എജ്യുക്കേഷൻ എബൗവ് ഓൾ ഫൗണ്ടേഷന് ലുലുവിെൻറ 4 മില്യൻ ഡോളർ സഹായം

ദോഹ: ലോകത്തി​െൻറ വിവിധ ഭാഗങ്ങളിൽ വിദ്യാഭ്യാസം നിഷേധിക്കപ്പെട്ടവർക്ക് ഗുണമേന്മയുള്ള വിദ്യാഭ്യാസം നൽകുന്നതിനായി പ്രവർത്തിക്കുന്ന എജ്യുക്കേഷൻ എബൗവ് ഓൾ ഫൗണ്ടേഷന് ലുലു ഹൈപ്പർമാർക്കറ്റ് ഖത്തറി​െൻറ നാല് മില്യൻ ഡോളർ സഹായം. 2017 മുതൽ പ്രതിവർഷം ഒരു മില്യൻ ഡോളറാണ് ഈയിനത്തിൽ ഫൗണ്ടേഷന് ലുലു നൽകുന്നത്. എജ്യുക്കേറ്റ് എ ചൈൽഡ് പദ്ധതികൾക്കായും ലുലു ഹൈപ്പർമാർക്കറ്റ് ഇതിൽ നിന്നും ധനസഹായം നൽകുന്നുണ്ട്. അരികുവൽകരിക്കപ്പെട്ടവരും വിദ്യാഭ്യാസം നിഷേധിക്കപ്പെട്ടവരുമായ കുട്ടികൾക്ക് ഗുണമേന്മയുള്ള വിദ്യാഭ്യാസം ലഭ്യമാക്കുകയാണ് ഇതിലൂടെ ലക്ഷ്യം വെക്കുന്നത്.

എജ്യുക്കേഷൻ എബൗവ് ഓൾ ഫൗണ്ടേഷ​​െൻറ പങ്കാളികളായി അവർക്ക് പിന്തുണ നൽകാൻ സാധിച്ചതിൽ അഭിമാനിക്കുന്നുവെന്നും സന്തോഷിക്കുന്നുവെന്നും ലുലു ഹൈപ്പർമാർക്കറ്റ് ഡയറക്ടർ ഡോ. മുഹമ്മദ് അൽത്താഫ് പറഞ്ഞു. സിറിയ, സോമാലിയ, ഇറാഖ് തുടങ്ങിയ രാജ്യങ്ങളിലെ വിദ്യാഭ്യാസം ലഭിക്കാത്ത മൂന്നര ലക്ഷം വരുന്ന കുട്ടികൾക്ക് മികച്ച വിദ്യാഭ്യാസം നൽകുന്നതിൽ എജ്യുക്കേറ്റ് എ ചൈൽഡ് ഫൗണ്ടേഷൻെറ പ്രവർത്തനം ഏറെ പ്രധാനപ്പെട്ടതാണ്.

ലുലു ഹൈപ്പർമാർക്കറ്റ് ഖത്തറി​െൻറ പിന്തുണക്ക് നന്ദി അറിയിക്കുകയാണെന്നും മികച്ച വിദ്യാഭ്യാസത്തിന് പുറമേ, ദാരിദ്യ്രം, അടിസ്​ഥാന സൗകര്യം, സാംസ്​കാരിക പ്രശ്നങ്ങൾ, സംഘർഷം തുടങ്ങിയ പ്രതിബന്ധങ്ങളിൽ നിന്നെല്ലാം മറികടക്കാൻ കുട്ടികൾക്ക് ഈ ധനസഹായം ഉപകരിക്കുമെന്നും ഇ.എ.എ സീനിയർ എജ്യുക്കേഷൻ സ്​പെഷ്യലിസ്​റ്റ് ലീന അൽ ദിർഹം പറഞ്ഞു. 50ലധികം രാജ്യങ്ങളിൽ ഇ.എ.എ ഫൗണ്ടേഷ​​െൻറ പ്രവർത്തനം വ്യാപിച്ച് കിടക്കുന്നുണ്ടെന്നും ദശലക്ഷക്കണക്കിന് വിദ്യാർഥികൾക്ക് മികച്ച വിദ്യാഭ്യാസം നൽകാൻ ഫൗണ്ടേഷന് സാധിച്ചുവെന്നും അവർ കൂട്ടിച്ചേർത്തു.