വൈവിധ്യമാർന്ന പരിപാടികളുമായി ഖത്തർ നാഷനൽ ലൈബ്രറി
text_fieldsദോഹ: ഖത്തറിലെ വിവിധ സമൂഹങ്ങൾക്കായി ആഗസ്റ്റിൽ വൈവി ധ്യമാർന്ന പരിപാടികളുമായി ഖത്തർ നാഷനൽ ലൈബ്രറി. ക്രി യേറ്റിവ് റൈറ്റിങ്, സോഷ്യൽ മീഡിയയിലെ കഴിവുകൾ വർധിപ്പിക്കുക, സംഗീതം തുടങ്ങി വ്യത്യസ്ത മേഖലകളുമായി ബന്ധപ്പെട്ട പരിപാടികളാണ് നടക്കാനിരിക്കുന്നത്. ഖത്തറിന് പുറത്ത് പഠിക്കാനും താമസിക്കാനും യാത്ര ചെയ്യാനും ഉദ്ദേശിക്കുന്നവർക്കുള്ള ദി ഖത്തരി എക്സ്പീരിയൻസ് എേബ്രാഡ് ആഗസ്റ്റ് മൂന്നിന് നടക്കും. ഖത്തറിന് പുറത്ത് ജീവിച്ചിട്ടുള്ളവരുടെ അനുഭവങ്ങളും അവരുമായുള്ള ചോേദ്യാത്തരങ്ങളുമാണ് പരിപാടിയിലെ മുഖ്യ ഇനം.
ആഗസ്റ്റ് ഏഴിന് ബുക്ക് ഡിസ്കഷൻ -സിബ്ലിങ്സ് വിത് സ്പെഷൽ നീഡ്സ് പരിപാടി നടക്കും. ഭിന്നശേഷിക്കാരായ മോണിക്ക എംകാഫ്രിയും അന്നെറ്റ് ഹെയിംസുമാണ് പരിപാടി നിയന്ത്രിക്കുക. അറബിക് ക്രിയേറ്റിവ് റൈറ്റിങ് മേഖലയിലുള്ളവർക്കായുള്ള ശിൽപശാലകൾക്ക് ആഗസ്റ്റ് 17ന് തുടക്കമാകും. സിക്രീത്ത് പബ്ലിഷിങ് ആൻഡ് ഡിസ്ട്രിബ്യൂഷൻ സ്ഥാപകൻ റാദി അൽ ഹാജിരിയുടെ സഹകരണത്തോടെയാണ് പരിപാടി. സെപ്റ്റംബർ ഏഴ് വരെ ശിൽപശാലയും തുടരും. എല്ലാ ശനിയാഴ്ചയുമാണ് ശിൽപശാല. ആഗസ്റ്റ് 29ന് റീഡേഴ്സ് ഒപീനിയൻസ് ബുക്ക് ക്ലബ് യോഗം നടക്കും.
മൗറിദ് ബർഗൂതിയുടെ ഐസോ റാമല്ല എന്ന ആത്മകഥ യോഗത്തിൽ ചർച്ച ചെയ്യും. ഗൂഗ്ൾ ൈഡ്രവിലേക്കൊരു ആമുഖമെന്ന ആഗസ്റ്റ് 24ലെ പരിപാടിയിൽ ക്ലൗഡ് കമ്പ്യൂട്ടിങ് ടൂളുകളെ പരിചയപ്പെടുത്തും. ആഗസ്റ്റ് 31ന് സോഷ്യൽ മീഡിയ സെൽഫ് മാർക്കറ്റിങ് സ്കിൽസ് എന്ന തലക്കെട്ടിലുള്ള പരിപാടിയും സംഘാടകർ ആസൂത്രണം ചെയ്തിട്ടുണ്ട്. ഹോം സിക്ക്നെസ് ഇൻ ക്ലാസിക്കൽ മ്യൂസിക് എന്ന പ്രമേയത്തിലൂന്നിയുള്ള പരിപാടി ആഗസ്റ്റ് 19നും നടക്കും. https://www.qnl.qa/en എന്ന സൈറ്റിൽ കൂടുതൽ വിവരങ്ങൾ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.