Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightകോവിഡ്​ കാലത്തും...

കോവിഡ്​ കാലത്തും ‘കുഞ്ഞിമൂസ’യുടെ ലോകസഞ്ചാരം

text_fields
bookmark_border
കോവിഡ്​ കാലത്തും ‘കുഞ്ഞിമൂസ’യുടെ ലോകസഞ്ചാരം
cancel

ഈ കോവിഡ്​ കാലത്തും കുഞ്ഞിമൂസ വീട്ടിൽ അടങ്ങിയൊതുങ്ങിയിരിക്കുന്നി​െല്ലന്ന പരാതി നാട്ടാർക്കുണ്ട്​. വീട്ടില ും തൊടിയിലും തെങ്ങിൻചുവട്ടിലുമിരുന്ന്​ ലോകസഞ്ചാരം നടത്തുകയാണയാൾ. കുഞ്ഞിമൂസയുടെ കൂർത്തമുനയുള്ള ആക്ഷേപഹാസ ്യത്തിൽ അങ്ങ്​ അമേരിക്കയുടെ ട്രംപ്​ മുതൽ നാട്ടിലെ രാഷ്​ട്രീയക്കാരടക്കമുള്ളവർ ചൂളുന്നു, ചിരിക്കുന്നു. ഇതിനകം സമൂഹമാധ്യമങ്ങളിൽ ഏറെ ശ്രദ്ധനേടിയ സാമൂഹിക രാഷ്​ട്രീയ ആക്ഷേപഹാസ്യ ചിത്രീകരണമാണ്​ ‘കുഞ്ഞിമൂസ’.

ഖത്തർ പ്രവാസികളായ ഉസ്മാൻ മാരാത്തും അഡ്വ. സക്കരിയ വാവാടുമാണ് പിന്നിൽ. Facebook/കുഞ്ഞിമൂസ എന്ന അക്കൗണ്ടിൽ മൂന്നുമിനുട്ട്​​ വരെ ദൈർഘ്യമുള്ള വീഡിയോകളാണ്​ ചെയ്യുന്നത്​. സി.എ.എ വിരുദ്ധ സമരകാലത്ത് ഉസ്മാൻ മാരാത്ത് എഴുതി സംവിധാനം ചെയ്ത ‘ഞാൻ കുഞ്ഞിമൂസ’ എന്ന ആവിഷ്കാരത്തിൽ തന്മയത്വമാർന്ന നാടൻ ശൈലിയിൽ ‘കുഞ്ഞിമൂസ’ എന്ന കഥാപാത്രത്തെ അവതരിപ്പിച്ചത് സക്കരിയ ആയിരുന്നു.

പച്ച ബെൽറ്റും തൊപ്പിയും കള്ളി മുണ്ടുമാണ്​ മൂപ്പരുടെ വേഷം. ദോഹയിലെ രണ്ടു വേദികളിൽ അവതരിപ്പിച്ച ആവിഷ്കാരം പിന്നീട്​ ചെറുവീഡിയോ രൂപത്തിലേക്ക് മാറുകയായിരുന്നു. മീഡിയ വൺ, ഏഷ്യാനെറ്റ് ന്യൂസ്​ ചാനലുകളെ കേന്ദ്ര സർക്കാർ നിരോധിച്ച പശ്​ചാത്തലത്തിലായിരുന്നു അത്​. ഇതോടെ സംഗതി വൈറലായി. കോവിഡ് ഭീഷണി മൂലം നാട്ടിലേക്കുള്ള വിമാന സർവീസുകൾ നിർത്തുന്നതിനു തൊട്ടു മുമ്പാണ്​ സക്കരിയ നാട്ടിലെത്തുന്നത്​. വീട്ടിൽ സമ്പർക്കവിലക്കിൽ കഴിഞ്ഞ സമയം കൂടുതൽ ഉപയോഗപ്പെടുത്തുകയായിരുന്നു.

സർക്കാറിൻെറ ‘സ്റ്റേ ഹോം’ കാമ്പയിന്​ പിന്തുണയുമായി വന്ന വീഡിയോകൾ ഏറെ ശ്രദ്ധ നേടി. ഡോണൾഡ് ട്രംപുമായുള്ള കുഞ്ഞിമൂസയുടെ ടെലിഫോൺ സംഭാഷണം, മുഖ്യമന്ത്രിയുടെ വാർത്താ സമ്മേളനം നിർത്തിയതുമായി ബന്ധപ്പെട്ട അവതരണം എന്നിവ കഴിഞ്ഞ ദിവസങ്ങളിൽ ഹിറ്റായിരുന്നു. സക്കരിയ കാമറക്കുമുന്നിൽ കോഴിക്കോ​ട്ടെ കൊടുവള്ളിയിലുണ്ട്​. ഉസ്മാൻ കാമറക്ക്​ പിന്നിൽ ഖത്തറിലും. അങ്ങിനെ ‘കുഞ്ഞിമൂസ’ ലോകസഞ്ചാരം തുടരുകയാണ്​.

Show Full Article
TAGS:qatar qatar news gulf news 
Web Title - qatar, qatar news, gulf news
Next Story