വിമാനം റദ്ദാക്കൽ:  ദുരിതം തിന്ന്​ ഗർഭിണികളടക്കം യാത്രക്കാർ

ദോഹ: ഖത്തറിൽ നിന്ന്​ ഞായറാഴ്​ച വൈകീട്ട്​ 3.15ന്​ ​തിരുവനന്തപുരത്തേക്ക്​ പുറപ്പെടേണ്ടിയിരുന്ന വിമാനം റദ്ദാക്കിയത്​ അധികൃതരുടെ അനാസ്​ഥമൂലം. ഖത്തറിൽ നിന്നുള്ള രണ്ടാമത്തെ എയർഇന്ത്യ വിമാനമാണ്​ ദോഹ വിമാനത്താവളത്തിൽ ഇറങ്ങാനുള്ള അനുമതി ലഭിക്കാത്തതിനാൽ റദ്ദാക്കേണ്ടി വന്നത്​. കരിപ്പൂർ വിമാനത്താവളത്തിലുണ്ടായിരുന്ന വിമാനമാണ്​ ദോഹയിൽ എത്തേണ്ടിയിരുന്നത്​. എന്നാൽ ദോഹ ഹമദ്​ അന്താരാഷ്​ട്ര വിമാനത്താവളത്തിൽ ഇറങ്ങാനുള്ള അനുമതി വിമാനത്തിന്​ ലഭിച്ചില്ല. അവസാനനിമിഷം വിമാനം റദ്ദാക്കി എന്ന വിവരമാണ്​ യാത്രക്കാർക്ക്​ ലഭിച്ചത്​. കോവിഡ്​ പശ്ചാത്തലത്തിൽ ഖത്തറിൽ നിന്ന്​ മടങ്ങാനാഗ്രഹിക്കുന്ന 85 പുരുഷൻമാരും ഗർഭിണികളടക്കം 96 സ്​ത്രീകളടക്കമുള്ള 181 യാത്രക്കാരാണ്​ പോകേണ്ടിയിരുന്നത്​. 

ഇതിൽ 20 കുട്ടികളുമുണ്ടായിരുന്നു. ഖത്തറിൽ നിന്ന്​ ശനിയാഴ്​ച കൊച്ചിയിലേക്ക്​ പോയ ആദ്യവിമാനത്തിലുണ്ടായിരുന്നവരെ യാത്രയയക്കാൻ ഇന്ത്യൻ എംബസി അധികൃതർ വിമാനത്താവളത്തിൽ എത്തിയിരുന്നു. എംബസി വഴി രജിസ്​റ്റർ ചെയ്​തവരിൽ നിന്ന്​ തെരഞ്ഞെടുക്ക​െപ്പട്ടവർക്കാണ്​ യാത്രക്ക്​ അവസരമുണ്ടായിരുന്നത്​. എന്നിട്ടും ഞായറാഴ്​ച യാത്രക്കാർക്ക്​ വിവരങ്ങൾ നൽകാനോ സഹായത്തിനോ എംബസിയിൽ നിന്നുള്ള ഒരാളും എത്തിയിരുന്നില്ല. മണിക്കൂറുകൾക്കുമുമ്പുതന്നെ എത്തിയ യാത്രക്കാർക്ക്​ വിമാനം കരിപ്പൂരിൽ നിന്ന്​ എത്തിയിട്ടില്ലെന്ന വിവരം വിമാനത്താവള അധികൃതരാണ്​ നൽകിയത്​. ഇറങ്ങാനുള്ള അനുമതി ലഭിക്കാത്തതായിരുന്നു കാരണം. എന്നാൽ എന്തുകൊണ്ടാണ്​ ഇതെന്ന്​ മറുപടി പറയാൻപോലും എംബസി അധികൃതർ തയാറായില്ലെന്ന്​ യാത്രക്കാർക്ക്​ പരാതിയുണ്ട്​.

അനിശ്​ചതത്വം തുടർന്നതോടെ ദീർഘനേരം ഇരിക്കാനാകാതെ ഗർഭിണികളടക്കമുള്ളവർ ഏറെ ദുരിതത്തിലായി. ഡോക്​ടർമാരു​െട നിർദേശപ്രകാരം ഞായറാഴ്​ച തന്നെ യാത്ര ചെയ്യേണ്ടിയിരുന്നവരാണ്​​ മിക്കഗർഭിണികളും. ഇവർക്ക്​ അടുത്ത ദിവസം യാത്ര ചെയ്യണമെങ്കിൽ വീണ്ടും ഡോക്​ടർമാരെ കണ്ട്​ നിർദേശം വാങ്ങേണ്ട സ്​ഥിതിയാണ്​. ജോലി നഷ്​ടപ്പെട്ടവരടക്കം  ദോഹയിലുള്ള താമസസ്​ഥലങ്ങൾ ഒഴിവാക്കിയാണ്​ യാത്രക്കൊരുങ്ങിയത്​. ഇവരടക്കം അടുത്ത യാത്രാദിവസം വരുന്നതുവരെ താമസസ്​ഥലമില്ലാതെ പ്രയാസപ്പെടും. യാത്രമുടങ്ങിയവരിൽ അർഹർക്ക്​ എംബസിയുടെ അനുബന്ധ സംഘടനയായ ഇന്ത്യൻ കമ്മ്യൂണിറ്റി ബെനവലൻറ്​ ഫോറം (ഐ.സി.ബി.എഫ്) ഐ.സി.ബി.എഫ്​ താമസസൗകര്യമൊരുക്കി.

തിരുവനന്തപുരത്തേക്ക്​ ചൊവ്വാഴ്​ച പകരം വിമാനമുണ്ടാകുമെന്ന്​ സൂചനയുണ്ട്​. കരിപ്പൂർ വിമാനത്താവളം അധികൃതർ, ഹമദ്​ വിമാനത്താവളം അധികൃതർ എന്നിവരുമായി യാത്രക്കാർ ബന്ധപ്പെടു​ കയായിരുന്നു. അപ്പോൾ മാത്രമാണ്​ വിമാനത്തിന്​ ​േദാഹയിൽ ഇറങ്ങാനുള്ള അനുമതി ലഭിക്കുന്നതുമായി ബന്ധപ്പെട്ട പ്രശ്​നമാണ് കാരണമെന്ന്​ അറിയുന്നത്​. മണിക്കൂറുകൾക്ക്​ മു​േമ്പ എത്തിയ യാത്രക്കാർക്ക്​ ഇന്ത്യൻ എംബസി അധികൃതർ വിവരങ്ങൾ നൽകിയില്ല. ഏറെ വൈകി എംബസിയുടെ അനുബന്ധ സംഘടനയായ ഇന്ത്യൻകൾച്ചറൽ സ​െൻറർ (ഐ.സി.സി) ആണ്​ യാത്രക്കാർക്ക്​ ഇമെയിൽ വഴി വിമാനം റദ്ദാക്കിയ വിവരം അറിയിക്കുന്നത്​. ദൗർഭാഗ്യകരമായ കാരണങ്ങളാൽ വിമാനം റദ്ദായെന്നും അടുത്ത ഷെഡ്യൂൾ പിന്നീട്​ അറിയിക്കുമെന്നുമാണ്​ ഈ അറിയിപ്പിൽ ഉള്ളത്​.