന് കീഴിൽ ദോഹയിൽനിന്ന്​ ഇന്ത്യയിലേക്കുള്ള വിമാനങ്ങളുടെ പുതുക്കിയ പട്ടിക ഇന്ത്യൻ  എംബസി പുറത്തുവിട്ടു. പുതിയ പട്ടിക താഴെ: ജൂൺ 16ന് (ഒരു വിമാനം) തിരുവനന്തപുരം, ജൂൺ 18ന് മൂന്ന് വിമാനങ്ങൾ-കോഴിക്കോട്, കൊച്ചി, ഭുവനേശ്വർ (ഡൽഹിയിൽ സ്​റ്റോപ്), ജൂൺ 19ന് മൂന്ന് വിമാനങ്ങൾ - അമൃത്​സർ/ശ്രീനഗർ (പ്രതീക്ഷിക്കുന്നു), തിരുവനന്തപുരം, മംഗളൂർ, ജൂൺ 20ന് മൂന്ന്  വിമാനങ്ങൾ - കൊച്ചി, അഹ്​മദാബാദ്, കൊൽക്കത്ത/ഭുവനേശ്വർ, ജൂൺ 21ന് ഒരു വിമാനം-മധുര, ജൂൺ 23ന് ഒരു വിമാനം- കോയമ്പത്തൂർ, ജൂൺ 24ന് കൊച്ചി, ജൂൺ 26ന് തിരുവനന്തപുരം, ജൂൺ 27ന് തിരുവനന്തപുരം, ജൂൺ 29ന് കണ്ണൂർ, ജൂൺ 30ന് കോഴിക്കോട്. ഇതിൽ 15 വിമാനങ്ങൾ എയർ ഇന്ത്യ എക്സ്​പ്രസ്​ നടത്തും. മൂ​െന്നണ്ണം ഇൻഡിഗോയും ഒന്ന് എയർ ഇന്ത്യയുമായിരിക്കും നടത്തുക. 

വന്ദേഭാരത് മിഷന് പുറമേ, കമ്പനികളും വിവിധ കമ്യൂണിറ്റികളും ചാർട്ടർ ചെയ്ത പ്രത്യേക വിമാനങ്ങളും ഇക്കാലയളവിലുണ്ടാകുമെന്ന് ഇന്ത്യൻ എംബസി വ്യക്തമാക്കി. വിമാനങ്ങളുടെ ദിവസവും സമയവും സംബന്ധിച്ച് കമ്യൂണിറ്റി അസോസിയേഷനുകളുമായി ബന്ധപ്പെടണമെന്ന് ഇന്ത്യൻ എംബസി ഓർമിപ്പിച്ചു.

LATEST VIDEO: