1956 പേർക്കുകൂടി രോഗം ഭേദമായി, 1828 പേർക്ക്​ രോഗം

ദോഹ: ഖത്തറിൽ ശനിയാഴ്​ച 1828 പേർക്ക്​ കൂടി പുതുതായി കോവിഡ്​ സ്​ഥിരീകരിച്ചു. 1956 പേർക്കുകൂടി രോഗം ഭേദമായി. ഇതോടെ ആകെ രോഗം ഭേദമായവർ 55252 ആയി. ആകെ 286830 പേർക്ക്​ പരിശോധന നടത്തിയപ്പോൾ 78416 പേർക്കാണ്​ ഇതുവരെ വൈറസ്​ ബാധ സ്​ഥിരീകരിച്ചത്​. രോഗം ഭേദമായവരും മരിച്ചവരും ഉൾപ്പെടെയാണിത്​. നിലവിലുള്ള രോഗികൾ 23094 ആണ്​.

ശനിയാഴ്​ച ആരും മരിച്ചിട്ടില്ല. ഇതുവരെ മരിച്ചവർ 70​. നിലവിൽ ആശുപത്രിയിൽ ചികിൽസയിലുള്ളവർ 1243 ആണ്​. 138 പേരെ കഴിഞ്ഞ 24 മണിക്കൂറിനുള്ളിൽ പ്രവേശിപ്പിച്ചതാണ്​. നിലവിൽ തീവ്രപരിചാരണ വിഭാഗത്തിൽ കഴിയുന്നത്​ 232പേരാണ്​. ഇതിൽ 13 പേരെ ഇന്നലെ പ്രവേശിപ്പിച്ചതാണ്​. നിലവിലുള്ള രോഗികളിൽ ബാക്കിയുള്ളവർ വിവിധ സമ്പർക്കവിലക്ക്​ കേന്ദ്രങ്ങളിലാണ്​.