ഖത്തറിൽ മൂന്ന്​ പേർക്കുകൂടി രോഗമുക്​തി; 44 പേർക്ക്​ കോവിഡ്​

ദോഹ: ഖത്തറിൽ 44 പേർക്ക്​ കൂടി കോവിഡ്​ രോഗം സ്​ഥിരീകരിച്ചു. മൂന്ന്​ പേർക്കുകൂടി രോഗമുക്​തിയായി. ഇതുവരെ രോഗ മുക്​തി നേടിയത്​ ആകെ 48 പേരാണ്​. ആകെരോഗികൾ 634 ആയി. രോഗം ബാധിച്ച്​ കഴിഞ്ഞ ദിവസം ഒരാൾ മരിക്കുകയും ചെയ്​തു. ഈയടുത്ത ്​ മറ്റ്​ രാജ്യങ്ങളിൽ നിന്ന്​ ഖത്തറിൽ തിരിച്ചെത്തിയ ആളുകളുമായി ബന്ധമുള്ളവരാണ്​ പുതുതായി രോഗം ബാധിച്ച ചിലർ.

മറ്റുള്ളവർ മുമ്പ്​ രോഗബാധിതരായ ആളുകളുമായി സമ്പർക്കം പുലർത്തിയവരാണ്​. അതേസമയം, കോവിഡ് 19നെ തുടര്‍ന്ന് ബംഗ്ലാദേശി സ്വദേശി മരിച്ചതിൽ ഖത്തറിലെ ബംഗ്ലാദേശി അംബാസഡര്‍ അശുദ് അഹമ്മദിനെ ഖത്തർ അനുശോചനം അറിയിച്ചു. വിദേശകാര്യ സഹമന്ത്രി ലുൽവ ബിന്‍ത് റാഷിദ് അല്‍ ഖാതിറാണ് അനുശോചനം അറിയിച്ചത്. ഖത്തറില്‍ പ്രവാസിയായ 57കാരനായ ബംഗ്ലാദേശിക്ക് ഈ മാസം 16നാണ് കോവിഡ് 19 സ്ഥിരീകരിച്ചത്. നിരവധി അസുഖങ്ങള്‍ അലട്ടിയിരുന്ന അദ്ദേഹം ശനിയാഴ്ചയാണ് മരിച്ചത്.

ഖത്തറിലുള്ള മുഴുവന്‍ പേര്‍ക്കും ഉന്നത നിലവാരത്തിലുള്ള ആരോഗ്യ സുരക്ഷാ മാര്‍ഗ്ഗങ്ങളാണ് ലഭ്യമാക്കുന്നതെന്ന്​ വിദേശകാര്യ മന്ത്രാലയത്തി​േൻറയും ദുരന്ത നിവാരണ സുപ്രിം കമ്മിറ്റിയുടേയും വക്താവ് കൂടിയാണ്​ ലുൽവ പറഞ്ഞു. ഖത്തറിലേയും ലോകത്തിലേയും കോവിഡ് 19 വ്യാപനവുമായി ബന്ധപ്പെട്ട ഏറ്റവും പുതിയ അവസ്ഥകള്‍ അവര്‍ വിശകലനം ചെയ്തു. ബംഗ്ലാദേശികള്‍ ഉള്‍പ്പെടെ ഖത്തറിലുള്ള എല്ലാവര്‍ക്കും മികച്ച സുരക്ഷ നൽകാന്‍ ഖത്തര്‍ കാണിക്കുന്ന ശ്രദ്ധയെ എടുത്തുപറഞ്ഞ അംബാസഡര്‍ ബംഗ്ലാദേശ് സര്‍ക്കാറിൻെറ കടപ്പാടും അറിയിച്ചു.