തേൻ മേള സമാപിച്ചു; വിറ്റത്​ 40 ടൺ

ദോഹ: സൂഖ്​ ​വാഖിഫ്​ ഹണി എക്​സിബിഷ​​െൻറ മൂന്നാം എഡിഷന്​​ സമാപനം. 10 ദിവസം നീണ്ടുനിന്ന മേളയിൽ വിറ്റഴിഞ്ഞത്​ 40 ടൺ തേൻ. വിദേശ കമ്പനികളുമായി പത്തോളം കരാർ ഒപ്പിടാൻ കഴിഞ്ഞതായും സംഘാടകർ അറിയിച്ചു. കഴിഞ്ഞ വർഷത്തെ അപേക്ഷിച്ച്​ അഞ്ച്​ ടൺ വർധന ഉണ്ടായിട്ടുണ്ട്​. ​ഇത്​ മേളയുടെ വിജയമാണ്​ സൂചിപ്പിക്കുന്നതെന്ന്​ പരിപാടിയുടെ സംഘാടകരായ പ്രൈവറ്റ്​ എൻജിനീയറിങ്​ ഒാഫിസ്​ അറിയിച്ചു. വാണിജ്യ, വ്യവസായ മന്ത്രാലയവുമായി സഹകരിച്ചാണ്​ വിപണി ഒരുക്കിയത്​.

37 രാജ്യങ്ങളിൽ നിന്നുള്ള 150 കമ്പനികൾ അണിനിരന്ന എക്​സിബിഷനിൽ 50ൽപരം വ്യത്യസ്​ത തേനുകൾ വിപണിയിലെത്തി. ഇതോടനുബന്ധിച്ച്​ വിവിധ മത്സരങ്ങളും സംഘടിപ്പിച്ചിരുന്നു. സ്വീഡൻ, ഡെൻമാർക്ക്​, യു.എസ്​ എന്നിവിടങ്ങളിൽ നിന്ന്​ ആദ്യമായി വ്യാപാരികൾ എത്തി എന്നത്​ ഇൗ എഡിഷ​​െൻറ സവിശേഷതയാണ്​.