റാസ്​ ലഫാൻ, മിസൈദ് ആശുപത്രികളും സജ്ജമെന്ന്​ ആരോഗ്യമന്ത്രി

കോവിഡ്–19 രോഗികളെ ചികിത്സിക്കുന്നതിനുള്ള രാജ്യത്തി​െൻറ ശേഷി വർധി​ച്ചെന്ന്​ മന്ത്രി
ദോഹ: പുതുതായി ആരംഭ ിച്ച റാസ്​ ലഫാൻ, മിസൈദ് ആശുപത്രികളിലും ചികിത്സക്കുള്ള സംവിധാനങ്ങൾ സജ്ജമായതോടെ കോവിഡ്–19 രോഗികളെ ചികിത്സിക ്കുന്നതിനുള്ള രാജ്യത്തി​െൻറ ശേഷി വർധിച്ചതായി പൊതുജനാരോഗ്യ മന്ത്രി ഡോ. ഹനാൻ മുഹമ്മദ് അൽ കുവാരി. ആവശ്യം വരിക യാണെങ്കിൽ ഇനിയും ആരോഗ്യമേഖല വികസിപ്പിക്കാൻ രാജ്യം പ്രതിജ്ഞാബദ്ധമാണ്​.
കോവിഡ്–19 രോഗികളുടെ ചികിത്സ ഉറപ് പാക്കുന്നതി​െൻറ ഭാഗമായി റാസ്​ ലഫാനിലും മിസൈദിലും രണ്ട് ആശുപത്രികൾ സർക്കാർ തുറന്ന്​ പ്രവർത്തനമാരംഭിച്ചിരുന്നു.

ഇതോടെ ഹസം മിബൈരീക് ജനറൽ ആശുപത്രി, ക്യൂബൻ ആശുപത്രി, സി.ഡി. സി എന്നിവയോടൊപ്പം കോവിഡ്–19 ചികിത്സാ സൗകര്യങ്ങളുള്ള ആശുപത്രികളുടെ കൂട്ടത്തിൽ ഇവയും ഉൾപ്പെടും.കോവിഡ്–19 ചികിത്സക്കായി രണ്ട് ആശുപത്രികളിലുമായി 400 അക്യൂട്ട് ബെഡുകളാണ് തയ്യാറാക്കിയിരിക്കുന്നത്​. ആവശ്യപ്പെടുകയാണെങ്കിൽ കൂടുൽ വികസിപ്പിക്കാനും ഒരുക്കമാണെന്നും ഡോ. അൽ കുവാരി ആവർത്തിച്ചു. രാജ്യത്തെ രോഗികൾക്ക് കൃത്യസമയത്ത് മികച്ച ചികിത്സ ഉറപ്പാക്കുകയാണ് ലക്ഷ്യം.

കോവിഡ്– 19നെതിരായ രാജ്യത്തി​െൻറ പോരാട്ടങ്ങളുടെ ഭാഗമാണ് പുതിയ ആശുപത്രികൾ പ്രവർത്തനമാരംഭിച്ചത്​. കൂടാതെ ജനങ്ങൾക്കിടയിലെ ബോധവൽകരണം, നിരന്തരമായ പരിശോധന, വൈറസ്​ ബാധയുടെ ഉറവിടം തേടൽ എന്നിവയും ഊർജിതമായി തുടരുന്നുണ്ട്​. ചികിത്സാ രംഗത്ത് രാജ്യത്തിനാവശ്യമായ ആരോഗ്യ സംവിധാനങ്ങൾ നിലവിൽ സജ്ജമാണ്. അത്യാധുനിക ചികിത്സയും ആരോഗ്യ പരിരക്ഷയുമാണ് ഖത്തറിൽ കോവിഡ്–19 രോഗികൾക്ക് ലഭിക്കുന്നത്​. പൊതുജനങ്ങളുടെ സഹകരണം രോഗം പടരാതിരിക്കാൻ അനിവാര്യമാണെന്നും മന്ത്രി പറഞ്ഞു.

സാമൂഹിക അകലം പാലിക്കുന്നതുൾപ്പെടെ വൈറസ്​ വ്യാപനം തടയുന്നതിനുള്ള മുൻകരുതൽ നടപടികളും നിർദേശങ്ങളും എല്ലാവരും പാലിക്കണം. റാസ്​ ലഫാനിലെ പുതിയ ആശുപത്രിയും റുവൈസിലെ ഹെൽത്ത് സ​െൻററും പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിൻ ഖലീഫ ബിൻ അബ്​ദുൽ അസീസ്​ ആൽഥാനി കഴിഞ്ഞ ദിവസം ഉദ്ഘാടനം ചെയ്തിരുന്നു. 400 ബെഡുകളോടെ അത്യാധുനിക സംവിധാനങ്ങളുമായാണ് റാസ്​ ലഫാൻ ആശുപത്രി ഉദ്ഘാടനം ചെയ്തിരിക്കുന്നത്. റുവൈസ്​ ഹെൽത്ത് സ​െൻററിൽ അടിയന്തര സേവന വിഭാഗവും ആധുനിക ലാബ് സംവിധാനങ്ങളും സജ്ജീകരിച്ചിട്ടുണ്ട്.