ഭക്ഷ്യസുരക്ഷാ സൂചിക; അറബ് ലോകത്ത് വീണ്ടും ഖത്തറിെൻറ അജയ്യത

ദോ​ഹ: ആ​ഗോ​ള ഭ​ക്ഷ്യ​സു​ര​ക്ഷാ സൂ​ചി​ക​യി​ൽ അ​റ​ബ് ലോ​ക​ത്ത് ഖ​ത്ത​ർ ഒ​ന്നാം സ്ഥാ​നം നി​ല​നി​ർ​ത്തി. ആ​ഗോ​ള ​ത​ല​ത്തി​ൽ ഒ​മ്പ​ത് സ്ഥാ​ന​ങ്ങ​ൾ ഉ​യ​ർ​ന്ന് 13ാം സ്ഥാ​ന​ത്തേ​ക്ക് കു​തി​ച്ച​തും രാ​ജ്യ​ത്തി​ന് വ​ലി​യ നേ​ട ്ട​മാ​യി. ഖ​ത്ത​ർ ന്യൂ​സ് ഏ​ജ​ൻ​സി (ക്യു.​എ​ൻ.​എ) റി​പ്പോ​ർ​ട്ട് ചെ​യ്തു. 2019 ഡി​സം​ബ​റി​ൽ പു​റ​ത്തി​റ​ക്കി​യ സൂ ​ചി​ക​യു​ടെ ഏ​റ്റ​വും പു​തി​യ പ​തി​പ്പി​ലാ​ണ് ഭ​ക്ഷ്യ, ഭ​േ​ക്ഷ്യാ​ൽ​പ​ന്ന മേ​ഖ​ല​യി​ൽ ഖ​ത്ത​ർ വി​ട്ടു​വീ​ഴ്ച​യി​ല്ലാ​തെ തു​ട​രു​ന്ന ജാ​ഗ്ര​ത​ക്കും ക​രു​ത​ലി​നും ആ​ഗോ​ള​ത​ല​ത്തി​ൽ അം​ഗീ​കാ​രം ന​ൽ​കി​യി​രി​ക്കു​ന്ന​തെ​ന്ന് ഖ​ത്ത​ർ ന്യൂ​സ് ഏ​ജ​ൻ​സി റി​പ്പോ​ർ​ട്ട് ചെ​യ്തു. ഭ​ക്ഷ​ണം വാ​ങ്ങാ​നു​ള്ള ഉ​പ​ഭോ​ക്താ​വി‍​െൻറ ക​ഴി​വ്, ഭ​ക്ഷ​ണ ല​ഭ്യ​ത, ഭ​ക്ഷ്യ സു​ര​ക്ഷ​യും ഗു​ണ​നി​ല​വാ​ര​വും തു​ട​ങ്ങി​യ ഉ​പ സൂ​ചി​ക​ക​ളും പ​രി​ഗ​ണി​ച്ചാ​ണ് ശ്ര​ദ്ധേ​യ​മാ​യ നേ​ട്ട​ത്തി​ന് ഖ​ത്ത​റി​നെ തെ​ര​ഞ്ഞെ​ടു​ത്ത​തെ​ന്നും റി​പ്പോ​ർ​ട്ട് വ്യ​ക്ത​മാ​ക്കു​ന്നു.

2018 ൽ ​ഖ​ത്ത​ർ ആ​ഗോ​ള​ത​ല​ത്തി​ൽ 22ാം സ്ഥാ​ന​ത്താ​യി​രു​ന്നു. ഭ​ക്ഷ്യ​സു​ര​ക്ഷ പ​രി​പോ​ഷി​പ്പി​ക്കു​ന്ന​തി​നും കാ​ര്യ​ക്ഷ​മ​മാ​ക്കു​ന്ന​തി​നു​മാ​യി ആ​രം​ഭി​ച്ച പ​ദ്ധ​തി​ക​ളാ​ണ് നേ​ട്ട​ങ്ങ​ൾ​ക്ക് വ​ഴി​യൊ​രു​ക്കി​യ​തെ​ന്ന് മു​നി​സി​പ്പാ​ലി​റ്റി പ​രി​സ്ഥി​തി മ​ന്ത്രാ​ല​യ​ത്തി​ലെ (എം.​എം.​ഇ) കൃ​ഷി ഫി​ഷ​റീ​സ് വി​ഭാ​ഗം അ​സി​സ്​​റ്റ​ൻ​റ് സെ​ക്ര​ട്ട​റി ശൈ​ഖ് ഡോ. ​ഫാ​ലി​ഹ് ബി​ൻ നാ​സ​ർ ആ​ൽ​ഥാ​നി പ​ത്ര​സ​മ്മേ​ള​ന​ത്തി​ൽ വ്യ​ക്ത​മാ​ക്കി. ഭ​ക്ഷ്യ​സു​ര​ക്ഷ കൈ​വ​രി​ക്കു​ക​യെ​ന്ന ല​ക്ഷ്യ​ത്തോ​ടെ​യു​ള്ള മ​ന്ത്രാ​ല​യം പ​ദ്ധ​തി വ​ഴി പ​ച്ച​ക്ക​റി​ക​ൾ, ക​ന്നു​കാ​ലി​ക​ൾ, മ​ത്സ്യ​ങ്ങ​ൾ എ​ന്നി​വ​യു​ടെ ഉ​ൽ​പാ​ദ​ന​ത്തി​ലും വ​ലി​യ കു​തി​ച്ചു​ചാ​ട്ട​മാ​ണു​ണ്ടാ​യ​ത്. ഭ​ക്ഷ്യ​സു​ര​ക്ഷാ രം​ഗ​ത്ത് ഖ​ത്ത​റി​ന് ഉ​യ​ർ​ന്ന സ്ഥാ​ന​ത്ത് എ​ത്തു​ന്ന​തി​ന് ഇ​തും കാ​ര​ണ​മാ​യി. പ്രാ​ദേ​ശി​ക പ​ച്ച​ക്ക​റി​ക​ളു​ടെ ഉ​ൽ​പാ​ദ​നം 55,000 ട​ണ്ണി​ൽ നി​ന്ന് 74,000 ട​ണ്ണാ​യി ഉ​യ​ർ​ന്നു. പ്രാ​ദേ​ശി​ക പ​ച്ച​ക്ക​റി​ക​ളി​ലെ സ്വ​യം​പ​ര്യാ​പ്ത​ത​യു​ടെ ശ​ത​മാ​നം 27 ശ​ത​മാ​ന​മാ​യും വ​ർ​ധി​ച്ചി​ട്ടു​ണ്ട്.

