കഴിയില്ല, സൈബർ സുരക്ഷ തകർക്കാൻ

ദോ​ഹ: രാജ്യത്തി​​െൻറ സൈബർ സുരക്ഷാവിഷയത്തിൽ ഒരു തരത്തിലുമുള്ള വിട്ടുവീഴ്​ചക്കും സന്നദ്ധമല്ലെന്നും പഴുതടച്ച സംവിധാനമാണ്​ ഇക്കാര്യത്തിൽ ഉള്ളതെന്നും രാജ്യം. ഉ​യ​ര്‍ന്നു​വ​രു​ന്ന എ​ല്ലാ​ത്ത​രം സൈ​ബ​ര്‍കു​റ്റ​കൃ​ത്യ​ ങ്ങ​ളെ​യും പ്ര​തി​രോ​ധി​ക്കാ​ന്‍ രാ​ജ്യ​ത്തി​നാ​കു​മെ​ന്ന് സാ​മ്പ​ത്തി​ക സൈ​ബ​ര്‍ കു​റ്റ​കൃ​ത്യ പ്ര​തി​രോ​ധ വി​ഭാ​ഗ​ം (​ഇ ആ​ൻറ്​ സി​സി​സി​ഡി) ത​ല​വ​ന്‍ കേ​ണ​ല്‍ അ​ലി ഹ​സ​ന്‍ അ​ല്‍കു​ബൈ​സി പ​റ​ഞ്ഞു. ഇ ആ​ൻറ്​ സി​സി​സി​ഡിക്ക്​ ശ​ക്ത​മാ​യ ഇ​ല​ക്ട്രോ​ണി​ക് സേ​ര്‍ച്ച് ആ​ൻറ്​ ഇ​ന്‍വെ​സ്​റ്റി​ഗേ​ഷ​ന്‍ സം​വി​ധാ​ന​മു​ണ്ട്. ഏ​റ്റ​വും പു​തി​യ ഉ​പ​ക​ര​ണ​ങ്ങ​ളും അ​ത്യാ​ധു​നി​ക സാ​ങ്കേ​തി​ക​വി​ദ്യ​യു​മാ​ണ് ഉള്ള​ത്.

കു​റ്റ​കൃ​ത്യ​ങ്ങ​ളി​ലേ​ര്‍പ്പെ​ടു​ന്ന വ്യാ​ജ സോ​ഷ്യ​ല്‍ മീ​ഡി​യ അ​ക്കൗ​ണ്ടു​ക​ളെ പി​ന്തു​ട​ര്‍ന്ന് പി​ടി​കൂ​ടാ​ന്‍ സ​ഹാ​യ​ക​മാ​ണ് ഈ ​സം​വി​ധാ​ന​ങ്ങ​ളെ​ന്നും ‘ഗ​ള്‍ഫ് ടൈം​സ്​’ പത്രത്തി​ന്​ ന​ല്‍കി​യ അ​ഭി​മു​ഖ​ത്തി​ല്‍ അ​ദ്ദേ​ഹം വ്യ​ക്ത​മാ​ക്കി. ഏ​റ്റ​വും അ​ത്യാ​ധു​നി​ക​വും രൂ​പ​പ്പെ​ട്ടു​വ​രു​ന്ന​തു​മാ​യ സൈ​ബ​ര്‍കു​റ്റ​കൃ​ത്യ​ങ്ങ​ളെ പ്ര​തി​രോ​ധി​ക്കു​ന്ന​തി​നാ​യി​ ആ​സൂ​ത്ര​ണ സം​വി​ധാ​നം വി​ക​സി​പ്പി​ച്ചി​ട്ടു​ണ്ട്. ശ​ക്ത​മാ​യ നി​യ​മ​നി​ര്‍വ​ഹ​ണ​ത്തി​ലൂ​ടെ സൈ​ബ​ർ കുറ്റ​കൃ​ത്യ​ങ്ങ​ളു​ടെ എ​ണ്ണം കു​റ​ക്കാ​നാ​കു​മെ​ന്നാ​ണ് വ​കു​പ്പ് വി​ശ്വ​സി​ക്കു​ന്ന​ത്.

സൈ​ബ​ര്‍കു​റ്റ​കൃ​ത്യ​ങ്ങ​ള്‍ക്കെ​തി​രെ ശ​ക്ത​മാ​യ ന​ട​പ​ടി​ക​ള്‍ സ്വീ​ക​രി​ക്കേ​ണ്ട​ത് അ​ത്യാ​വ​ശ്യ​മാ​ണ്. പ്ര​ത്യേ​കി​ച്ചും വി​വ​ര​സാ​ങ്കേ​തി​ക​വി​ദ്യാ​മേ​ഖ​ല വ​ള​രെ​യ​ധി​കം വ​ള​ര്‍ച്ച​യും വി​ക​സ​ന​വും കൈ​വ​രി​ക്കു​ന്ന ഈ ​ഘ​ട്ട​ത്തി​ല്‍. സോ​ഷ്യ​ല്‍ മീ​ഡി​യ കു​റ്റ​കൃ​ത്യ​ങ്ങ​ള്‍ കൈ​കാ​ര്യം ചെ​യ്യു​ന്ന​തി​ന് പ്ര​ത്യേ​ക ഊ​ന്ന​ല്‍ ന​ല്‍കു​ന്നുണ്ട്​.