സൗജന്യ യാത്രാസൗകര്യം ഒരുക്കി അലീവിയ മെഡിക്കല് സെൻറര്
text_fieldsദോഹ: തങ്ങളുടെ ഉപഭോക്താക്കള്ക്കായി സൗജന്യ യാത്രാസൗകര്യം ഒരുക്കി അലീവിയ മെഡിക്കല് സെൻറര്. ഓണ്ലൈന് ടാക്സി സേവന ദാതാക്കളായ കരീമുമായി ചേര്ന്നാണ് പദ്ധതി നടപ്പാക്കുന്നതെന്ന് മാനേജ്മെൻറ് പ്രതിനിധികള് വാര്ത്തസമ്മേളനത്തില് അറിയിച്ചു. അലീവിയ മെഡിക്കല് സെൻററിെൻറ വുഖൈറിലെയും വഖ്റയിലെയും കേന്ദ്രങ്ങളിലേക്ക് ചികിത്സക്കെത്തുന്നവര്ക്ക് സേവനം പ്രയോജനപ്പെടുത്താം. മെഡിക്കല് സെൻററിലെ 55212999 എന്ന നമ്പറിലേക്ക് വിളിച്ച് ഉപഭോക്താവിന് തങ്ങളുടെ യാത്രാസൗകര്യം ഉറപ്പുവരുത്താന് കഴിയും.
വീട്ടുപടിക്കലില് നിന്നും രോഗികള്ക്ക് നേരിട്ട് മെഡിക്കല് സെൻററിലേക്ക് എത്താന് ഇതിലൂടെ കഴിയും. സെൻററിലേക്ക് വരുന്നതിനും തിരിച്ച് വീട്ടിലേക്ക് പോകുന്നതിനും സൗജന്യ സേവനം ലഭ്യമായിരിക്കും. ഉപഭോക്താക്കള്ക്ക് മികച്ച സേവനം ഉറപ്പു വരുത്തുകയും താമസം കൂടാതെയുള്ള ചികിത്സക്ക് സൗകര്യമൊരുക്കുകയും ചെയ്യുക എന്നതാണ് പുതിയ സേവനത്തിലൂടെ ലക്ഷ്യമിടുന്നത്. വാര്ത്തസമ്മേളനത്തില് അലീവിയ ചീഫ് ഓപറേറ്റിങ് ഓഫിസര് ഉദയ്കുമാര്, കരീം കോര്പറേറ്റ് റിലേഷന് മാനേജര് സമി അല്സെയ്ന്, ഡോ. വിജയ്, സന്ദീപ് മോഹന് എന്നിവര് പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.