സ്വര്ണം പൊടിയാക്കി കടത്താൻ ശ്രമം; 15 ഏഷ്യക്കാർ പിടിയിൽ
text_fieldsദോഹ: രാജ്യത്തിനു പുറത്തേക്ക് അനധികൃതമായി സ്വര്ണം കടത്താന് ശ്രമിച്ച 15 പേരെ നോര്ത്ത് സെക്യൂരിറ്റി വിഭാഗം അറസ്റ്റ് ചെയ്തു. ഏഷ്യന് രാജ്യത്തുനിന്നുള്ളവരാണ് പ്രതികളെല്ലാവരും. സ്വര്ണം പൊടി രൂപത്തിലാക്കിയാണ് ഖത്തറിന് പുറത്തേക്ക് കടത്താന് ശ്രമിച്ചത്. രാജ്യത്തിെൻറ വിവിധ ഭാഗങ്ങളില് നടത്തിയ റെയ്ഡുകളിലാണ് ഇവരെ പിടികൂടിയത്.
ആവശ്യമായ അന്വേഷണങ്ങളും നടപടിക്രമങ്ങളും പൂര്ത്തീകരിച്ചതിന് ശേഷമാണ് അറസ്റ്റ്. സ്വര്ണം പൊടിയാക്കാന് ഉപയോഗിക്കുന്ന ഉപകരണങ്ങളും സ്വര്ണ നാണയങ്ങളും പണവും ഉള്പ്പെടെ അധികൃതര് ഇവരിൽനിന്ന് പിടിച്ചെടുത്തു. ക്രിമിനല് നടപടികള് ഒഴിവാക്കാൻ സുരക്ഷ ഏജന്സികളുമായി ജനങ്ങള് സഹകരിക്കണമെന്ന് ആഭ്യന്തര മന്ത്രാലയം ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.