ഇൻഡസ്​ട്രിയൽ ഏരിയ സീവേജ് പദ്ധതി: അശ്ഗാൽ പിന്നിട്ടത് ദശലക്ഷം അപകട രഹിത മണിക്കൂറുകൾ

ദോഹ: ഇൻഡസ്​ട്രിയൽ ഏരിയയിലെ സീവേജ് ട്രീറ്റ്മ​െൻറ് വർക്സ്​ ഡിസൈൻ ആൻഡ് ബിൽഡ് െപ്രാജക്ടിൽ പൊതുമരാമത്ത് വകുപ്പ ് അശ്ഗാൽ പിന്നിട്ടത് ഒരു ദശലക്ഷത്തിലധികം അപകട രഹിത തൊഴിൽ മണിക്കൂറുകൾ. നേട്ടത്തിൽ അശ്ഗാൽ ൈഡ്രനേജ് നെറ്റ്​വർക ്ക് െപ്രാജക്ട് വകുപ്പ് മാനേജർ എഞ്ചി. ഖാലിദ് സൈഫ് അൽ ഖയാറീൻ പദ്ധതി കരാറുകാരായ എൽ ആൻഡ് ടി ലിമിറ്റഡിനെ ആദരിച്ചു.

െപ്രാജക്ട് കോൺട്രാക്ടർമാരുമായുള്ള അശ്ഗാലി​െൻറ സഹകരണത്തെയാണ് നേട്ടം ഉയർത്തിക്കാണിക്കുന്നതെന്നും അശ്ഗാലിനെ സംബന്ധിച്ച് വളരെ പ്രധാന നേട്ടമാണിതെന്നും എല്ലാ പദ്ധതികളിലെയും പ്രധാന ഘടകമാണ് സുരക്ഷാ ക്രമീകരണങ്ങളെന്നും അൽ ഖയാറീൻ വ്യക്തമാക്കി. ഇൻഡസ്​ട്രിയൽ ഏരിയ സീവേജ് പദ്ധതിയുടെ മൂന്നാം ഘട്ട വിപുലീകരണ പദ്ധതിക്ക് 2018 നവംബറിലാണ് അശ്ഗാൽ തുടക്കം കുറിച്ചത്.

2021ൽ പൂർത്തിയാകുന്ന പദ്ധതിയുടെ 41 ശതമാനം നിർമാണ പ്രവൃത്തികൾ ഇതുവരെ പൂർത്തിയായിട്ടുണ്ട്. ദോഹ ഇൻഡസ്​ട്രിയൽ ഏരിയയുടെ രണ്ട് കിലോമീറ്റർ അകലെയായി തെക്ക് പടിഞ്ഞാറ് ഭാഗത്താണ് പദ്ധതി പ്രദേശം. പദ്ധതിയുടെ ആദ്യ രണ്ട് ഘട്ടങ്ങൾ 2017ലാണ് അശ്ഗാൽ പൂർത്തിയാക്കിയത്. നിലവിലെ പദ്ധതി പൂർത്തിയാകുന്നതോടെ ഇൻഡസ്​ട്രിയൽ ഏരിയ സീവേജ് ട്രീറ്റ്മ​െൻറ് പദ്ധതിയുടെ ക്ഷമത ദിനം പ്രതി 90000 ഘനമീറ്ററായി വർധിക്കും.