ഉ​പ​യോ​ഗശൂന്യമായ 100 കി​ലോ മ​ത്സ്യം ന​ശി​പ്പി​ച്ചു

ദോ​ഹ: അ​ൽ വ​ക്റ മ​ത്സ്യ​ച​ന്ത​യി​ലെ ലേലം ഗ്രൗ​ണ്ടി​ൽ മു​നി​സി​പ്പാ​ലി​റ്റി അ​ധി​കൃ​ത​ർ നടത്തിയ പ​രി​ശോ​ ധ​ന​യി​ൽ ക​ണ്ടെ​ത്തി​യ ഉ​പ​യോ​ഗയോ​ഗ്യ​മ​ല്ലാ​ത്ത 100 കി​ലോ​ഗ്രാം മ​ത്സ്യം പി​ടി​കൂ​ടി ന​ശി​പ്പി​ച്ചു. മു​ നി​സി​പ്പാ​ലി​റ്റി​ക്ക് കീ​ഴി​ലെ ആ​രോ​ഗ്യ വി​ഭാ​ഗ​ത്തി​ലെ വെ​റ്റ​റി​ന​റി ഡോ​ക്ട​ർ​മാ​രാ​ണ് നടപടിയെടുത്തത്​. അ​ന്ത​രീ​ക്ഷ​ത്തി​ലെ ക​ടു​ത്ത ചൂ​ടും മ​ത്സ്യം സൂ​ക്ഷി​ക്കാ​നാ​വ​ശ്യ​മാ​യ ഐ​സ്​ ഇ​ല്ലാ​ത്ത​തു​ൾ​പ്പെ​ടെ​യു​ള്ള മ​തി​യാ​യ ത​യ്യാ​റെ​ടു​പ്പു​ക​ളി​ല്ലാ​ത്ത​തു​മാ​ണ് വ​ലി​യ തോ​തി​ൽ മ​ത്സ്യം ഉ​പ​യോ​ഗ ശൂ​ന്യ​മാ​കാ​ൻ കാ​ര​ണ​ം.

അ​ൽ ദ​ആ​യി​ൻ മു​നി​സി​പ്പാ​ലി​റ്റി​യി​ൽ ക​ഴി​ഞ്ഞ മാ​സം വി​വി​ധ ഭ​ക്ഷ്യ​ശാ​ല​ക​ളി​ൽ 250 പ​രി​ശോ​ധ​ന​ക​ൾ ന​ട​ത്തി. 1990ലെ ​എ​ട്ടാം ന​മ്പ​ർ നി​യ​മ​ത്തി​ലെ വി​വി​ധ വ​കു​പ്പു​ക​ൾ ലം​ഘി​ച്ച​തി​നെ തു​ട​ർ​ന്ന് നാ​ല് നി​യ​മ​ലം​ഘ​ന​ങ്ങ​ൾ അ​ധി​കൃ​ത​ർ റി​പ്പോ​ർ​ട്ട് ചെ​യ്യു​ക​യും മ​തി​യാ​യ ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്തു. കൂ​ടാ​തെ മ​റ്റു​കേ​സു​ക​ളി​ൽ 55 മു​ന്ന​റി​യി​പ്പ് നോ​ട്ടീ​സ്​ ന​ൽ​കു​ക​യും ചെ​യ്തി​ട്ടു​ണ്ട്.