Top
Begin typing your search above and press return to search.
keyboard_arrow_down
Login
exit_to_app
exit_to_app
സമ്പർക്കവിലക്കിന്​ പുറത്തുള്ളവരിലെ രോഗബാധ കൂടി
cancel

ദോഹ: ഖത്തറിൽ സമ്പർക്കവിലക്കിന്​ പുറത്തുള്ളവരിൽ കോവിഡ്​ രോഗം സ്​ഥിരീകരിക്കുന്നത്​ കൂടുന്നു. കഴിഞ്ഞ ദിവസങ ്ങളിൽ നിന്ന്​ വ്യത്യസ്​തമായ സ്​ഥിവിശേഷമാണിത്​. മറ്റ്​ വിദേശരാജ്യങ്ങളിൽ നിന്ന്​ ഖത്തറിൽ മടങ്ങിയെത്തിയവർ, രോ ബാധിതരുമായി അടുത്തിടപഴകിയവർ തുടങ്ങിയ ആളുകളെ നിലവിൽ സമ്പർക്കവിലക്കിലാക്കിയിരിക്കുകയാണ്​.

ഇവർക്ക്​ മറ്റ ുള്ളവരുമായി യാതൊരുതരത്തിലും ബന്ധമില്ല. ഇത്തരത്തിൽ സമ്പർക്കവിലക്കിൽ കഴിയുന്നവരിലായിരുന്നു രാജ്യത്ത്​ കോവിഡ്​ ബാധ കൂടുതലും ഉണ്ടായിരുന്നത്​. എന്നാൽ ഇതിന്​ പുറത്ത്​ കോവിഡ്–19 രോഗം സ്​ഥിരീകരിച്ചവരുടെ എണ്ണം 26 ശതമാനമായിട്ടുണ്ട്​. കഴിഞ്ഞ ദിവസങ്ങളിൽ ഇത് 16 ശതമാനം മാത്രമായിരുന്നു. ദുരന്തനിവാരണ ഉന്നതാധികാര സമിതി വക്താവും വിദേശകാര്യ സഹമന്ത്രിയുമായ ലുൽവ ബിൻത് റാഷിദ് അൽ ഖാതിറാണ്​ വാർത്താസമ്മേളനത്തിൽ ഇക്കാര്യം വെളിപ്പെടുത്തിയത്​.

രാജ്യത്തെ ആകെ രോഗബാധിതരിൽ രണ്ട് ശതമാനം കേസുകളുടെ അവസ്​ഥ ഇതുവരെ വ്യക്തമായിട്ടില്ലെന്നും ഇത് സംബന്ധിച്ച് ഉടൻ തന്നെ വിവരം അറിയിക്കുമെന്നും അവർ പറഞ്ഞു.രാജ്യത്ത് രോഗികളുടെ എണ്ണം ഏറിയത്​ പരിശോധനയിലുണ്ടായ വർധനവ് മൂലമാണ്​. ഇതൊരു അനുകൂല ഘടകമാണ്​. മുൻകരുതൽ സ്വീകരിക്കുന്നതിലും സാമൂഹിക അകലം പാലിക്കുന്നതിലും സമൂഹത്തിലുണ്ടായ അലംഭാവം രോഗം പടരുന്നതിന് കാരണമായിട്ടുണ്ടെന്നും അവർ സൂചിപ്പിച്ചു.

ഖത്തറിൽ മരണമടഞ്ഞ ആറ് പേരിൽ രണ്ട് പേർക്ക്​ പ്രായാധിക്യവും മാറാരോഗവും ഉണ്ടായിരുന്നു. മറ്റു നാല് പേർ മരണമടഞ്ഞത് കോവിഡ്–19 ബാധിച്ചാണ്​.അതേസമയം, കോവിഡ്–19 സ്​ഥിരീകരിച്ച 90 ശതമാനം കേസുകളിലും ഭയപ്പെടേണ്ട സാഹചര്യമല്ല നിലവിലുള്ളത്​. രോഗ മുക്തി നേടുന്നത് വർധിച്ചുവരുന്നത് ആശാവഹമാണ്​. കേവലം രണ്ട് ശതമാനം കേസുകൾ മാത്രമാണ് ഗുരുതരാവസ്​ഥയിലുള്ളത്​. 37 രോഗികൾ ഇപ്പോഴും തീവ്ര പരിചരണ വിഭാഗത്തിൽ തന്നെയാണ്​. 20 രോഗികൾ തീവ്ര പരിചരണ വിഭാഗത്തിൽ നിന്നും പുറത്തുവന്നതായും ചൂണ്ടിക്കാട്ടി. രോഗബാധിതരിൽ 84 ശതമാനവും പുരുഷൻമാരാണ്​. 14 ശതമാനം മാത്രമാണ് സ്​തീകൾ. രോഗ മുക്തി നേടിയവരിൽ 77 ശതമാനവും പുരുഷൻമാരും 22 ശതമാനം സ്​ത്രീകളുമാണ്​. രോഗമുക്തി നേടിയവരിൽ 37 ശതമാനവും 25നും 34നും വയസ്സിനിടയിലുള്ളവരാണ്​.

Show Full Article
TAGS:qatar qatar news gulf news 
Web Title - qatar-qatar news-gulf news
Next Story