രാ​ജ്യ​ത്തെ ഇൗ​ത്ത​പ​ഴം ഉ​ൽ​പാ​ദ​നം 2017ൽ ​ഏ​ക​ദേ​ശം 28,000 ട​ണ്ണാ​യി​രു​ന്നു. 2019ൽ ​ഏ​ക​ദേ​ശം 29,500 ട​ണ്ണാ​യി ഉ​യ​ർ​ന്നി​ട്ടു​ണ്ട്. ഇൗ​ത്ത​പ്പ​ഴ ഉ​ൽ​പാ​ദ​ന​ത്തി​ൽ 86 ശ​ത​മാ​നം സ്വ​യം​പ​ര്യാ​പ്ത കൈ​വ​രി​ക്കാ​നും സാ​ധി​ച്ചു. അ​തു​പോ​ലെ, പാ​ൽ ഉ​ൽ​പാ​ദ​ന​ത്തി​ലാ​ണ് മി​ക​ച്ച നേ​ട്ടം കൊ​യ്തി​രി​ക്കു​ന്ന​ത്. 106 ശ​ത​മാ​നം സ്വ​യം​പ​ര്യാ​പ്ത​യാ​ണ് ഇൗ ​മേ​ഖ​ല​യി​ൽ രാ​ജ്യം കൈ​വ​രി​ച്ചി​രി​ക്കു​ന്ന​ത്. മാ​ത്ര​മ​ല്ല, ചി​ക്ക​ൻ ഉ​ൽ​പാ​ദ​ന​ത്തി​ൽ ഗ​ണ്യ​മാ​യ കു​തി​ച്ചു​ചാ​ട്ടം നേ​ടാ​ൻ ഖ​ത്ത​റി​ന് ക​ഴി​ഞ്ഞു. 2017ലെ 11,000 ​ട​ണ്ണി​ൽ​നി​ന്ന് കോ​ഴി​ക​ളു​ടെ ഉ​ൽ​പാ​ദ​നം വ​ള​ർ​ന്ന് 28,000 ട​ൺ ഉ​ൽ​പാ​ദ​ന​ത്തി​ലെ​ത്തി. ഖ​ത്ത​രി വി​പ​ണി​യി​ലെ ഉ​പ​ഭോ​ഗ​ത്തി​െൻറ 124 ശ​ത​മാ​ന​ത്തി​ല​ധി​കം വ​രു​മി​ത്. മു​ട്ട ഉ​ൽ​പാ​ദ​നം 2017 ൽ ​ഏ​ക​ദേ​ശം 4,000 ട​ണ്ണി​ൽ​നി​ന്ന് 9,000 ട​ണ്ണാ​യി വ​ള​ർ​ന്നു. ചു​വ​ന്ന മാം​സ ഉ​ൽ​പ​ദാ​ന​വും വ​ലി​യ നേ​ട്ടം ത​ന്നെ കൈ​വ​രി​ച്ചു​ക​ഴി​ഞ്ഞു. 2017 ൽ ​ഏ​ക​ദേ​ശം 8,000 ട​ണ്ണാ​യി​രു​ന്ന മാം​സോ​ൽ​പാ​ദ​നം 10,000 ട​ണ്ണി​ലെ​ത്തി. 18 ശ​ത​മാ​നം സ്വ​യം​പ​ര്യാ​പ്ത​ത കൈ​വ​രി​ക്കാ​നും സാ​ധി​ച്ചു.