കർവക്ക് കൂടുതൽ ഭിന്നശേഷി സൗഹൃദ ടാക്സികൾ
text_fieldsദോഹ: പ്രത്യേക പരിഗണന അർഹിക്കുന്ന യാത്രക്കാർക്കായി കർവയിൽനിന്ന് കൂടുതൽ ഭിന്ന ശേഷി സൗഹൃദ ടാക്സികൾ. നിലവിൽ കർവയുടെ കീഴിലുള്ള ടാക്സികൾക്ക് പുറമേയാണ് വിവിധ വൈകല്യമുള്ളവർക്കായി പ്രത്യേകം സൗകര്യമൊരുക്കിയ വാഹനങ്ങൾകൂടി എത്തുന്നത്. വീൽചെയർ അടക്കമുള്ളവ സൗകര്യപ്രദമായി കയറ്റാനും വൈകല്യമുള്ളവർക്ക് തടസ്സമൊന്നുമില്ലാതെ ഇരിക്കാനുമുള്ള സൗകര്യങ്ങൾ ഈ വാഹനത്തിലുണ്ട്്. സീറ്റുകൾ അടക്കമുള്ള ഇത്തരം സൗകര്യങ്ങൾ പ്രത്യേകമായി ഒരുക്കിയതാണ് വാഹനത്തിെൻറ ഉൾഭാഗം. വ്യത്യസ്ത സീറ്റുകളുള്ള രണ്ട് തരത്തിലുള്ള വാഹനങ്ങളാണ് പുതുതായി എത്തിയിരിക്കുന്നത്. രണ്ടോ മൂന്നോ വീൽചെയറുകൾ ഇതിൽ ഉൾക്കൊള്ളിക്കാൻ കഴിയും.
ഇതിനടുത്തായിതന്നെ യാത്രക്കാരെൻറ സഹായിക്ക് ഇരിക്കാനുള്ള സീറ്റുകളും ഉണ്ട്. ഈ വാഹനങ്ങൾകൂടി എത്തിയതോടെ പ്രത്യേക പരിഗണന അർഹിക്കുന്നവർക്കായുള്ള കർവയുടെ വാഹനങ്ങളുെട എണ്ണം 20 ആയി. വീൽചെയറുകളിൽ ഇരുത്തിതന്നെ യാത്രക്കാരനെ വാഹനത്തിൽ കയറ്റാനുള്ള പ്രത്യേക റാപ്പ് വാഹനത്തിലുണ്ട്. 400 കിലോ ഗ്രാം വരെ വഹിക്കാൻ ശേഷിയുള്ള ഇതിൽ സുരക്ഷാപൂട്ടുകളും ഉണ്ട്. നിലവിൽ വിപണിയിൽ കിട്ടുന്ന ഏറ്റവും ആധുനികമായ സുരക്ഷാസൗകര്യങ്ങളാണ് വാഹനത്തിലുള്ളത്. വഴുതിപ്പോകാത്ത തറയാണ് ഉള്ളിൽ. ഇതിനാൽ വീൽചെയറുകൾ വാഹനത്തിൽനിന്ന് തെന്നിമാറില്ല.
കർവയുടെ ബസുകളും ഭിന്നശേഷിസൗഹൃദവാഹനങ്ങളാണ്. വീൽചെയറുകൾ സൗകര്യപ്രദമായി ഇതിൽ കയറ്റാം. വീൽചെയറുകൾ വാഹനത്തിൽ സൗകര്യപ്രദമായ ഘടിപ്പിക്കാവുന്ന ഉന്നത അന്താരാഷ്ട്ര ഗുണനിലവാരത്തിലുള്ള സൗകര്യങ്ങളാണ് കർവ ബസുകളിലും ഉള്ളത്. ഭിന്നശേഷിക്കാർക്ക് ഇത്തരം വാഹനങ്ങളുെട സേവനം ആവശ്യമാണെങ്കിൽ കർവയുടെ 8008294 എന്ന ടോൾ ഫ്രീ നമ്പറിൽ മുൻകൂട്ടി ബുക്ക് ചെയ്യാം. അെല്ലങ്കിൽ കർവ ടാക്സി ആപ്ലിക്കേഷൻ വഴിയും ഇതിന് കഴിയും. സമൂഹത്തിലെ എല്ലാതരം ആളുകളെയും ഉൾക്കൊള്ളുകയും പ്രത്യേക പരിഗണന ആവശ്യമുള്ളവർക്ക് മികച്ച സൗകര്യങ്ങളും നൽകുകയെന്നത് സാമൂഹിക ഉത്തരവാദിത്തമായാണ് തങ്ങൾ കാണുന്നതെന്ന് കർവ അധികൃതർ പറയുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.