ഉത്​പന്ന നിയന്ത്രണം​: നടപടികൾ അന്താരാഷ്​ട്ര വ്യാപാര സംഘടനയുടെ നിർദേശപ്രകാരം

ദോഹ: യു.എ.ഇയുടെ ഉത്​പന്നങ്ങൾക്ക്​ നിയന്ത്രണമേർപ്പെടുത്തിയതുമായി ബന്ധ​െപ്പട്ട്​ അന്താരാഷ്​ട്ര വ്യാപാര സംഘ ടനയുടെ (ഡബ്ല്യു.ടി.ഒ) മാനദണ്ഡങ്ങൾക്കനുസരിച്ചാണ്​ തങ്ങൾ പ്രവർത്തിക്കുന്നതെന്ന്​ ഖത്തർ. യു.എ.ഇയുടെ ഉത്​പന്നങ്ങള ുടെ ഇറക്കുമതി, വിതരണം, വിൽപന തുടങ്ങിയവയുമായി ബന്ധപ്പെട്ട്​ ഖത്തർ ചില നിയന്ത്രണങ്ങൾ കൊണ്ടുവന്നിരുന്നു. ഇതിനെ തിരിൽ അയൽരാജ്യം രണ്ടാം തവണയും അന്താരാഷ്​ട്ര വ്യാപാര സംഘടനയുടെ തർക്കപരിഹാര വിഭാഗത്തിൽ പരാതി നൽകിയിട്ടുണ്ട്​. ഇൗ സാഹചര്യത്തിലാണ്​ ഖത്തർ ഗവൺമ​െൻറ്​ കമ്മ്യൂണിക്കേഷൻ ഒാഫിസി​​െൻറ വിശദീകരണം വന്നിരിക്കുന്നത്​. യു.എ.ഇ, സൗദി, ബഹ്​​ൈറൻ, ഇൗജിപ്​ത്​ എന്നീ രാജ്യങ്ങൾ ഖത്തറിന്​ മേൽ ഉപരോധം പ്രഖ്യാപിച്ചതിന്​ ശേഷം അവരുടെ വിതരണക്കാരോടും കമ്പനികളോടും ഖത്തറിലേക്ക്​ ഉത്​പന്നങ്ങൾ കയറ്റി അയക്കുന്നത്​ അവർ വിലക്കിയിരുന്നു.

ഇതിനെ തുടർന്നാണ്​ ഖത്തർ യു.എ.ഇ ഉത്​പന്നങ്ങൾക്ക്​ വിലക്ക്​ ഏർപ്പെടുത്തിയത്​. എന്നാൽ ഇൗ നിയന്ത്രണങ്ങൾ ഇപ്പോൾ നിലവിൽ ഇല്ല. പക്ഷേ യു.എ.ഇ വിതണക്കാർക്ക്​ ഇപ്പോഴും ഖത്തറിൽ വിലക്കുണ്ട്​ എന്ന തോന്നൽ ഉണ്ടാകാൻ സാധ്യതയുണ്ട്​. അതിന്​ കാരണം യു.എ.ഇ ഖത്തറിലേക്കുള്ള അവരുടെ കയറ്റുമതി നിരോധിച്ചതിനാലാണ്​. അല്ലാതെ ഖത്തറി​​െൻറ ഭാഗത്ത്​ നിന്നുള്ള പ്രശ്​നങ്ങൾ മൂലമല്ലെന്നും ഗവൺമ​െൻറ്​ കമ്മ്യൂണിക്കേഷൻ വകുപ്പി​​െൻറ വിശദീകരണത്തിൽ പറയുന്നു. തക്കസമയത്ത്​ അയൽരാജ്യം നടപടികൾ എടുക്കാതിരുന്നതിൽ തങ്ങൾ ഖേദിക്കുന്നുണ്ട്​. തങ്ങളുടെ ഭാഗത്ത്​ നിന്ന്​ വ്യാപാര മേഖലയിൽ ഉണ്ടാകുന്ന തടസങ്ങൾ അവർ തന്നെ നീക്കണമായിരുന്നു. എന്നാൽ ഖത്തർ ലോകവ്യാപാര സംഘടനയുടെ നിയമനിർദേശങ്ങൾ ലംഘിച്ചു എന്ന തരത്തിൽ മാധ്യമങ്ങളിലൂടെ കുപ്രചാരണങ്ങൾ നടത്താനാണ്​ അയൽരാജ്യം ശ്രമിച്ചുവന്നത്​. ചില ചെറിയ നേട്ടങ്ങൾക്ക്​ വേണ്ടിയായിരുന്നു ഇത്​.

അത്തരം വാചാടോപങ്ങൾ കൊണ്ട്​ കാര്യമില്ല. അയൽരാജ്യത്തി​​െൻറ ഉത്​പന്നങ്ങളുമായി ബന്ധപ്പെട്ട്​ ഖത്തർ എടുത്ത എല്ലാ നടപടികളും ലോകവ്യാപാര സംഘടനയുടെ നിർദേശങ്ങളും മാനദണ്ഡങ്ങളും പാലിച്ചാണ്​. ഭ​ക്ഷ്യമേഖലയുമായി ബന്ധപ്പെട്ട കർശന നിയമ നിർദേശങ്ങൾ പാലിക്കുന്ന രാജ്യമാണ്​ ഖത്തർ. ഉപഭോക്​താക്കളുടെ താൽപര്യങ്ങൾ സംരക്ഷിക്കൽ ഇതിൽ സുപ്രധാനമാണ്​. ജനങ്ങളുടെ ആരോഗ്യം, ഉത്​പന്നങ്ങളു​െട ഗുണനിലവാരം, പാരിസ്​ഥിതിക ഘടകങ്ങൾ തുടങ്ങിയവയും ഇക്കാര്യത്തിൽ ഖത്തർ കർശനമായി പാലിക്കുകയും പരിഗണിക്കുയും ചെയ്യുന്നുണ്ട്​. ഭക്ഷ്യമേഖലയിലെ ഇത്തരം നിയമപരമായതും മറ്റുമായ എല്ലാ കാര്യങ്ങളും ഖത്തർ തുടർന്നും കർശനമായി പാലിക്കുക തന്നെ ചെയ്യുമെന്നും​ ഖത്തർ അറിയിച്ചു.