െഗ്രറ്റ സി ഹാൾസ്​ ഖത്തറിലെ അമേരിക്കൻ അംബാസഡർ

ദോഹ: ഖത്തറിലെ പുതിയ അമേരിക്കൻ അംബാസഡർ ആയി െഗ്രറ്റ സി ഹാൾസിനെ നിയമിച്ച് അമേരിക്ക ഉത്തരവിറക്കി. ഖത്തറിൽ അമേരിക്കയുടെ ഔദ്യോഗിക പ്രതിനിധിയും നയതന്ത്ര ചർച്ചകളിൽ എംബസിയെ നയിക്കുന്നതും ഇനി ഇവരാകും. മേയ് 2019 മുതൽ ഖത്തറിൽ സ്​ഥാനമേറ്റെടുക്കുന്നത് വരെ സൗത്ത് ആൻഡ് സെൻട്രൽ ഏഷ്യൻ അഫേഴ്സ്​ ബ്യൂറോ സീനിയർ അഡ്വൈസറായി െഗ്രറ്റ ചുമതല വഹിച്ചിട്ടുണ്ട്.2012 ഡിസംബർ മുതൽ 2015 ഡിസംബർ വരെ ഒമാനിലെ അമേരിക്കൻ അംബാസഡറായും പ്രവർത്തിച്ചു. 2009-2010 കാലയളവിൽ ബാഗ്ദാദിൽ അമേരിക്കൻ എംബസിയിൽ മിനിസ്​റ്റർ കോൺസലർ ഫോർ  െപ്രാവിൻഷ്യൽ അഫേഴ്സ്​, 2010-2012 കാലയളവിൽ നിയർ ഈസ്​റ്റേൺ അഫേഴ്സ്​ ബ്യൂറോയിൽ പബ്ലിക് ഡിപ്ലോമസി ആൻഡ് സ്​ട്രാറ്റജിക് കമ്യൂണിക്കേഷൻ ഡെപ്യൂട്ടി അസി. സെക്രട്ടറി എന്നീ പദവികളും വഹിച്ചു.

ഇതിന് പുറമെ, സൗദി അറേബ്യ, യമൻ, തുനീഷ്യ, സിറിയ, തുർക്കി എന്നിവിടങ്ങളിലും നയതന്ത്രമേഖലയിൽ ഇവർ ജോലി  ചെയ്​തു. വാൻഡർ ബിൽറ്റ് സർവകലാശാലയിൽനിന്ന് രാഷ്​ട്രമീമാംസയിൽ ബിരുദം നേടിയ െഗ്രറ്റ, ക​െൻറകി സർവകലാശാലയിൽനിന്ന് ഇൻറർനാഷനൽ റിലേഷൻസിൽ ബിരുദാനന്തര ബിരുദവും നേടി. നാഷനൽ വാർ കോളജിൽനിന്ന് ദേശീയ  സുരക്ഷാ വിഭാഗത്തിലും ഇവർ ബിരുദാനന്തര ബിരുദം നേടി. 1985ലാണ് വിദേശകാര്യ വകുപ്പിൽ  സേവനമനുഷ്ഠിച്ച് തുടങ്ങിയത്.