ഒറ്റദിവസത്തിൽ 254 പേർക്കുകൂടി രോഗമുക്​തി; ആകെ രോഗമുക്​തർ 2753

ദോഹ: രാജ്യത്ത്​ കോവിഡ്​ രോഗം സുഖപ്പെടുന്നവരുടെ എണ്ണം ദിനേന കൂടി വരുന്നു. ശനിയാഴ്​ച മാത്രം 254 പേർക്കുകൂടി രോഗമുക്​തിയുണ്ടായിട്ടുണ്ട്​. ഇതോടെ ആകെ രോഗമുക്​തർ 2753 ആയി. കോവിഡ്​ രോഗം ബാധിച്ച്​ ചികിൽസയിലായിരുന്ന ഒരാൾ കൂടി മരിച്ചതോടെ ആകെ മരണം 14 ആയി. 54വയസുകാരനായ പ്രവാസിയാണ്​ മരിച്ചത്​. തീവ്രപരിചരണവിഭാഗത്തിൽ ചികിൽസയിലായിരുന്ന ഇദ്ദേഹത്തിന്​ മറ്റ്​ ദീർഘകാല അസുഖങ്ങളുമുണ്ടായിരുന്നു. മുമ്പ്​ ഒരു സ്വദേശിയും 12 പ്രവാസികളും മരിച്ചിരുന്നു. ഞായറാഴ്​ച 1189 പേർക്കുകൂടി പുതുതായി കോവിഡ്​ രോഗം സ്​ഥിരീകരിച്ചിട്ടുണ്ട്​.

254 പേർക്കുകൂടി രോഗമുക്​തിയുണ്ടായി. ആകെ രോഗം ഭേദമായവർ 2753 ആയിട്ടുണ്ട്​. ആകെ 127769 പേർക്ക്​ പരിശോധന നടത്തിയപ്പോൾ 22520 പേർക്കാണ്​ വൈറസ്​ബാധ സ്​ഥിരീകരിച്ചത്​. രോഗം ഭേദമായവരും മരിച്ചവരും ഉൾപ്പെടെയാണിത്​. രാജ്യത്തെ പ്രവാസി തൊഴിലാളികളിലാണ്​ നിലവിൽ കൂടുതലായി രോഗം സ്​ഥിരീകരിക്കുന്നത്​. നേരത്തെ രോഗം ബാധിച്ചവരുമായുള്ള സമ്പർക്കത്തിലൂടെയാണ് ഇവർക്ക്​ രോഗബാധയുണ്ടാകുന്നത്​. കുടുംബാംഗങ്ങളുമായി സമ്പർക്കം പുലർത്തിയത് വഴിയാണ്​ സ്വദേശികൾക്ക്​ കൂടുതലും രോഗബാധയുണ്ടാവുന്നത്​. പുതിയ രോഗികളെയെല്ലാം സമ്പർക്ക വിലക്ക് കേന്ദ്രങ്ങളിലേക്ക് മാറ്റിയിട്ടുണ്ട്​.

അനിവാര്യമായ കാരണങ്ങളില്ലാതെ ആരും പുറത്തിറങ്ങരുതെന്നും വീടുകളിൽ തന്നെ സുരക്ഷിതമായി കഴിയണമെന്നും പുറത്തിറങ്ങുന്നവർ മതിയായ സുരക്ഷാ മുൻകരുതലുകൾ പാലിക്കണമെന്നും മാസ്​ക് ധരിക്കണമെന്നും സന്ദർശനങ്ങൾ ഒഴിവാക്കണമെന്നും മന്ത്രാലയം പൊതുജനങ്ങളോടാവശ്യപ്പെട്ടു. രോഗബാധയുമായി ബന്ധപ്പെട്ട് മന്ത്രാലയം നടത്തുന്ന േട്രസിംഗും ട്രാക്കിംഗുമാണ് രോഗികളുടെ എണ്ണത്തിൽ വർധനവി​െൻറ പ്രധാന കാരണം. രോഗികളുമായി സമ്പർക്കം പുലർത്തിയവരെന്ന് സ്​ഥിരീകരിക്കപ്പെട്ടവരിലും വിവിധ സ്​ഥലങ്ങളിലായി ആളുകളിൽ ക്രമരഹിതമായും മന്ത്രാലയം പരിശോധന നടത്തിവരികയാണ്​.