പാർപ്പിട മേഖലകളിലെ  ട്രക്ക് പാർക്കിംഗിനെതിരെ നടപടി

ദോഹ: രാജ്യത്ത് പാർപ്പിട മേഖലകളിലെ ട്രക്ക് പാർക്കിംഗിനെതിരെ പരിശോധന ശക്തമാക്കി മുനിസിപ്പാലിറ്റി പരിസ്​ഥിതി മന്ത്രാലയം. ഇതി​െൻറ ഭാഗമായി അൽഖോർ ദഖീറ മുനിസിപ്പാലിറ്റിയിൽ ഗതാഗത ജനറൽ ഡയറക്ടറേറ്റുമായി സഹകരിച്ച് നടത്തിയ പരിശോധനയിൽ നിരവധി നിയമലംഘനങ്ങൾ കണ്ടെത്തിയതായി മുനിസിപ്പാലിറ്റി പരിസ്​ഥിതി മന്ത്രാലയം അറിയിച്ചു.

പാർപ്പിട മേഖലകളിൽ ട്രക്കുകൾ പാർക്ക് ചെയ്യുന്ന പ്രവണത അവസാനിപ്പിക്കും വരെ പരിശോധന തുടരുമെന്ന് മുന്നറിയിപ്പ് നൽകിയ മന്ത്രാലയം, പാർപ്പിട മേഖലകളിൽ ട്രക്ക് പാർക്കിംഗ് കണ്ടെത്തിയാൽ184 ഹോട്ട്ലൈനിൽ മന്ത്രാലയവുമായി ബന്ധപ്പെടണമെന്ന് പൊതുജനങ്ങളോടാവശ്യപ്പെടുകയും ചെയ്തു.