അൽ റയ്യാൻ സ്റ്റേഡിയത്തിലേക്കുള്ള റോഡ് നിർമാണം പൂർത്തിയായി
text_fieldsദോഹ: ലോകകപ്പിനുള്ള പ്രധാന വേദികളിലൊന്നായ അൽ റയ്യാൻ സ്റ്റേഡിയത്തിലേക്കുള്ള പ് രധാന റോഡിെൻറ നിർമാണം പൂർത്തിയായതായി പബ്ലിക് വർക്സ് അതോറിറ്റി അശ്ഗാൽ അറിയിച്ചു. അതോടൊപ്പം അൽഖോറിലെ അൽ ബെയ്ത് സ്റ്റേഡിയത്തിന് പരിസരത്തുള്ള റോഡുകളുടെയെല്ലാം നിർമാണം പൂർത്തിയായതായും അശ്ഗാൽ വ്യക്തമാക്കി.
രണ്ടു പദ്ധതികളിലായുള്ള മുഴുവൻ റോഡുകളുടെ നിർമാണവും പുനരുദ്ധാരണവും പൂർത്തിയായതായും മേഖലയിലെ സുഗമമായ ഗതാഗതത്തിന് ഇത് സഹായിക്കുമെന്നും അശ്ഗാൽ ട്വീറ്റ് ചെയ്തു. സ്റ്റേഡിയം നിർമാണം പൂർത്തിയാകുംമുമ്പ് റോഡുകളുടെ നിർമാണം പൂർത്തിയായത് അശ്ഗാലിെൻറ പ്രതിബദ്ധതയാണെന്ന് റോഡ്സ് പ്രോജക്ട്സ് ഡിപ്പാർട്മെൻറ് മാനേജർ എൻജി. സഈദ് അൽ തമീമി പറഞ്ഞു. നിശ്ചിത സമയത്തുതന്നെ പദ്ധതികളെല്ലാം പൂർത്തിയായതായും രണ്ടു പദ്ധതികളും സ്റ്റേഡിയത്തിലേക്കും പരിസരങ്ങളിലേക്കുമുള്ള സുഗമമായ ഗതാഗതത്തിൽ നിർണായമാകുമെന്നും അൽ തമീമി വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.